A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isbomboràda , nf Definitzione s'isbombiada o tzàcurru forte chi faent is tronos Sinònimos e contràrios isbómbiu, tronidarza, tzacàrridu Ètimu srd.

isbombordàre , vrb Definitzione fàere tzàcurros, sonos a cropu.

isbongiàda , nf Definitzione isbombiada, isbómbiu Sinònimos e contràrios isbómbiu, tronidarza, tzacàrridu Frases dh'at pigau a isbongiadas de pidu chi s'est fuiu! Ètimu srd.

isborrài , vrb: isburrai, isburrare, sborrai Definitzione iscancellare o cuare cosa iscrita, mància o àteru deasi, iscríere in pitzu e de dónnia betu in àtera iscritura o fintzes arrasigare s'iscritura chi no si potzat bíere o lígere bene; pònnere in olvidu, fàere immentigare Sinònimos e contràrios burrai, irgantzellare / ilmentigare Frases signu de lapis chi sa gomma isburrat ◊ ia iscritu su nòmini tuu in s'arena de un'arriu: sa currenti impressia dh'at isborrau a lestru 2. chi Deus isburret sos pecados nostros! ◊ sa peniténtzia cun su pentimentu ndhe isburrat su pecadu Ètimu ctl. esborrar.

isborrocàre ilborrocàre

isborrócu ilborrócu

isbortàre ibbortàre

isbotàre , vrb: sbotai Definitzione bogare is botas Sinònimos e contràrios iscrutzai Ètimu srd.

isbotoràre , vrb Definitzione tzucare a nàrrere, foedhare cun arrennegu apustis chi unu at padiu meda Frases - No mi ndhe faedhedas, mancu! - isbotoreit su malandrinu Tradutziones Frantzesu éclater Ingresu to burst out Ispagnolu echarse, estallar Italianu sbottare Tedescu ausbrechen.

isbozàre irbozàre

isbrabarzàre , vrb Definitzione istitare is angiones Sinònimos e contràrios immamare, istitai.

isbragàre , vrb Definitzione bogare is ragas, is cartzones de orroda de su costúmene Sinònimos e contràrios irragare, irraghilare, isbragugliare.

isbragugliàre , vrb Sinònimos e contràrios irragare, irraghilare, isbragare.

isbramàre ilbramàre

isbràmida , nf Frases su bentu de sos annos a isbràmidas de atunzu m'ispràmminat in sa mente inchieta fozas de antigos pessos (T.Becciu) Ètimu srd.

isbramíre , vrb rfl Definitzione fàere passare sa gana, papare meda, a s'airada, coment'e abbramios / avb. (nau de sa manera de papai) a s'isbramida = a isbrenúsciu, a meda Sinònimos e contràrios abbudegare, ilbramare, mascare, satzai 2. pro bustare a s'isbramida no acadhat labiolu ◊ pro un'ispantzada a s'isbramida li tocat de cascare tota vida! Ètimu srd. Tradutziones Frantzesu se rassasier Ingresu to shiff oneself Ispagnolu hartarse, atracarse Italianu satollarsi Tedescu sich sättigen.

isbrasiàre , vrb: sbraxai Definitzione bogare braxa de su fogu, ispràghere sa braxa Sinònimos e contràrios ispatarzare.

isbratàre ilbratàre

isbratzàre irbratzàre

isbratziolàda , nf Definitzione móvia de bratzos inartaos, po giare a bíere, fàere singiale Frases fit a isbratzioladas e a ischélios in cherta de avisare Ètimu srd.