A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bisàda , nf Definitzione un'apenas de cosa de bufare, su tanti de che ndhe ingurtire Sinònimos e contràrios acirrada, bucada, ingullida, intullada, tasada, ticada, tumata 1.

bisadòre , agt, nm Definitzione chi o chie si bisat, o faet bisiones, bisos a ogos apertos Sinònimos e contràrios alluscau, biseri, chimerista, sonniadore Frases che remengone bisadore andho fatu sas giannas tzochedha chi ti tzochedho ◊ rebbelle che tandho sas dies ingràido de dies, sueradu bisadore chena tempus ne logu (G.Fiori) Ètimu srd. Tradutziones Frantzesu visionnaire Ingresu visionary Ispagnolu visionario Italianu visionàrio Tedescu träumerisch, Träumer, Schwärmer.

bisadúra , nf Definitzione su bisare in su sensu de su chi faent is biseris cun su pentzamentu Ètimu srd.

bisàe , vrb: bisai, bisare, visare 1 Definitzione fàere bisos, pentzare cosas bellas o bonas coment'e disigiandhodhas ma chi fortzis no si ant a bíere mai, bíere cosas agiummai chentza dhue crèdere Sinònimos e contràrios bisionai, imbisionare, schiribitzai, sonnai Maneras de nàrrere csn: cun chie ti bisas?! = cun chini ti creis?!; èssiri bisau che cosa pérdia = disizadu meda ma pérdidu etotu innantis de l'àere; fai is cosas a bisa bisadha = comente essit essit Frases a bias mi biso dai artu falendhe cun su corpus bolàntigu e isortu 2. su cras est su mundu prus bellu, sa fantasia dhoi bisat fortuna e saludi ◊ ti ses bisada in gratacelu e vives in pinneta fata a buda! ◊ ma ite seo, bisanno o est abberu?! Ètimu srd. Tradutziones Frantzesu rêver Ingresu to dream Ispagnolu soñar Italianu sognare Tedescu träumen (von + Dat.).

bisàgia , nf: bisaja, bisàvia Definitzione sa mama de s'ajaja, de s'ajaju Sinònimos e contràrios aba 1, ajaja, donnamanna, mannedha, minnanna, tiatia Frases mama issa puru e giaja e po bisaja, dai s'alvèschere fin'a serentina setziat in s'iscannu che reina (P.Casu)◊ custa càscia antiga passesit dae bisaja a minnanna e apustis a mamma Terminologia iscientìfica ptl Tradutziones Frantzesu bisaïeule, arrière-grand-mère Ingresu great-grandmother Ispagnolu bisabuela Italianu bisàvola, bisnònna Tedescu Urgroßmutter.

bisàgiu , nm: bisaju, bisasu, bisàviu Definitzione su babbu de s'ajaja, de s'ajaju Sinònimos e contràrios abu, donnumannu, mannoi, minnannu, nannai, nonnoi 1, tadaju Frases bisaju at lassau sa sienda a ajaju, ajaju dh'at lassada a babbai e babbai dh'at lassada a mei ◊ cussu est bisàgiu meu Terminologia iscientìfica ptl Ètimu ltnm. bisavus Tradutziones Frantzesu bisaïeul, arrière-grand-père Ingresu great-grandfather Ispagnolu bisabuelo Italianu bisàvolo, bisnònno Tedescu Urgroßvater.

bisài bisàe

bisàja bisàgia

bisàju bisàgiu

bisàlciulu , nm Definitzione bardulete, trastu béciu arrimau Frases teniat unu comasinedhu pro sos bisàlciulos, linna pro su fogu e provistas, cólvulas e canistredhas (A.Langiu).

bisancàu , agt Definitzione chi est a cambas tira tira, addoloriu a is cambas Sinònimos e contràrios bisancu, ciopu Ètimu srd.

bisàncu , agt Definitzione chi tenet male a sa camba, a is cambas Sinònimos e contràrios bisancau, ciopu, iscianchiu Ètimu srd. Tradutziones Frantzesu bancal, bancroche Ingresu lame Ispagnolu cojo Italianu sciancato Tedescu hüftlahm.

bisàre bisàe

bísaru , nm: písaru Definitzione una genia de pische de mare Sinònimos e contràrios cavàglia, ciúciara, scumbru Terminologia iscientìfica psc, scomber scombrus Ètimu ctl. bísol.

bisàsa , nf Sinònimos e contràrios babbasaju, cadalana, partabúdiga, sasàgia Terminologia iscientìfica crp.

bisàssu , nm Definitzione tupighedha ispinosa fragosa meda: cale? (P.Pillonca, Mancarias, p. 120) Terminologia iscientìfica mt.

bisastràre , vrb: abbisastrare, biseltrare, bisestrare Definitzione pònnere bisestru, fàere istrúpiu, dannu mannu a unu, a una mata, a una cosa Sinònimos e contràrios abbutinare, bistrasciare, degogliai, destrossai, iscempiai, iselmorare, istropiare Frases s'acheta mi est ruta e si est bisestrada ◊ su bentu de sa malignidade bisastrat sos ànimos trassicos ◊ acudie pínnicos pro sarbare su restu de custa terra nostra bisastrada! ◊ cussu pisedhu si bisestrat cun cussa forramenta, si bi la lassades ◊ nachi unu terremoto at bisestradu su Giapone Ètimu srd. Tradutziones Frantzesu dévaster, endommager, nuir Ingresu to devastate Ispagnolu perjudicar, dañar Italianu devastare, danneggiare Tedescu verwüsten, zerstören, beschädigen.

bisàsu bisàgiu

bisàtere, bisàteros, bisàtros , prn: boisàteros, bosàterus, bosatris, bosatro, bosatrus, bosàturus, bosetri, visàteros Definitzione prn.: sa de duas personas plurale (f. bisàteras, e totu gai) Sinònimos e contràrios bois Frases boisàteros puru za sezis acontzos!…◊ boisàteras istae atentas! ◊ dèu mi ndi andu: bosetri beneis? (M.Solinas)◊ bisàtere los azis proibbidos! Ètimu srd. Tradutziones Frantzesu vous autres Ingresu you (others) Ispagnolu vosotros Italianu voialtri Tedescu ihr.

bisàvia bisàgia