A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

arringàre , vrb Definitzione fàere arrennegu, crepu, tzacu / arringa! arringa! = arrennega! arrennega! Sinònimos e contràrios arranzare 1, arraunzare, arrinzare, grujai, morrugnare, raganzare, ranzidare | ctr. allegrare, cuntentai Tradutziones Frantzesu se mettre en colère, faire mal au cœur Ingresu to make angry, to madden Ispagnolu irritarse Italianu adirare, far ràbbia Tedescu zum Zorn reizen.

arringarrínga , nf Definitzione cosa chi si narat a s'àteru po dhi fàere tzacu, po dhu fàere arrennegare / fàghere s’a. a ccn. = fai ingestus (frighendi is didus coment’e acutzendidhus) po dhu fai arrennegai Sinònimos e contràrios arrennegarrennega! Ètimu srd.

arringàu , pps, agt Definitzione de arringai; chi istat sèmpere in ziru Sinònimos e contràrios arroliadori, bandhuleri, cracheratzu, curriolu 1, rundhajolu, rundhanu, rundhellu, tzincavesu, zirellu | ctr. remonidu 2. custu est unu piciochedhu arringau.

arringhèra arrenghèra

arringherài arrengherài

arringhèscia arraghèscia

arringhillàda , nf Definitzione fata o faina de arrenghillu, botu, cumportamentu de un'arrenghillu 2. sa cummediedha ci ti mandu as a biri ca no est un'òbera de cabbali, ma solu un'arringhillada po passai su tempus Ètimu srd.

arringiólu aragnólu

arringratziài arrengrassiài

arringratziaméntu , nm: ringrasciamentu* Definitzione totu su chi si narat o faet a ccn. coment'e sinnale cumpraxéntzia po unu bene arreciu Sinònimos e contràrios ammessedu Frases su menzus arringratziamentu est si nosi faent una vísita a domo.

arríngu aríngu

arringuitzài, arringulitzàri arranguitzài

arringulítzu , nm Definitzione ingràngulu, totu su chi serbit po arringulitzari, po batire a unu sa gana de fàere calecuna cosa.

arrinnèsci arrannèsci

arrintronéri , agt Definitzione chi intumbit, arretronat Sinònimos e contràrios arrembumbosu, arretronosu, arretumbosu Ètimu srd.

arrintrónu arretrónu

arrintzonàre , vrb Sinònimos e contràrios arretae, arritzare.

arrintzòne arresciòni

arrínu , nm Sinònimos e contràrios arriu, traghinu Frases matas, tupas e cresuras, arrinus friscarosus totu umbraus.

arrinzàre , vrb Definitzione ammeletzare faendho a bíere is dentes comente faent unos cantu animales, prus che àteru, tzacurrare is dentes; si narat fintzes in su sensu de istare pranghe pranghe / arrinzendhe dentes = arrodendhe dentes; a. che cane in cadena; a. sas lavras, su murru = frungiri unu pagu is laus coment'e bolendi nàrriri cosa o a betu diferenti Sinònimos e contràrios arranzare 1, arraunzare, arringare, grujai, morrugnare, raganzare, ranzidare / poliare Frases ti chimentas cun àteros matzones: trassistu, arrinzas e faghes sa coa, ma oramai as pérdidu sa proa! (Piredda) 2. at arrinzau sas lavras a unu risighedhu Ètimu itl. rignare Tradutziones Frantzesu gronder, grincer des dents Ingresu to growl Ispagnolu gruñir Italianu ringhiare, digrignare Tedescu knurren, die Zähne fletschen.