cunséltu , nm, agt: cussentu, cussertu Definizione su èssere comente si tocat, chistiu, assentau, sanu, bene cuncordau, in paghe, de acórdiu, nau de unu, de una cosa, de unu logu (a bortas fintzes pps. de cussertare); càntigu a tenore Sinonimi e contrari assentu, cuncórdia, óldine / cuncordu, cunseltadu | ctr. iscunsertu, isórdulu Modi di dire csn: pònnere su logu in cussertu = remonire, allichidiri su logu; cantare a c., cussertu de tenores = cuncordu, càntigu de sos prus antigos de sa tziviltade sarda; èssere de malu cussertu = de índula mala, reberde, tostorrudu Frasi istant in bonu cussertu respetèndhesi parebare ◊ a bi ndh'at de cussertu in cussa domo… totu betada apare la tenent! ◊ no bi ndhe at de cussertu in sa famíllia chi su babbu o sa mama sunt dados a su físsiu ◊ est bénnidu isse, ca nachi poniat sa zente in cussertu ◊ teniat bisonzu de pònnere cussentu in sas ideas suas ca giughiat su coro brincandhe che macu 2. como l'azes cusserta, sa Sardigna!… 3. za ses cussertu cun cussa ruta chi as dadu!…◊ chimentu, atitos, càntigos de mortu, iscracàllios de risu matzoninu, mumujones de bentu… s'inferru cunzuntu: totu custu cunsertu mi batiat s'ànimu a pitu ’e dentes! (G.Ruju)◊ ite cussentu bi aiat totindunu in cussa domo!… Etimo srd. Traduzioni Francese ordre, sain, fonctionnant Inglese tidy, working, sound Spagnolo orden, arreglado, funcionante, sano Italiano órdine, compósto, ordinato, funzionante, sano Tedesco Ordnung, geordnet, funktionierend, gesund.

diatòglia, diatòrja , nf Definizione die de fatoriu, dí de fatu, chi si trebballat, die de trebballu Sinonimi e contrari gerronada Frasi fit bestita chin sos pintzos de arribbu fintzas in diatòglia ◊ aiant fatu festa manna macari in diatòglia ◊ essendhe diatorja, oe in bidha sa zente est paca Traduzioni Francese jour ouvrable Inglese weekday, working day Spagnolo laborable Italiano giórno feriale Tedesco Werktag, Wochentag.

feriàdu , pps, agt, nm Definizione de feriare; de is dies de festa; die de festa / a ora feriada = a disora, a tardu Sinonimi e contrari bagadiu / cdh. firiatu 2. sas dies feriadas cherent rispetadas ◊ no passat die chi no torras a ora feriada! ◊ sas ànimas bonas zirant a donzi ora, sas malas a oras feriadas ◊ ant tocadu sa gianna a ora feriada, a mesanote Traduzioni Francese férié Inglese sunday (not working day) Spagnolo festivo Italiano festivo Tedesco Feiertags…

incubonadúra , nf: incuponadura Definizione su pònnere su mustu in cupone, in cubedina, su tempus chi si dhue lassat e su budhimentu chi faet Sinonimi e contrari incubadura, incubonada | ctr. iscubonadura, scupadura Frasi ocannu li dao pagu incubonadura a su mústiu ◊ cun paga incubonadura, su binu essit prus craru ◊ bi ndh'at chi li daent fintzas duas chidas de incubonadura, a su mústiu Etimo srd. Traduzioni Francese cuvage Inglese working fermentation Spagnolo vinificación Italiano fermentazióne delle uve Tedesco Gärung des Mostes.

trabballaméntu , nm Definizione su trabballu o manígiu chi si faet a is cosas po chi siant fatas a su puntu giustu Etimo srd. Traduzioni Francese travail Inglese processing, working Spagnolo elaboración, producción, manufactura Italiano lavorazióne Tedesco Bearbeitung.

«« Cerca di nuovo