abbamàre , vrb Definizione fàere a bama, a tàgiu, betare totu a unu (nau pruschetotu de bestiàmene) Sinonimi e contrari acedhae, achedhonare, aggamai, aggrustare, amedhare, ammeschiare, atazare, ingamai | ctr. iscrobai, stallai Terminologia scientifica pst Etimo srd. Traduzioni Francese réunir, agréger Inglese to aggregate, to put in a herd Spagnolo unir, juntar Italiano aggregare, formare un branco Tedesco angliedern, eine Herde bilden.

acabigiulàre , vrb: cabigiulare Definizione arregòllere cosa chi no est tanti fàcile a tènnere ca si ndhe agatat pagu Sinonimi e contrari acabulare, acaputzire, collire, preulire Etimo srd. Traduzioni Francese ramasser Inglese to scrape up Spagnolo arañar, juntar Italiano raggranellare Tedesco zusammenbringen.

acedhàe, acedhài , vrb: achedhare Definizione fàere a chedha, sa chedha, betare a unu, pònnere totu impare Sinonimi e contrari abbamare, achedhonare, aggamai, aggrustare, amedhare, arretolare, atropare, atrumare, ingamai | ctr. irgrustiare, istagiai Frasi sos sirbonedhos imparabant a si achedhare si bi aiat perículu ◊ acedha totu is brebeis angiadas! ◊ mundhat su furru cun iscobiles de narbutza achedhados e astrintos cun filuverru in pitu a su furcone 2. is cumpàngius si acedhant e torrant a girai de una ruga a s'àtera 3. fiat meda sa genti acedhada acanta de s’ostaria, castiendi ◊ pillonis acedhaus… annada mala! Terminologia scientifica pst Etimo srd. Traduzioni Francese réunir Inglese to aggregate Spagnolo unir, juntar Italiano aggregare, abbrancare Tedesco eine Herde bilden.

aciuntài , vrb: agiuntai, agiuntare, ajuntare, azuntare Definizione aunire una cosa cun àtera, una a s'àtera a manera chi abbarrent coment’e una cosa ebbia, totu a unu, assardaos: azuntàresi si narat fintzes po si fidantzare Sinonimi e contrari aciúgnere, agiànghere, annúnghere / assardare | ctr. arrogai, innànghere, irjànghere Frasi is manus agiuntada e a Maria s'invocada fendi pregadoria ◊ torrat agiuntai custa carri segada Etimo srd. Traduzioni Francese joindre, unir Inglese to join Spagnolo juntar Italiano congiùngere Tedesco vereinigen.

acopiài , vrb: acopiare Definizione pònnere a loba, a duos a duos impare, andhare a duos a duos; betare su mascu a sa fémina Sinonimi e contrari acrobai, agiobare, allobae, aparigai / saltiare, zúchere Traduzioni Francese accoupler Inglese to pair Spagnolo juntar, emparejar, aparear, acoplar Italiano accoppiare Tedesco paaren.

acumonài , vrb: acumonare Definizione arregòllere o pònnere totu impare, totu a unu (bestiàmene, àteru), a cumone; giare su bestiàmene a contivigiare a mesu pérdia e a mesu badàngiu, a mesapare; su si pònnere impare Sinonimi e contrari aggregare, assotziai Frasi parte de sas abbas de cussu riu est intubbada: su restu est acumonada pro abbare campos e frutales ◊ si boleis guadangiai de prus, acumonaisí in sotziedadi! Terminologia scientifica pst Etimo srd. Traduzioni Francese réunir Inglese to aggregate Spagnolo juntar, poner en común Italiano aggregare, méttere in comune Tedesco zusammentreiben, Vieh in Halbpacht haben

allobàe, allobài , vrb: allobare, lobae Definizione pònnere o acapiare impare, a loba / sartiare a pes lobaus = cun ambadús peis impari (comenti si fait sartendi de logu artu) Sinonimi e contrari acopiare, acrobai, agiobare, apagiare, aparigai, giúnghere | ctr. illobare, iscrobai Frasi seus nosu chi dhus fadeus is fillus e a nosu tocat a dhus allobai Etimo srd. Traduzioni Francese jumeler Inglese to couple Spagnolo juntar Italiano abbinare Tedesco zusammenfügen.

apagiàre , vrb: apajare, apazare 2 Definizione pònnere impare a loba, fàere una pariga, pònnere a pajas, a duos a duos Sinonimi e contrari allobae, aparigai, giúnghere Frasi su giuale serbit pro apagiare sos boes ◊ Fulana chin Fulanu ant apazadu 2. cudhos duos giòvanos fint ballendhe apagiados Etimo itl. appaiare Traduzioni Francese accoupler, apparier Inglese to couple Spagnolo juntar, emparejar Italiano accoppiare Tedesco zu Paaren vereinigen.

