A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

dubbidósu , agt: dubbigosu, dubbiosu, dubbitosu, duvidosu Definizione chi tenet dúbbios, chi no est tanti seguru, chi est in pentzos; nau de cosa o de unu, chi no giaet seguresa, chi no dhue at de si fidare Sinonimi e contrari dudosu, meledosu, redutosu / cdh. dubbicosu | ctr. securu Frasi pessandhe a sos antzianos si pedit dubbidosu si unu cras at a èssere isse puru arrimau a una bandha ◊ lu tenzo dubbiosu cussu mànigu: so timindhe chi siat guastu! Etimo srd. Traduzioni Francese incertain Inglese unsure Spagnolo dudoso Italiano dubbióso, incèrto Tedesco unsicher.

dubbièsa , nf Sinonimi e contrari dúbbiu, duda | ctr. seguresa Frasi ti creo chentza dubbiesa peruna.

dubbigósu, dubbiósu dubbidósu

dubbitài dubbidàre

dubbitósu dubbidósu

dúbbiu , nm Definizione su no èssere seguros de una cosa, genia de pentzamentu de chie no ischit cosa segura / su d. intrat, essit, si catzat, si tenet Sinonimi e contrari dubbiesa, duda | ctr. seguresa Frasi dúbbiu predosu, súrbile malinna chi mi sughes su sutzu de s'aorta… acràriti: ite cheres? (G.Piga)◊ cussu dúbbiu mi est intrendhe, como Etimo itl. Traduzioni Francese doute Inglese doubt Spagnolo duda (f) Italiano dùbbio Tedesco Zweifel.

dúbbu dòbbo 1

dubbuddàbba , nm Definizione dubbu dabba: istare a su d., sèmpere iscudendho, foedhandho Sinonimi e contrari dibbidapa Etimo srd.

dubbuddúbbu , nm Definizione su tocare torra, su istare tocandho a una genna pedindho de intrare Sinonimi e contrari dubbuddabba.

dubbudhiòne , nm Definizione tzàcurru mannu.

dúbbudhu! , iscl Sinonimi e contrari dobbo 1, dubba Etimo srd.

dubbussàre , vrb Definizione tocare sa genna Sinonimi e contrari dumbulare, istochidhare, sacai, tochedhare, tochitae, trochedhare, tzocai Frasi una petitora aiat dubbussatu a sa gianna.

dúca , nm Definizione genia de autoridade e títulu, unu tempus Frasi su duca fit s'ómine piús ricu de bidha e totu aiant dipendhéntzia dae issu.

ducàdu , nm: ducau Definizione su logu chi guvernat unu duca.

ducàle dogàle

ducamélia , nf Definizione genia de mata manna, po bellesa Terminologia scientifica mtm, Hamelia patens var. glabra.

dúcas , cng: adducas, duncas, edducas Definizione foedhu chi si narat coment'e po acabbare unu chistionu, faendho is conclusiones, e medas bortas fintzes cumenciandhodhu Sinonimi e contrari perduncas, tandho Frasi "Duncas!" - si fadiat po cumentzai, iscrariendusí sa boxi e intreghendu su contu - ◊ deo no la pesso che a tie e ducas fato de àtera manera Etimo ltn. dunc + unquam Traduzioni Francese donc Inglese therefore Spagnolo pues, por lo tanto Italiano dùnque Tedesco also, nun, daher.

ducàu ducàdu

dúcere , vrb: dúgere, dúghere, dúxere, dúxiri Definizione portare in pitzu, aifatu o fintzes contivigiandho (cun aféresi de /d-/ a logos essit úcere, úxere, úxiri, pps. utu/a/os/as), cun totu is significaos de giúchere/giúghere in su sensu de portare Sinonimi e contrari giúchere Frasi su pannixedhu de conca, in su ladus de fatu, in punta uxit un'arricamu de frores ◊ is vagadias uxiant sa bròscia de oro po bellesa ◊ Mariedhu uxet una fúrriga e sonat su primu tocu ◊ Franciscu uxet su gigarru in buca ◊ cussos duos dhos apo utos a pómpiu ◊ ci unu ucet origas po intènnere intennat! ◊ cussu uciat dimónios, fut indimoniau Etimo ltn. ducere.

duchè , avb Definizione a d. = a punta, manera de si pònnere su muncadore in conca, is féminas.