A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

buteghinàju , nm: butighinaju Definitzione mere de buteghinu, de butega inue bendhent cosas de bufare Sinònimos e contràrios cilleràrgiu Frases a prémiu bi aiat calchi càscia de birra chi aiat dadu a s'indonu calchi butighinaju Ètimu srd. Tradutziones Frantzesu barman Ingresu barkeeper Ispagnolu barman Italianu barista Tedescu Barbesitzer.

buteghinéri , nm Definitzione (f. -a) chie tenet o atendhet una butega Sinònimos e contràrios butecheri Frases su buteghineri chentza dinari no nos daet mancu una pinna!◊ custa est sa buteghinera de sa libbreria.

buteghínu botighínu

butéglia , nf: butíglia, butíllia Definitzione genia de istrégiu de imbidru o de àteru materiale, artighinu, a tzugu istrintu, de calecunu litru Sinònimos e contràrios ampudha Frases sas credentzas però sont prus luchentes candho, prenas de tassas e butíllias, ti rident chin sos fridos trasparentes Ètimu spn., itl. botella, bottiglia.

butegliería , nf Definitzione mesa inue si preparant medas cosas po su servítziu de pràndhere.

butegliòni botigliòne

butériga , nf Definitzione su marcu chi lassat in sa carre su grumigiolu; nau in cobertantza, manera de arrespòndhere o de fàere chentza passiéntzia nudha, arrennegaos / cara de b. = (nadu a unu, a una) légiu Sinònimos e contràrios isgabbu / acidúmini, acriore, acriúria, agrura Frases gighiat su dossu bàrriu de butérigas 2. ello no cherzo própiu a tie, cara de butériga!… Ètimu itl. bùttero Tradutziones Frantzesu abcès Ingresu wrathfulness, angriness Ispagnolu postema, pupa Italianu postèma, irosità Tedescu Geschwür, Reizbarkeit.

buterigósu , agt Definitzione chi si dha pigat po dónnia cosa, chi perdet luego sa passiéntzia Sinònimos e contràrios ingorrosu, iscontriosu, untziarju Frases fit unu buterigosu e candho nachi l'apretaiant a chinxa impitaiat sa bistrale!… Terminologia iscientìfica ntl Ètimu srd. Tradutziones Frantzesu susceptible, misanthrope Ingresu touchy, misanthropist Ispagnolu enojadizo, quisquilloso Italianu permalóso, misàntropo Tedescu übelnehmerisch, menschenfeindlich, mysanthropisch.

butía botíu

butiadórzu , nm Definitzione logu o cosa de ue orruent is istídhigos Sinònimos e contràrios grundha, gutera, stidhiadroxu, urrundha Frases sos butiadorzos de sas caberturas Ètimu srd.

butiadúra , nf Definitzione su butiare Sinònimos e contràrios butiamentu, gutiadorzu, stidhiadura Ètimu srd. Tradutziones Frantzesu dégouttement Ingresu dripping Ispagnolu goteo Italianu gocciolaménto Tedescu Tropfen.

butiaméntu , nm Sinònimos e contràrios butiadura Ètimu srd.

butiàre botiàre

butibbúti , avb Definitzione fai b. = fàghere baubbau: cosa chi si narat a sos pisedhos faghíndhelos a tímere Ètimu srd.

butíca , nf Definitzione logu inue bendhent is meighinas Sinònimos e contràrios botecaria Frases intrat in sa butica e còmporat una meighina pro su babbu.

buticàriu, buticàrju botecàriu

butichería botecaría

butídu , agt Definitzione de butiru, chi paret butiru, nau de calecunu frutu chi s'iscàgiat in buca / pira b. = pira butiru.

butighína , nf Definitzione fémina chi bendhet in, o est mere de, butega Sinònimos e contràrios butechera.

butighinàja , nf Definitzione fémina chi bendhet in tzilleri Sinònimos e contràrios butechera, butighina Frases ch'est intro de s'ostera bufendhe dai boltaedie, solu, nemos lu càlculat e finas sa butighinaja ndh'est isvilida de li nàrrere a si moderare Ètimu srd.