arrebutzulàre , vrb Definizione arregòllere sa cosa cun dificurtade, a pagu a pagu; rfl. fintzes errichire Sinonimi e contrari acabidae, acabigiulare, acabulare, apunghitai, preulire, regutzulare* Traduzioni Francese ramasser (par ci par là) Inglese to scrape up Spagnolo juntar Italiano raggranellare Tedesco zusammensparen.

assodhíri , vrb Definizione arregòllere a unu a unu, a pagu a pagu, pònnere totu impare, chistire; nau de una segada o freadura, martzire, fàere a matéria / pps. assodhiu, assodhitu Sinonimi e contrari assodhai, assortai, assortire, bodhiri, collire Frasi assodheus firmas po una proposta de lei ◊ is carrogas si assodhint impari ◊ at assodhiu is pipius asuta de sa manta ◊ in cortilla dhoi fiant sordaus e serbidoris assodhius acanta de su fogu 2. mi fait su prexeri de mi assodhí custu porcu cantu abarru innòi? ◊ beni, o morti, e assodhimindi! ◊ e duncas custa computeredha portat cosa po assodhiri totu su ch'iscrís? ◊ assodhendusí sa sutana me is genugus, su predi si est sétziu 3. seu bessiu mau dèu puru, depu ai assodhiu de su capu scuadra miu! Traduzioni Francese rassembler Inglese to gather Spagnolo reunir, juntar Italiano riunire Tedesco sammeln.

assortài, assortàre , vrb Definizione fàere una sorte, un'issorta, una chedha, pònnere impare Sinonimi e contrari acolondrare, acorrae 1, acorralai, assodhiri, assortí, assortillai Terminologia scientifica pst Etimo srd. Traduzioni Francese réunir Inglese to gather Spagnolo juntar Italiano riunire Tedesco sammeln.

assòrte , nf: sorte Definizione pruschetotu, bestiàmene arregortu a pagu a pagu o postu a parte po dhu bèndhere, fàere a petza Sinonimi e contrari cedha, ereu, fiotu, grústiu, issorta, majone, pasa, retolu, sinnissoni, trechinzu, tropa, tropedhu Frasi un'assorte de bacas, de cadhos Etimo srd. Traduzioni Francese assortiment Inglese assortment Spagnolo el juntar reses para venderlas Italiano assortiménto Tedesco Sortiment.

assortí , vrb: assortie, assortire, assortiri, assultire, sortire Definizione fàere un'assorte, pònnere impare; nau de gente, aunire, atobiare, bènnere, o fàere atobiare a su matessi logu; nau de calecunu male, bènnere, lòmpere, ingòllere / zente assultida e de malas intrànnias = regortorzos e malos, aproviaus; èssere male assultidu = unu chi benit de fora, aproviau, pagu aggradéssiu Sinonimi e contrari assodhiri, assortai, assortillai / abbogiare, acodie, acorrae 1, addopare, aproghilare, assèndhere, ghirare / bènnere, capitare Frasi bi tenzo duas berbeghes assortidas e no si cumprendhet de chie sunt ◊ ndi at assortiu su tallu ◊ cussos avassos cherent assurtidos a un'isterzu ◊ apo assultidu sas bacas a inoghe ◊ totus cussus sentza de trabballu chi assortant a pratza de crésia! 2. no as a assortie candho ti at a pigae fàmene? ◊ chi is cuntzilleris no fetzant de mancu de assortiri ◊ no tzerrist, ca assortit genti! ◊ a innòi assortit sa genti po chistionai ◊ assultimus a s'oru de su prochile ◊ assortei unu momentedhu ca intendeis! 3. stau ca ndi dh'assortit sa tubbercolosi! ◊ cussa mexina dhi serbit candu dh'assortit su daori de brenti ◊ a su póveru l'assurtit una ruta fintzas in su paris ◊ gei no at a assortí sa calentura a tui puru?!…◊ pessanne a cantu li fit assortitu li fit assénnitu s'ingadhintzu 4. cussu est un'assurtidu, solu fizu de tita! Traduzioni Francese rassembler, réunir Inglese to assemble Spagnolo reunir, juntar Italiano adunare Tedesco zusammenrufen.

auníre , vrb: unire Definizione pònnere cosas diferentes o medas totus impare, pònnere o istare totus impare, betare totu a unu Sinonimi e contrari acoglire, aggodhetare, audhire | ctr. iscrobare, pratziri, scuncordai Frasi si sa sorte cheret a nos aunire amus a èssere cuntentos ambos duos ◊ a ti aunire sos coros impare no ti deghiat mancu a paragone! ◊ sos pastores si sunt aunidos in coperativa Traduzioni Francese rassembler Inglese to gather Spagnolo juntar Italiano unire, riunire, unificare, raccògliere Tedesco vereinen, wiedervereinen, sammeln.

