A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

iscacarinàre , vrb Definitzione fàere o èssere a cacarina, a laina, a iscurrentziadura Sinònimos e contràrios iscacaredhare, iscacarodhare Ètimu srd.

iscacariolàu , agt Definitzione chi est totu brutu de ladamíngiu, cagau.

iscacarodhàre , vrb Sinònimos e contràrios iscacaredhare, iscacarinare Ètimu srd.

iscacarodhàu , pps, agt Definitzione de iscacarodhare Sinònimos e contràrios culiggrogo.

iscàcaru , nm Definitzione su càntigu de sa pudha Sinònimos e contràrios iscacarada Frases sas pudhas in carrera a s'iscàcaru torrant a trumas in su bighinadu ◊ su pudhu puru ndhe pesat s'iscàcaru candho bidet sa pudha chi at fatu s'ou Terminologia iscientìfica bga Ètimu srd. Tradutziones Frantzesu cot… cot… codet Ingresu cackle Ispagnolu cococo Italianu coccodè Tedescu Gackern.

iscacaulitài , vrb Definitzione ispèndhere a meda Sinònimos e contràrios iscialai, ispeldisciare, sparafiai Frases candu ses morta, filla tua iscacaulitat totu su dinai chi as allogau!

iscachedhídu , agt Definitzione nau de ccn., incrapudhiu, chi est orrúbiu meda in cara po su fogu o po àere bufau meda Sinònimos e contràrios arrubisconau Frases est iscachedhidu a fogu ca fit arrustindhe cosa.

iscàcu , nm: scacu Definitzione genia de orrobba iscacada, tela de iscacu Maneras de nàrrere csn: pannutzos de i. = pannitzedhos iscacados; sos iscacos = zenia de zogu chi si faghet in duos moindhe donzunu séighi friguras in d-una taulita iscacada a regioledhas o cuadredhos fadhidos de duos diferentes colores; no bogare i. = no bogare mancu tzúniu, mancu múschiu; i. de erbè = méliu, túnchiu Frases coces, fressadas, lentolos e iscacos tocaiat a nois a los conziminare ◊ e cantas òberas apo fatu: lentolos, fàunas e iscacu! ◊ sa mama at postu sa tialla bella de iscacu chi at téssiu issa etotu 2. mudu, limbilongu: no boghes mancu iscacu! Ètimu itl. scacco.

iscadambiàre , vrb Definitzione iscambiare cosas diferentes Ètimu itl. scambiare.

iscadàmbiu , agt Definitzione nau de cosa diferente de sa cumpàngia candho depet fàere una loba, una cabidhada / unu bote iscadàmbiu = iscarpa diferente, de àtera paja; boes iscadàmbios = de diferentes zuos Sinònimos e contràrios iscadàpiu, iscumpagnadu, scambillau / cdh. scàpiu Ètimu srd. Tradutziones Frantzesu disparate Ingresu dissimilar Ispagnolu suelto Italianu disparato Tedescu ungleich.

iscadancàre , vrb: iscadenanciare, scadrancai Definitzione ispicigare sa cadanca, iscabbúllere de sa cadanca; dhu narant fintzes po irmamare, betare is figighedhos in prus chi essint in su fundhu de sa bide Sinònimos e contràrios ispitzigare / immamare, irgemmellai Ètimu srd.

iscadangiài , vrb: iscaringiai, ischiringiai, scarangiai Definitzione apèrrere o serrare unu pagu Sinònimos e contràrios aggalenare, assibbiare, imbasare, irganzare, iscanzire, sucunzare, tambai / schirringiri Maneras de nàrrere csn: iscaringiaisí a arriri = imbucare a ríere; ischiringiai is ogus = artziare pagu pagu sas pibiristas Frases si funt iscaringiaus is celus ◊ is laus mius mai prus si funt iscarangiaus a arriri! ◊ s'enna est iscaringiada ◊ non potzu iscarangiai sa buca ca totus mi afracant!◊ Samira iat imprassau s’isposu e dh’iat iscadangiau s’arrisu (G.Pau) Ètimu srd. Tradutziones Frantzesu entrouvrir Ingresu to half-close Ispagnolu entornar, entreabrir Italianu socchiùdere Tedescu halb schließen.

iscadapiàre , vrb Definitzione mòvere cosa de su logu sou, bogare de pare Sinònimos e contràrios innànghere, irgiànghere, scongiuntai, isconsiminzare Ètimu srd.

iscadàpiu , agt Definitzione bogau o istesiau de pare, fintzes iscambillu / tatzas iscadàpias = iscambilladas Sinònimos e contràrios isambesciadu, iscumbessu, isorduladu / iscadàmbiu, scambillau / cdh. scàpiu Ètimu srd.

iscadenài , vrb: iscadenare, scadenai Definitzione leare, bogare o iscapiare sa cadena, lassare andhare o andhare a s'airada coment'e fortza chi no si podet poderare Ètimu srd. Tradutziones Frantzesu déchaîner, éclater Ingresu to unchain Ispagnolu desencadenar Italianu scatenare Tedescu entfesseln.

iscadenanciàre iscadancàre

iscadenàre iscadenài

iscadentónzu , agt Definitzione chi est de calidade pagu bona Sinònimos e contràrios mecianu.

iscadéntzia , nf Definitzione data, die e fintzes ora chi acabbat unu tempus istabbiliu po calecuna cosa (es. durada) Frases oe ti giànt préstidos a iscadéntzia longa ◊ si b'azes trata in iscadéntzia nàzelu: sos amicos aite bi semus?! ◊ cun su mere amos cumbinau sa paga e a s'iscadéntzia su rinnovu de su cuntratu.

iscaderàdu , agt Definitzione chi est totu iscancarau, iscosciau / brandha betza, cadrea iscaderada, fusile betzu iscaderadu = bogados de pare Sinònimos e contràrios iscossiminzadu.