iscabilàdu , agt: iscapilau Definitzione chi no portat cabile, pagu abbistu, chi faet is cosas a sa maconatza Sinònimos e contràrios iscabadu, iscabudadu, iscussentidu scuscentziau / ttrs. iscabitzuradu | ctr. acabadu, cabosu Frases ma sezis iscabilados, mih: faghides sas cosas chentza cussideru o atentzione nudha! ◊ cussa pro cojuare est tropu pisedha, pro no nàrrere criadura e iscabilada Ètimu srd.
iscabissàre, iscabitàre , vrb: iscabitzare,
iscapitare,
scabitzai Definitzione
bogare o fàere s'ispiga (ma fintzes su essire de àtera cosa chi creschet: es. pilu, erba, fintzes su sole); segare in grughes is cambos de una mata, segare a isconcadura
Sinònimos e contràrios
iscabidhai,
ispicare,
ispighire
/
essire
/
aggruxai,
ilmulgare,
isconcare,
istrugare
2.
at tripiadu su tzuellu pro ndhe fàghere essire sa mamaja, ca su pilu allorighitadu no resessiat a ndh'iscabitare
Ètimu
srd.
Tradutziones
Frantzesu
étêter
Ingresu
to pollard
Ispagnolu
desmochar,
mochar
Italianu
scapezzare
Tedescu
stutzen.
iscabítu , nm Definitzione fenu o linnighedha fine fine sicada po allúere fogu Sinònimos e contràrios allominzu, allughinzu, allumióngiu Frases cherjo petzi iscabitu pro sas framas ◊ azes a chircare galu iscabitos de azubentu pro su chivu ingranindhe.
iscabitzàda , nf: scabitzada Definitzione móvia a cropu chi faet sa conca, coment'e orruendho a cara a denanti, candho unu est dormindhosi ciciu; fintzes cropu giau a cara cun sa manu aperta Sinònimos e contràrios sconchiada, tzurumbecada 2. aiat iscutu un'iscabitzada a su cadhu e l'aiat fatu corcare Ètimu srd.
iscabitzàda 1 iscabessàda
iscabitzàre iscabissàre
iscabixadúra , nf Definitzione murghidura chi si faet istringhendho is tzimingiones de s'animale.
iscabixàre , vrb: iscrabigare, iscrapicare, iscrebigare, screbigai Definitzione coment'e múrghere, bogare late, iscúdere atesu su late istrecandho o istringhendho a forte is tzimingiones (o fintzes sa tita); nau in cobertantza, atripare, acropare, pistare, iscúdere calecuna cosa a ccn. Sinònimos e contràrios ispitigare, múgghere / foliare / isciúdere Frases cherent a súere àtera mamidha, ma deo solu sa tita iscabixo de sa terra chi apetigo e ruxo, ca a prepoténtzia istranza no mi muxo (A.Porcheddu)◊ fint galu iscrapicandhe unu ticu de late dae cussas bator tzicas ◊ ista atentu, murghendhe, a no iscrapicare su late a foras de sa murghijola! 2. ite mi tantat chi t'iscràbigo a fuste! ◊ duas pisedhutzas che ant iscrabigadu una córvula de arga a su muntonarzu ◊ iscrebigadu l'agatent! ◊ si no ti ndhe andhas t'iscràbigo su bàculu a costas!◊ orróscia, ia pigau un’achicaju e si dh'apo iscrabigau a conca Ètimu srd.
iscàbria , nf Definitzione genia de singiale chi abbarrat de calecuna cosa chi punghet o ispítzulat Sinònimos e contràrios puntura, spitzuladura Frases so pienu de iscàbrias dae sa títula ◊ aciò ite iscàbria at fatu sa morócula!…
iscabudàdu , pps, agt Definitzione de iscabudare; nau de ccn., chi no portat cabile, chi est pagu abbistu Sinònimos e contràrios iscabadu, iscabiladu, sbeliau 2. cuss'iscabudau de fizu meu no est arrecuiu: che at a èssere arréschiu in calicunu tzilleri! ◊ ca est lentu e iscabudadu at fama de mandrone ◊ cuss'iscapudà de mastra andhat cun d-una gonna curtzita chi azummai si viet su paneri!
iscabudài, iscabudàre iscabidàre
iscàbudu , agt: iscàbulu 1 Definitzione chi no portat cabile, chi est pagu abbistu Sinònimos e contràrios iscabadu, iscabiladu Ètimu srd.
iscabulàda , nf Definitzione su iscabulare; comente finit, su tretu ue finit unu logu, una cosa 2. fit a s'iscabulada de s'arvuredu Ètimu srd.
iscabulàdu , pps, agt Definitzione de iscabulare; chi est chentza cabu Sinònimos e contràrios iscabadu, iscabiladu, iscabudadu / iscabuliadu 2. tue no bi as cazadu: naras isambrúlios e àteru no ischis, ca ses iscabulada!
iscabulàre , vrb: iscapulare Sinònimos e contràrios cabulare, iscabbúllere, passae Frases deo no resessia a m'iscabulare dae sa duda ◊ apo intopadu a Zuanne ma pariat cuvaldu e ch'est iscabuladu lestru Ètimu ltn. *ex-capulare.
iscabuliàdu , agt Sinònimos e contràrios iscabadu, iscabiladu, iscabudadu | ctr. cabosu Ètimu srd.
iscabulíri, iscabulíre , vrb Sinònimos e contràrios iscabbúllere*, iscabutzire / foliai, frundhire Frases no ti ne podes iscabulire de custos trabballos? ◊ no ti ne ses iscabuliu mai de custas cosas! 2. iscabulincedhu in su totu su fumóngiu!
iscàbulu , agt: iscàpulu,
iscàvulu,
scàbulu Definitzione
chi est chentza cumpàngiu, chentza fígios, a solu, iscapu, bagadiu: nau de cosa a bèndhere, chi no est a pacu, no est a matzu, no si bendhet a dusina ma a unus a unus
Sinònimos e contràrios
iscambillau,
iscambillu,
schéciu
/
annàntile
Maneras de nàrrere
csn:
pedra iscàbula = chi si agatat in su terrinu, subra o interrada, a sola, a unas a unas, chi no est in sa roca; andhae, èssere a manos iscàbulas = a manos iscutas, chentza nudha; mamentu iscàpulu = candho càpitat; bodhire a iscàvulu = collire cosa ispartinada peri su logu
Frases
che canes iscàpulos in caminu girant in tzitade
2.
cussa bica chi essit in terra est pedra iscàbula, no roca ◊ in momentos iscàpulos, tupandhe calas e ponendhe tàpulos mi ndhe so cotu assazandhe sos vinos ◊ bendhiat sos zigarredhos iscàpulos, no a iscàtula intrega ◊ babbai no torràt a domu a manos iscàbulas: una bia batiat sa matuledha, un'àtera su casaxedu o su caxau
Ètimu
itl.
scapolo
Tradutziones
Frantzesu
dépareillé,
erratique
Ingresu
odd,
wandering,
erratic
Ispagnolu
soltero,
desparejado,
suelto
Italianu
scompagnato,
erràtico,
sfuso
Tedescu
ledig,
erratisch.
iscàbulu 1 iscàbudu
iscàbulu 2 , nm Definitzione sonu de campanas arrepichiandho Sinònimos e contràrios arrapicu.