pinnicài , vrb: pinnicare, pinnigai, pinnigare, prinnigai Definizione foedhandho de orrobba o àteru deasi a pígiu largu meda o cosa longa, pònnere o fàere a dópiu (o de prus puru) po dha chistire bene (o trantzire po àteru); foedhandho de gente (o fintzes de bestiàmene), bènnere apare, arregòllere, atobiare totu a unu matessi logu po si agatare impare; foedhandho de cosa, arregòllere impresse a unu muntone o totu impare po dha chistire, po ndhe dha pigare (o fintzes furare) Sinonimi e contrari ancujare, collire, dòrchere, furai, imboligare, leai / pigiare 1 / ammuntonare, aunire, remonire | ctr. istirai Modi di dire csn: pinnicau che susuja = fatu a unu gantzu; pinnicai a dua pilla, a tres, a cuatru pilla = a pizos; pinnicaisí a crutzu = ritiràresi, istaresindhe in domo asseliadu; pinnigai bàchilis e bachilitus = pinnigare sos cosinzos, pinnigare totu (e andharesindhe) Frasi innòi tocat a si pinnicai a fundu de còscia po no s'isciundi ◊ custu ferru cheret pinnigadu in duos ◊ mi pínnigo che una colora ◊ at pinnicau sas funes in corros a sos boes ◊ is undas currendusí apari si pinnicànt a cuadhus mannus ◊ sos letolos netos cherent pinnigados e remonidos 2. cun d-unu bandu iat pinnigau totu is sardistas ◊ si funt pinnigaus a tres a tres ◊ in sa pratza si dhui pinnigat genti po arrexonai de dónnia cosa ◊ su bentu pinnicat sa folla ◊ est tempus chi is sannoricus pinnighint a tundu! ◊ pínniga totu dae sa mesa! ◊ sa zente fit pronta a si pinnicare ◊ iant pinnigau perda po dha tirai a issu ◊ s'arrennegu si dhi fut pinnigau in su coru 3. mi che ant pinnigadu totu su chi tenia ◊ su diàulu ti nche pínnichet! ◊ ue colat cussu, àpida sa cosa e pinnigada, faghet! 4. at a èssiri a bí a chini bincit: crei ca cuncunu de cussus si pinnicat a crutzu! Traduzioni Francese plier, réunir Inglese to fold, to gather Spagnolo doblar, reunir, juntar Italiano ripiegare, radunare Tedesco falten, versammeln, zusammentragen.

preulíre, preulíri , vrb: priuliri Definizione buscare, arregòllere cosa a pagu a pagu, cun dificurtade, in tempos longos; a logos dhu narant in su sensu de ndhe bogare s'agriore a s'ogiuermanu faendhodhoe fríere unu bículu de pane; fintzes cumprèndhere su chi s'ischit de s'àteru in manera ibballiada, in su sensu de ndhe pentzare male Sinonimi e contrari acabidae, acabigiulare, acabulare, arreguai, coberai, pelcutzare, regutzulare, sciscillonae Frasi semus triballendhe che àinos ma no resessimus a preulire unu sodhu ◊ de un'arzoledha de prantaza de càule petzi bi ndh'apo preulidu pagos puntos ca mi che l'at manigada sa ruga ◊ si podint priuliri cuatru litrus de ollu dónnia coranta chilus de ollestincu Traduzioni Francese ramasser, écornifler Inglese to scrape up Spagnolo juntar, reunir Italiano racimolare, raggranellare, procacciare Tedesco zusammenbringen, zusammensparen, ansammeln.

regutzulàre , vrb: arrugutzulare Definizione arregòllere o buscare ccn. cosa cun dificurtade, a pagu a pagu Sinonimi e contrari acabidae, acabulare, apunghitai, collire, pelcutzare, preulire, sciscillonae Etimo itl. Traduzioni Francese ramasser (par ci par là) Inglese to scrape together Spagnolo juntar Italiano raggruzzolare Tedesco zusammenbringen.

sciscillonàe, sciscillonài , vrb Definizione segare e ingòllere iscaligiones in bíngia, o àteru chi si podet arregòllere cun dificurtade, a pagu a pagu Sinonimi e contrari acabidae, acabigiulare, acabulare, apunghitai, collire, preulire, regutzulare Etimo srd. Traduzioni Francese grappiller Inglese to scrape up Spagnolo juntar Italiano racimolare Tedesco zusammenkratzen.

«« Cerca di nuovo