Ditzionàriu in línia
de sa limba e de sa cultura sarda

cungiadúra , nf: cungiarua, cunzadura Definizione su cungiare, serradura e serru, su serrare e fintzes sa cosa po serrare; a logos est su terrenu serrau, su cungiau Sinonimi e contrari chijura, cúngia, impizadura, serróngiu, serru Frasi a ingíriu de s'ortu dhui at una cungiadura ◊ sa cunzadura de sas tancas est fata a mururdu ◊ ant abbruxau sa cungiarua de bíngia 2. mi armeit de armugodhos de vitellu e de corrias pro sa cunzadura 3. custa fuit una cunzadura prena de trigu ispigau Terminologia scientifica srr Etimo srd. Traduzioni Francese enceinte Inglese enclosure Spagnolo recinto cerrado Italiano recinzióne Tedesco Einfriedung.

friscàdu , pps, agt: frischiau Definizione de friscare; frisciadu, chi est serrau a friscu, a crae Sinonimi e contrari frilciadu, serradu | ctr. abbeltu Modi di dire csn: terra friscada = tropu tosta, mala a triballare; aeras friscadas = chi no sunt postas in abba, chi no bi cheret pròere; mudu che càssia friscada = chi no iscóbiat nudha 2. s'apusentu est frisciadu a giae Traduzioni Francese fermé à clef Inglese locked Spagnolo cerrado con llave, atrancado Italiano chiuso a chiave Tedesco verschlossen.

serràdu , pps, agt: serrau Definizione de serrare; chi portat o dhi ant postu serru; nau de unu, chi est de pagos foedhos Sinonimi e contrari cugnau, lacanadu, tancadu | ctr. abbeltu 2. tancas serradas a muru fatas a s'aferra aferra… (M.Murenu)◊ si su logu est bene serradu su bestiàmine istat prus seguru ◊ bivit acorrau in d-una domu cun is murus artus a fúrriu, is fentanas serradas cun arreciadas de ferru ◊ su sàbudu is bancas funt serradas ◊ s'orcu tenera unu campu totu serrau a figumorisca 3. a nàrriri sa beridadi, cun nosu ses istétiu sempri serrau serrau Cognomi e Proverbi smb: Serrau Traduzioni Francese fermé Inglese closed Spagnolo cerrado Italiano chiuso Tedesco geschlossen.

serróngiu , nm Definizione totu su chi serbit a serrare, su chi serrat su logu Sinonimi e contrari abbucadura, chijura, serru Frasi no essendudenci perunu serróngiu, su pastori depiat billai dí e noti (E.Quartu)◊ su trèmini fut a serróngiu de linna Etimo srd. Traduzioni Francese enceinte Inglese enclosure Spagnolo recinto cerrado Italiano recinzióne Tedesco Einfriedung.

sícas , nf pl Definizione genia de ingestu chi si faet ponendho su pódhighe mannu in mesu de is àteros primos duos a púngiu serrau e ispudandho in su matessi tempus, dispretziandho a ccn. o calecuna cosa de mala manera, fintzes naendho Chi ti siches!, Chi si sichet! / pònnere o fàghere sas sicas Sinonimi e contrari fica* Frasi est partiu dae vidha, sa prima vorta, ponèndheli sas sicas ◊ li at fatu fintzas sas sicas de cantu no lu podet bídere! Traduzioni Francese crachement pour mépris Inglese hand superstitious practice Spagnolo gesto hecho con el puño cerrado para traer mala suerte Italiano fiche Tedesco Feigen (derb).

sidhàdu 1 , pps, agt: assidhau 1, sidhau 1 Definizione de sidhare; chi est serrau a sízigu, sidhiu, malu a apèrrere; in cobertantza, firmu, tostau meda e fintzes mortu / s. a su dinai, s. che cóciula = susuncu, arrestigu, de manu afissa Sinonimi e contrari serradu / firmu, sidhidu, tostu / mortu 2. su celu est sidhau de nuis ◊ est maleighindhe a dentes sidhadas ◊ no cumprendiant ca su coru insoru pariat sidhau ◊ in chistioni de dinai est sidhau che cóciula ◊ est boxi trista sidhada de su prantu ◊ est sidhau che nuxi ◊ su pani chi no pesat abarrat matzuru, sidhau 3. mancu cun sa morti ses istau sinceru: e si festa istau giai sidhau? ◊ sa terra est sidhada 4. fuant sidhaus a su dinai ◊ cudha fémina ispedritziada si furiat furriada a sidhada e no faiat nemmancu cosa de papai po risparmiai Traduzioni Francese cacheté Inglese sealed Spagnolo sellado, cerrado herméticamente Italiano sigillato, bloccato Tedesco versiegelt.

sidhídu , pps, agt: sidhiu Definizione de sidhire; chi est firmu sizidu, cradu, o, nau de unu, fintzes chi no foedhat, chi abbarrat citiu, chi istat firmu Sinonimi e contrari firmu, serradu, sidhadu 1, sizidu / mudu / aggruncidu Modi di dire csn: sidhiu! = frimmu!, mudu!; buca sidhia = buca cosida, serrada, nadu de chie si callat mudu, no iscóbiat nudha; mòrriri sidhiu = mòrrere inteterighedhadu de su fritu 2. est chin sas barras sidhias ◊ benindi a innòi, cantu chi abarras sidhiu ingunis! ◊ sidhia tui, ca nci nd'at po tui puru! ◊ abarra inguni sidhiu, no bèngiat genti a comporai cosa! ◊ sa fentana no seu arrennésciu a dh'oberri: est sidhia ◊ tui fai su chi ti nant e sidhiu che sa balla! 3. sidhiu, ca megas de iscoviai totu! ◊ apo intesu custu istragamuzu… mi ne seo pesadu sidhidu, no ischio ite cosa fut (Z.Porcu)◊ sidhiu, deghinò ti pòngiu su murrabi! Traduzioni Francese cacheté, transi Inglese sealed, numbed Spagnolo cerrado herméticamente, entumecido Italiano sigillato, intirizzito Tedesco versiegelt, erstarrt.

tancàdu , pps, agt: tancatu, tancau Definizione de tancare Sinonimi e contrari cugnau, lacanadu, serradu | ctr. abbeltu, obertu Traduzioni Francese fermé Inglese enclosed, locked Spagnolo cerrado Italiano chiuso Tedesco geschlossen.