A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

atrociadórgiu , nm Definitzione ferru adatau in punta po fàere cúrrere su cadhinu (cricu), genia de manúbbriu Sinònimos e contràrios poltaghílciulu Terminologia iscientìfica ans Ètimu srd.

atrociài , vrb: atrossare, atrotzare Definitzione acapiare, istrínghere cun sa trotza, agiustare cosa chi andhet o istet bene posta, firma; in cobertantza, acapiare male, a improdhu; chínghere male o portare su bestimentu postu male / atrociai una brulla a ccn. = cuncordare una brulla a unu Sinònimos e contràrios acapiae, prèndhere / allorincai, atzampanare, indrollare Frases cun sas manos ligadas, atrotzadu cun funes e cadenas ◊ a Gesugristu dh'iant atrociau a una colunna po dhu pistai 2. pariat unu diàulu, aici mali atrossau Ètimu itl. attorciare.

atrocillài , vrb Definitzione coment'e tròchere, furriare / a. is ogus = furriare sos ogros, abbaidare a ogru dortu Sinònimos e contràrios tortigiai Frases s'argiau si ndi fut pesau e si fut postu a badhai sentza prus si atrocillai.

atróciu , nm: atrotzu Definitzione su atrociai, atrotzare, siat acapiandho cosa cun sa trotza e siat fintzes naendho de cumportamentu de gente Sinònimos e contràrios afidura, atrotzadura, atrotzamentu, prendhidura | ctr. isorbidura Maneras de nàrrere csn: pònnere s'atrotzu a unu = obbrigare, custrínghere a unu a fàghere carchi cosa, fintzas su chi no est zustu; èssere (a) atrotzu = afissu, in afissu 2. su cane giughet su collarinu atrotzu a tuju Ètimu srd.

atrocolài atricuài

atróculu , nm: Definitzione genia de cropu giau a forte atumbandho a calecuna cosa, mescamente su cropu de conca chi si giaent is mascos gherrandho Sinònimos e contràrios atumbu, crabitinu, tzumbada Ètimu srd. Tradutziones Frantzesu heurt Ingresu collision Ispagnolu cornada Italianu còzzo Tedescu Stoß.

atrodhionài , vrb Definitzione nàrrere trodhionimis, istare criticandho a s’unu e s’àteru Sinònimos e contràrios afrodhiai, bodhetai Frases cussa est sempri a trevessu atrodhionendu! (I.Pillosu) Ètimu srd.

atrofía , nf Definitzione genia de maladia, male o disturbu chi faet torrare, minimare un’organísimu o un’arremu Tradutziones Frantzesu atrophie Ingresu atrophy Ispagnolu atrofia Italianu atrofía Tedescu Atrophie.

atróficu , agt Definitzione nau de organísimu o arremu de sa carena, chi si torrat coment’e morindhosi, torrandho de pesu e de mannària Tradutziones Frantzesu atrophique Ingresu atrophic Ispagnolu atrófico Italianu atròfico Tedescu atrophisch.

atrofizàre , vrb Definitzione minimare, torrare de pesu e de mannària po calecunu male, nau de un’organísimu o de un’arremu Tradutziones Frantzesu atrophier Ingresu to atrophy Ispagnolu atrofiar Italianu atrofizzare Tedescu atrophieren.

atrogàda , nf Sinònimos e contràrios atorgu, atrogamentu | ctr. nega Frases dae sas atrogadas chi at collidu at ischidu cosa segura.

atrogàdu atrocàdu

atrogài , vrb: trogai* Definitzione acapiare o imbodhigare una cosa a tantas bortas a inghíriu de calecun’àtera, fintzes in pitzu, a un’arremu o àteru Sinònimos e contràrios imboligare, prèndhere / pinnicai / acordiolai, atrotixai, folfigiare, forrighitare, fortzicare, imbogiare, trobillai | ctr. irboligare, isòlbere, strogai Frases atrogadhi unu giuncu po dh'aguantai frimu! ◊ ma ita tiàntziri totu mi bolis atrogai, su cordoni de santu Franciscu?! 2. su tzugu atrogau portit!

atrogaméntu , nm Definitzione su atrogare, arreconnòschere calecuna cosa Sinònimos e contràrios atrogu | ctr. nega Frases bos naro, amigos caros, chi cussu atrogamentu mi fit trambuliendhe! Ètimu srd.

atrogàre atorgàre

atroghillài , vrb Sinònimos e contràrios atrogai, trabojare, trebedhai.

atroghíre , vrb Sinònimos e contràrios addulgare, ammítere, atorgare, averai, avriare 1, cufessare | ctr. dennegai, necare.

atrogliàre , vrb Definitzione nau de s'abba, fàere a trógliu, a paule, a erriu Ètimu srd.

atrogolàdu , agt Definitzione chi est fatu a trógulu, a forma de cadhinu, de cricu Sinònimos e contràrios trepojau, trogau Frases sos probblemas sunt medas e acapiados apare cument'e sos anedhos de una cadena totu atrogolada (P.G.Mura)◊ depimos chircare su càbudu de custu filu atrogoladu Ètimu srd.

atrogónzu , nm Definitzione su atrogare calecuna cosa Sinònimos e contràrios atrogamentu, atrogu, testimonia | ctr. nega Frases unu no podet èssere cundennadu chin s’atrogonzu de unu distimonzu ebbia Ètimu srd.