A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

armistítziu , nm Definitzione su firmare o tasire sa gherra, su mantènnere is armas firmas Tradutziones Frantzesu armistice Ingresu armistice Ispagnolu armisticio Italianu armistìzio Tedescu Waffenstillstand.

armonía , nf Definitzione su torrare paris, su cuncordare bene de cosas diferentes (figuras, colores, cumportamentos, sonos o àteru) a manera de fàere totunu chi est bellu, bonu e praghet Sinònimos e contràrios armúdiu, cuncódria Frases sa diversidadi est armonia chi guvernat su mundu cumenti dh'at bófiu e fatu Deus.

armónicu , agt Definitzione chi est fatu bene, fatu cun armonia, chi si adatat, chi cuncordat bene, deghet Sinònimos e contràrios armoniosu, bellu, deghile Tradutziones Frantzesu harmonique Ingresu harmonious Ispagnolu armónico Italianu armònico Tedescu harmonisch.

armoniósu , agt Definitzione chi portat o tenet armonia, chi est fatu cun armonia, chi si adatat o cuncordat bene de pràghere Sinònimos e contràrios bellu, deghile Frases armoniosu est totu su chelu ◊ su cosseto dhu istringint in cintzu cun is gàncius po lassari froriri su sinu armoniosu asuta de sa camisa ◊ intendho sas dulches cantilenas de unu rusignolu armoniosu ◊ is launedhas, tres arroghedhus de canna, ma cantu armoniosus!…◊ pompiabo sa bellesa e ascurtabo sa boche armoniosa Tradutziones Frantzesu harmonieux Ingresu harmonious Ispagnolu armonioso Italianu armonióso Tedescu harmonisch.

armóniu , nm Definitzione genia de aina manna de sonare a suladura a fodhe tirau a pedales (o a elétricu) Sinònimos e contràrios òlganu Tradutziones Frantzesu orgue Ingresu organ Ispagnolu órgano, armonio Italianu òrgano Tedescu Orgel.

armonizàre , vrb Definitzione adatare bene una cosa a un'àtera Sinònimos e contràrios armudiai, cuncodrai.

àrmu àlmu

armuà , nm Definitzione genia de alàscia, armàriu mannu po chistire bestimentos, cun isprigu mannu in mesu Frases illíchido sa valliza e che assento totu in s'armuà Ètimu itl. armuà (frn. armoire) Tradutziones Frantzesu garde-robe Ingresu wardrobe Ispagnolu guardarropa Italianu guardaròba Tedescu Kleiderschrank.

armucódhu almugódhu

armudiài , vrb Definitzione assentare, pònnere o cuncordare a manera de no ispendhentare a una bandha, fàere a manera de no èssere a tropu o malammodidu in calecuna cosa Sinònimos e contràrios bilantzare, cuncodrai Ètimu srd. Tradutziones Frantzesu harmoniser Ingresu to harmonize Ispagnolu armonizar Italianu armonizzare Tedescu harmonisieren.

armúdiu , nm Definitzione su armudiai; genia de assentu bonu, bellu, deghile, nau de cosa o de unu fàere, de unu sentidu, chi no pendhet a calecuna parte, chi no est a tropu in calecuna cosa Sinònimos e contràrios armonia, cuncódria, cuncórdiu Ètimu srd. Tradutziones Frantzesu harmonie Ingresu harmony Ispagnolu armonía Italianu armonìa Tedescu Harmonie.

armuè , nm Definitzione genia de orrobba de seda Terminologia iscientìfica ts.

armugódhu almugódhu

armulàta , nf Definitzione genia de erba areste bona a papare, a bortas prantada puru Sinònimos e contràrios alaussa, giúspinu Terminologia iscientìfica rba, rbc, Sinapis alba Ètimu ltn. armoracea Tradutziones Frantzesu moutarde blanche Ingresu white mustard Ispagnolu mostaza blanca Italianu sènape bianca Tedescu weißer Senf.

armulàtza ammuràtza

armurànta almurànta

armuràta almurànta, ammuràtza

armuràtza ammuràtza

armurzàre ammugliàre

armússa , nf Definitzione genia de mantelledha de píscamos e cardinales Sinònimos e contràrios morseta, mutzeta Terminologia iscientìfica bst Ètimu ctl. armussa Tradutziones Frantzesu mosette Ingresu mozzetta Ispagnolu muceta Italianu mozzétta Tedescu Mozeta.