A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

biribí , nm: Definitzione ispétzia de giogu de fortuna Sinònimos e contràrios biribissu Terminologia iscientìfica ggs Ètimu spn. biribís.

biribíssu , nm Definitzione ispétzia de giogu de fortuna Sinònimos e contràrios biribí Ètimu itl. biribisso.

biribói , nm Sinònimos e contràrios sabucu Terminologia iscientìfica mt, Sambucus nigra.

biricúca , nf Definitzione nau a brulla, sa conca

biridàde belidàdi

birighítu , nm Definitzione cropighedhu giau in cunfidàntzia, cun is pódhighes, unu pagu a ispitzuladura a trempas Sinònimos e contràrios bidhighitada, bistínchidu, bistonca, bústicu, isbillongu, pistónchina, pistóriga, tzinchillitu.

biríglia , nf: birilla, biríllia Definitzione ballota pitichedha de crecu, de imbidru o de ferru po giogare a schíchera Sinònimos e contràrios ballina, ballixedha, bicu 1, dhàdhara Frases a piciochedhu giogamu cun is biríglias ◊ faiaus su cofu in terra e giogaiaus a gutones: custu fut coment'e su giogu de is birillas ◊ su prus de is bias si frimiaus a giogae a birillas Terminologia iscientìfica ggs Ètimu itl Tradutziones Frantzesu petite balle, boulette Ingresu marble Ispagnolu canica Italianu pallina Tedescu Kügelchen, Bällchen.

birigònza bergúgna

birigonzósu bergungiósu

birilèche , nm Sinònimos e contràrios borrutone, tzoedhu, tzulumbone.

birílla, biríllia biríglia

birilliàna balariàna

biríllu , nm: brillu 2 Definitzione orrughedhu de cosa, trebballau e fatu de istare prantau, chi si ponet po dhu fèrrere giogandho a bòcia a imboladura a manu Sinònimos e contràrios imbrillu, ónzulu / cdh. bridhu Frases gioghiaus a bríllias (aici nariaus, fiant a tipu birillus, de linna) Ètimu itl. birillo.

birímba, birímbua bidímbua

birocéri , nm Definitzione mere o ghiadore de biróciu Ètimu srd.

biróciu, biròtzo , nm Definitzione carretonedhu de burricu Sinònimos e contràrios carretone Ètimu itl. biroccio.

bírra , nf Definitzione genia de bufóngiu prus che àteru lenu, de colore grogànciu, chi faent de s'órgiu incubonau / bufai una b. = bufai un'ampudha, un'ampudhita de b. (assinuncas, bufai una tassa de b.); ampudhita de b. = birrotza Frases bandu e mi bufu una birrotza! Terminologia iscientìfica bfg Tradutziones Frantzesu bière Ingresu beer Ispagnolu cerveza Italianu birra Tedescu Bier.

birrandàda , nf: birrandara Definitzione su birrandai Sinònimos e contràrios pichetada, rebbota Frases si emu portau fosili, su trabballu miu no si dh'iant papau in birrandara!… Ètimu srd.

birrandài , vrb Definitzione fàere unu brindhis, bufare a sa salude de ccn., fàere unu brindhu Sinònimos e contràrios brindai Frases cun su trigu cotu si fiat inténdiu satzau prus chi essit birrandau sa mellus cosa Tradutziones Frantzesu boire, trinquer, porter un toast Ingresu to drink a toast Ispagnolu brindar Italianu brindare Tedescu toasten, anstoßen, prosten.

birrandàra birrandàda