A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

barionàre , vrb: avelionai Definitzione èssere a variones Frases so barionandhe, ischidu a pede ritzu, chin sa frebbe de s'ammentu Ètimu srd.

bariòne , nm: avarioni, berioni, ferioni, varione* Definitzione genia de dillíriu, candho unu no cumprendhet prus nudha e si ponet a chistionare a s'afaiu / andai in berionis = èssere abbereladu, incantadu Sinònimos e contràrios ischíssiu Frases sa frebbe si lu fit zocandhe e fit tremèndhesi che zuncu, a bariones.

bariòre , nm Definitzione genia de idea coment'e candho unu no est in se Sinònimos e contràrios avarioni, dellíriu, istentériu Frases a Elias li fit bénniu un'ispétzia de bariore: aiat gana de si basare su fizu, de lu curare, de li nàrrere carchi cosa… (S.Spiggia) Ètimu srd.

barisòne barasòne

barísta , nm Definitzione chie tenet e contivígiat unu tzilleri o atendhet a is fitianos betandho a bufare o àteru in tzilleri Sinònimos e contràrios buteghinaju, cillerarzu Terminologia iscientìfica prf.

baríta , nf Definitzione sorfatu de bàriu, unu minerale chi si agatat meda in Sardigna Frases is dotoris mi ant passau de manu in manu coment'e una gofa de barita! ◊ arràbiu, est grai parit barita, custa cosa! Terminologia iscientìfica mnr Tradutziones Frantzesu baryte Ingresu baryte (s) Ispagnolu barita Italianu barite Tedescu Baryt.

baritàre , vrb Definitzione tènnere reguardu, baritu po unu, tímere una persona manna o porosa, severa Sinònimos e contràrios acatai 1, arraspetai, remirai, serretzai Frases la connoschiant issos cussa boghe porosa chi no baritaiat ne mudesa, ne repita (A.Langiu).

barítonu , agt Definitzione nau de chie tenet una boghe – e de sa boghe etotu – unu pagu bàscia e grussa Tradutziones Frantzesu baryton Ingresu barytone Ispagnolu barítono Italianu barìtono Tedescu Baryton.

barítu , nm: barritu Definitzione manera de fàere chi ponet in càrculu is àteros; fintzes atentzione manna, timoria, po no fàere dannu, male / chena b. de tempus = sentz'e fai contu de su tempus Sinònimos e contràrios arraspetu, regualdu, remiru / impoltu Frases no at nisciunu baritu ◊ baritu e friscione bi cheret pro su pane! Ètimu srd. Tradutziones Frantzesu respect, considération Ingresu regard Ispagnolu consideración Italianu riguardo Tedescu Achtung.

bàriu bàlzu

bàriu 1 , nm Definitzione elementu chímicu de símbulu Ba, númeru atómicu 56, pesu atómicu 137,36: si agatat in sa barita Terminologia iscientìfica mtl Tradutziones Frantzesu baryum Ingresu barium Ispagnolu bario Italianu bàrio Tedescu Barium.

bàriu 2 , nm Sinònimos e contràrios desogu, dirvagu, irbelegu, ispàssiu Ètimu srd.

bàrja bàrgia

barjólu , agt: vargiolu Definitzione chi est de colore ammesturau, barzu, nau prus che àteru de canes Sinònimos e contràrios bardeju, biscacadu, cacarru, incespiau, pintarinadu, pintolinadu Frases duas làcrimas galu apo murtu dae su crapicu de s'ocru barjolu Terminologia iscientìfica clr Ètimu srd.

bàrju bàlzu

barminàda , nf Definitzione su barminare Sinònimos e contràrios craminada Ètimu srd.

barminadúra , nf Definitzione su barminare sa lana Sinònimos e contràrios craminadura Ètimu srd.

barminàre balminàre

baròfu , nm Definitzione calidade de àghina bianca a pibiones matucos, aghedhosa, tostada, bella a papare e a pabassa Sinònimos e contràrios gabopu*, palopo, talopu Terminologia iscientìfica frt.

barómetru , nm Definitzione aina chi medit sa pressione de s'ària Terminologia iscientìfica ans Tradutziones Frantzesu baromètre Ingresu barometer Ispagnolu barómetro Italianu baròmetro Tedescu Barometer.