A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

dubbidósu , agt: dubbigosu, dubbiosu, dubbitosu, duvidosu Definitzione chi tenet dúbbios, chi no est tanti seguru, chi est in pentzos; nau de cosa o de unu, chi no giaet seguresa, chi no dhue at de si fidare Sinònimos e contràrios dudosu, meledosu, redutosu / cdh. dubbicosu | ctr. securu Frases pessandhe a sos antzianos si pedit dubbidosu si unu cras at a èssere isse puru arrimau a una bandha ◊ lu tenzo dubbiosu cussu mànigu: so timindhe chi siat guastu! Ètimu srd. Tradutziones Frantzesu incertain Ingresu unsure Ispagnolu dudoso Italianu dubbióso, incèrto Tedescu unsicher.

dubbièsa , nf Sinònimos e contràrios dúbbiu, duda | ctr. seguresa Frases ti creo chentza dubbiesa peruna.

dubbigósu, dubbiósu dubbidósu

dubbitài dubbidàre

dubbitósu dubbidósu

dúbbiu , nm Definitzione su no èssere seguros de una cosa, genia de pentzamentu de chie no ischit cosa segura / su d. intrat, essit, si catzat, si tenet Sinònimos e contràrios dubbiesa, duda | ctr. seguresa Frases dúbbiu predosu, súrbile malinna chi mi sughes su sutzu de s'aorta… acràriti: ite cheres? (G.Piga)◊ cussu dúbbiu mi est intrendhe, como Ètimu itl. Tradutziones Frantzesu doute Ingresu doubt Ispagnolu duda (f) Italianu dùbbio Tedescu Zweifel.

dúbbu dòbbo 1

dubbuddàbba , nm Definitzione dubbu dabba: istare a su d., sèmpere iscudendho, foedhandho Sinònimos e contràrios dibbidapa Ètimu srd.

dubbuddúbbu , nm Definitzione su tocare torra, su istare tocandho a una genna pedindho de intrare Sinònimos e contràrios dubbuddabba.

dubbudhiòne , nm Definitzione tzàcurru mannu.

dúbbudhu! , iscl Sinònimos e contràrios dobbo 1, dubba Ètimu srd.

dubbussàre , vrb Definitzione tocare sa genna Sinònimos e contràrios dumbulare, istochidhare, sacai, tochedhare, tochitae, trochedhare, tzocai Frases una petitora aiat dubbussatu a sa gianna.

dúca , nm Definitzione genia de autoridade e títulu, unu tempus Frases su duca fit s'ómine piús ricu de bidha e totu aiant dipendhéntzia dae issu.

ducàdu , nm: ducau Definitzione su logu chi guvernat unu duca.

ducàle dogàle

ducamélia , nf Definitzione genia de mata manna, po bellesa Terminologia iscientìfica mtm, Hamelia patens var. glabra.

dúcas , cng: adducas, duncas, edducas Definitzione foedhu chi si narat coment'e po acabbare unu chistionu, faendho is conclusiones, e medas bortas fintzes cumenciandhodhu Sinònimos e contràrios perduncas, tandho Frases "Duncas!" - si fadiat po cumentzai, iscrariendusí sa boxi e intreghendu su contu - ◊ deo no la pesso che a tie e ducas fato de àtera manera Ètimu ltn. dunc + unquam Tradutziones Frantzesu donc Ingresu therefore Ispagnolu pues, por lo tanto Italianu dùnque Tedescu also, nun, daher.

ducàu ducàdu

dúcere , vrb: dúgere, dúghere, dúxere, dúxiri Definitzione portare in pitzu, aifatu o fintzes contivigiandho (cun aféresi de /d-/ a logos essit úcere, úxere, úxiri, pps. utu/a/os/as), cun totu is significaos de giúchere/giúghere in su sensu de portare Sinònimos e contràrios giúchere Frases su pannixedhu de conca, in su ladus de fatu, in punta uxit un'arricamu de frores ◊ is vagadias uxiant sa bròscia de oro po bellesa ◊ Mariedhu uxet una fúrriga e sonat su primu tocu ◊ Franciscu uxet su gigarru in buca ◊ cussos duos dhos apo utos a pómpiu ◊ ci unu ucet origas po intènnere intennat! ◊ cussu uciat dimónios, fut indimoniau Ètimu ltn. ducere.

duchè , avb Definitzione a d. = a punta, manera de si pònnere su muncadore in conca, is féminas.