Ditzionàriu in línia
de sa limba e de sa cultura sarda

ammuína , nf, nm: ammuinu, ammúinu, muina* Definizione sa moida chi faet s'abe; ifadu de gente chi istat foedhandho, segamentu de conca / ammuinu de conca = coment’e moida in conca, de maladia, de istare male Sinonimi e contrari moida, mughinzu, muinàrgia, tzugnu, zúmiu 2. s'intendiat un'istontonu, un'ammuinu, pariat chi teniat callentura ◊ is fuedhus in conca mi girant cument'e un'ammuinu ◊ làssami s'ammuinu! ◊ s'ammuina de is pregontas dhi zúmiat in conca ◊ sentza de ammuinu nudha no si faghent sas cosas Traduzioni Francese bourdonnement Inglese buzzing Spagnolo zumbido Italiano ronzìo Tedesco Summen.

ammuinài 1 , vrb: muinai*, ammuinàre Definizione fàere ammuinu, genia de moida coment'e de abes o fintzes de gente foedhandho a boghighedha bàscia, giare ifadu, fàere sa conca che casidhu a unu cricandho de dhu cumbínchere a calecuna cosa Sinonimi e contrari afruschiare, fruscidare, frusiai, frusitai, moidare, mojire, múere, muizare, sulietai, sulvare, zumiai Frasi s'istracia ammuinat e si atzàpulat asuba de sa fentana ◊ mi ant ammuinau is origas ◊ s'arregordu dhi ammuinat aintru de su ciorbedhu ◊ a is fariseus dhis ammuinant in su ciorbedhu is fuedhus de Gesugristu Traduzioni Francese bourdonner Inglese to buzz Spagnolo zumbar Italiano ronzare Tedesco summen.

ammuinaméntu , nm Sinonimi e contrari ammoinadura, moida, zúmiu Etimo srd. Traduzioni Francese bourdonnement Inglese humming Spagnolo zumbido Italiano ronzìo Tedesco Summen, Brummen.

moída , nf, nm: mughida, múghida, múghita, muida, múida, muídu, múidu, múita Definizione su sonu sighiu de cosa movendho, mescamente candho est meda e po su prus ifadosu / min. moidedha; lassare sa m. a unu = lassaidhu asséliu, lassaidhu stai sentz'e dhi narri nudha Sinonimi e contrari ammuina, arremóriu, mughina, remore, triuliu Frasi sa moida de su riu, de s'abba proindhe, de su bentu, de su trenu, de sa betoniera, de sas màchinas ◊ tengu una múida a conca chi mi parit de portai una scursura de abis ◊ chin sa conca a múghitas, che moju, mesu atolondrau ses galu andhandhe (N.Trunfio)◊ sa múghida coment'e de apiarju dae largu s'intendhet meda tretu ◊ s'àghera fit prena de sas múghidas de sas campanedhas de sas berbeches 2. làssami sa moida, tantu de su chi mi ses nendhe no ndhe fato! Etimo srd. Traduzioni Francese bruit, bourdonnement, ronflement, grondement, vrombissement Inglese noise, rumble, buzzing Spagnolo ruido, zumbido, estruendo Italiano rumóre, ronzìo, rómbo Tedesco Geräusch, Lärm, Summen, Brummen, Donner.

moidàre , vrb: mughidare, muidare, muitare Definizione fàere moida, a moida, a súrbiu o a zúmiu comente faent su bentu forte o fintzes unos cantu bobbois Sinonimi e contrari afruschiare, ammuinai 1, fruscidare, frusiai, mojire, múere, muizare, zumiai Frasi babbaudedhos cun alas pintadas muidèndhemi in giru a boliadas de su mundhu mi dant novas ◊ su bentu si pesat muidendhe, iscútinat sas àlvures e paret de las chèrrere ispeigare ◊ una fritza colat moidendhe ◊ inue passaiat li muidaiat s'ispada che tronu ◊ su ventu colat muitanne ◊ si ti sunt sas orixas muidendhe sunt campanas pro ti ndhe ischidare! (G.Raga) Etimo ltn. mugitus Traduzioni Francese siffler, bourdonner, ronfler Inglese to whistle, to buzz Spagnolo silbar Italiano fischiare, ronzare Tedesco sausen, summen.

mughína , nf Definizione genia de sonu sighiu Sinonimi e contrari arralla 1, frusa, frusinzu, istrepitzu, moida Etimo srd. Traduzioni Francese bourdonnement (di insetti, alle orecchie), ronflement (di motori) Inglese buzz Spagnolo zumbido Italiano ronzìo Tedesco Summen.

muína, múina , nf, nm: ammuina, muine, muinu Definizione genia de sonu sighiu o fintzes mutúgiu, moida de trísinu; genia de moida in conca, pentzamentu, o fintzes furriamentu de conca Sinonimi e contrari ischimuzu, moida, muinzu, zúmiu / ibbadhinamentu, scimíngiu Frasi sunt a muina in conca sos sentimentos ◊ abbellu abbellu, sena fàghere muinu, si est impostadu in d-una tupa ◊ sa muina de totu cussas boxis no lassat ascurtai is fuedhus suus ◊ a mi lassas istare sa muina, chi mi pares muscone in s'aposentu?! (Sassu) Etimo srd. Traduzioni Francese bourdonnement Inglese buzzing Spagnolo zumbido Italiano ronzìo Tedesco Summen.

muinài , vrb: ammuinai 1, muinare Definizione fàere un genia de moidedha fine fine, prus che àteru sa chi faent s'abe e bobboitedhos deasi Sinonimi e contrari afruschiare, fruscidare, frusiai, frusitai, moidare, mojire, múere, muizare, suai, sulietai, sulvare, surbiai, zumiai Frasi muinendi e zummiendi funt acudendi a tronis muschitus e musconis ◊ no movet ratu ne foza in su frutale e no muinat su riu ◊ unu musconi fiat muinendi in s'oru de sa fentana Etimo ltn. muginare Traduzioni Francese bourdonner Inglese to buzz Spagnolo zumbar Italiano ronzare Tedesco summen.

mummucàre , vrb: mummuchiare, mumughiare Definizione cantare a mummucu, chentza artzare sa boghe e chene fàere intèndhere bene is foedhos, fàere una genia de sonu sighiu, fintzes nàrrere cosa a murrúngiu Sinonimi e contrari mulmutare, pispisai / morrugnare Frasi cantant sas feras, apedhant sos canes, mummúchiat cada casta de errebios (L.Loi)◊ no est tirandhe prus aeredha, mancu bentu de susu chi néchidat sas chessas mummuchiandhe in frunzas ◊ intendhimus rios e montes mummuchiendhe Etimo srd. Traduzioni Francese murmurer, chuchoter Inglese to whisper Spagnolo susurrar Italiano sussurrare Tedesco summen.