A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

atrintzài, atrintzàre , vrb Definitzione pònnere sa trintza in chintzu, chínghere (nau de ómine e de fémina), artzare bene is pantalones a chintzu; aprontare po una cosa difícile, su si abbogare, foedhare po calecuna cosa Sinònimos e contràrios arraghilare, chígnere / arrangiai Frases fit benindhe a passu frimmu, a pàliu de bratzos, bene atrintzada 2. si no mi atrintzo a giamare agiutóriu, inoghe abberu mi che faghet die, e die mala! Ètimu srd.

atrintziodhàre , vrb Definitzione calare apare chentza fortzas, istasire, fàere a tzirbisas, ammurigonare Sinònimos e contràrios afrangillonai, afrunzedhare, aggranchizonare, apigiare, frongire | ctr. istirai Frases fit una fémina totu bruta e atrintziodhada (M.A.Piga) Ètimu srd.

atrípa , nf, nm: atripu Definitzione iscutulada, dobbe, corpu (fintzes po su sonu chi faet) Sinònimos e contràrios atripadura, atripamentu, surra / colpu 2. si est firmau po pausare e at inténdhiu s’atripu de unu telàrgiu Ètimu srd.

atripàda , nf Definitzione su atripare Sinònimos e contràrios banzu, irbatulada, iscutulada Frases ohi comente faent sa conca is atripadas de su telàrgiu!… Ètimu srd.

atripadòre, atripadòri , agt Definitzione chi iscudet, chi atripat Ètimu srd.

atripadúra , nf Sinònimos e contràrios arropadura Ètimu srd.

atripài , vrb: atripare Definitzione pigare a cropos, iscúdere; atumbare, tocare a cropu a calecunu logu Sinònimos e contràrios abbanzare, aciocai, addobbai, arropai, assurrare, atripongiai, fèrrere, isciúdere, magiare, mungiai, sussare / colpare / tipilire Frases custu est su miu, custu su tuu: no c'est abbisóngiu de si atripai! ◊ fint totugantos iscudindhe, a chie podiat piús atripare ◊ canno su frailarzu comintzàt a atripare su martzedhu a s'incúdina acudiat crachi pitzinnu 2. at zau un'iscartarada e at atripau sa conca ◊ trambedha trambedha at atripau a una mata ◊ custu s'est dadu a fàghere atripàndhesi a una parte e a s'àtera Ètimu srd. Tradutziones Frantzesu frapper Ingresu to beat Ispagnolu golpear Italianu picchiare Tedescu schlagen, verprügeln.

atripàlla , nm Definitzione cropu forte.

atripaméntu , nm Sinònimos e contràrios atripa, atripadura.

atripàre atripài

atripedhài , vrb Definitzione camminare trisinandho is peis, o coment’e iscudendho is peis a terra Sinònimos e contràrios acacigai, pistae Ètimu srd. Tradutziones Frantzesu piétiner Ingresu to shuffle Ispagnolu pisotear Italianu scalpicciare Tedescu scharren.

atripiàre atipriàre

atripidàre , vrb Definitzione pònnere in sa trébide, fintzes assentare o pònnere bene Ètimu srd.

atripidhài , vrb Sinònimos e contràrios assachitai Ètimu srd.

atrípidu , nm Definitzione genia de moida chi si faet cun is peis; fintzes cropos, surra Sinònimos e contràrios apetigu, atripizu, istrepitzu, istrípidu, tribitu / atripa Ètimu srd. Tradutziones Frantzesu piétinement Ingresu pawing, pattering Ispagnolu pisadas, patear Italianu calpestío, scalpitío Tedescu Getrampel, Gescharre.

atripisàda , nf Definitzione genia de atripadura a lébiu chi si faet a pértiga o a canna po ndhe fàere orrúere su frutu de una mata Frases ant dadu un'atripisada a canna a s'àrbure pro ndhe iscutinare s'olia Ètimu srd.

atripitzàre , vrb Definitzione fàere a tzirbisas, a pinnigas Sinònimos e contràrios afrangillonai, afrascillonai, aggraminzonare, aggruncire, apigiare, arruntzai, atavellai, atribuntzire, frongire, granculai | ctr. istirai Ètimu srd. Tradutziones Frantzesu plier, chiffonner Ingresu to fold (up), to wrinkle Ispagnolu arrugar, chafar Italianu piegare, gualcire Tedescu falten, zerknittern.

atripízu , nm Sinònimos e contràrios apetigu, atrípidu, istrepitzu, istrípidu, tribitu Ètimu srd. Tradutziones Frantzesu piaffement Ingresu pawing Ispagnolu pateo Italianu scalpitío Tedescu Gescharre.

atripodhàre , vrb Definitzione fàere a tzirbisas, a pinnigas Sinònimos e contràrios acarrongiai, afrangillonai, aggruncire, apigiare, arruntzai, artzipodhare, atavellai, atripitzare, frongire, granculai, iscrafangiai | ctr. istirai 2. fit unu betzighedhu totu pedhe e ossos, totu atripodhadu ◊ sa mama zughet sas manos atripodhadas dae s'abba manizada a totora Ètimu srd. Tradutziones Frantzesu plier, chiffonner Ingresu to bend, to crease Ispagnolu arrugar, chafar Italianu piegare, gualcire Tedescu falten, zerknittern.

atripodhidúra , nf Definitzione su atripodhire Ètimu srd.