A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ischissíu , pps Definitzione de ischissire Sinònimos e contràrios nisidu.

ischíssiu , nm: schísciu 1 Definitzione dellíriu, dolore, praxere, cuntentesa manna a ammachiadura; cosa de papare licante meda / a i. = a ammachiadura, a machine, a meda Sinònimos e contràrios dischíssiu*, ilgiru, iscàsciu, iscassiadura, schissiori / cuntentesa, prégiu / bràtzimu Frases mi portas ancora ischíssius de beranu in cust'atóngiu ◊ su pallone dhi pigat a ischíssiu 3. su pisci arrustiu mi praxit a ischíssiu! Tradutziones Frantzesu folie, extravagance Ingresu insanity, weirdness Ispagnolu locura Italianu follìa, stravaganza Tedescu Wahnsinn, Überspanntheit.

ischissonàre , vrb: iscrissonare, scriscionai Definitzione bogare sa raga (ischissone) a sa castàngia, bogare sa castàngia de su corgiolu ispinosu Sinònimos e contràrios irragare, iscocotare, iscucudhare Frases mi pogno a iscrissonare castagna a manos límpias! ◊ est ischissonanno e bodhinno castagna Ètimu srd. Tradutziones Frantzesu enlever la bogue Ingresu to husk Ispagnolu quitar el erizo de las castañas, escabuchar Italianu diricciare Tedescu Eßkastanien schälen.

ischissòne , nm: iscriscione, iscrissone, isgrissone, scriscioni Definitzione sa primu corgiolu de sa castàngia, a fora, totu ispina; genia de animale cun sa pedhe totu ispina a dónnia bandha, tundhu tundhu candho si allòmborat timendho Sinònimos e contràrios acrissone, arone, cocotu, cuscusone 2, erghisone, griscione, gurgudhu, ispunzola 1, raga / aritu, arrescioni Frases su bentu ndhe iscudet s'ischissone ◊ una die ti apo bidu castagnendhe: cun manu lestra collias s'iscrissone ◊ s'ischissone ocanno est calannonne chena èssere lómpia sa castagna 2. in conca pro ti rèndhere atraente giughes un'ischissone apena abbertu!… Terminologia iscientìfica rbr; anra, erinaceus aeuropeus var. italicus Tradutziones Frantzesu bogue Ingresu chesnut husk Ispagnolu erizo Italianu rìccio della castagna, rìccio Tedescu Kastanienigel, Igel.

ischissonèra ischiscionèra

ischissúra ischisciúra

ischissurài, ischissuràre , vrb: iscussuai, iscussurai, iscussurare, schissurai Definitzione sa tzucada de is abes noas de unu casidhu, fintzes su dhas pònnere in àteru casidhu / iscussuai su bestiàmini = bogare a pàschere Sinònimos e contràrios isabiare Frases iscussurare che ape dae moju ◊ fatuvatu sa robba s'ischissurat ca marzane un'anzone ti che furat Ètimu srd. Tradutziones Frantzesu essaimer Ingresu to swarm Ispagnolu emjambrar Italianu sciamare Tedescu ausschwärmen.

ischitàre , vrb: ischitiare, isghitiare, schitai Definitzione aparigiare unu dépidu, illibberare un'imprendha; bínchere giogandho; pagare s'afitu de is pàsculos Sinònimos e contràrios chidare, chitire, illoire, irdepidare Frases che depes fàchere ischitare su primu naschidu de s’ómine e che depes fàchere ischitare fintzas su primu naschidu de un’animale (Núm.) Ètimu spn. esquitar.

ischitàre 1 ischidàre

ischitétu , agt Definitzione nau de ccn., chi grisat totu; chi costumat a bòllere totu bene fatu, precisu Sinònimos e contràrios afastiadori, iseradu, pullinu / forrogosu, malacuntentare, mendhecosu, pibincosu, spedhéntili Tradutziones Frantzesu exigeant, méticuleux Ingresu meticoulous, exacting Ispagnolu exigente, meticuloso Italianu esigènte, meticolóso Tedescu anspruchsvoll, übergenau.

ischitiàda , nf Definitzione su ischitiare, nau mescamente in su sensu de si pigare in prenu unu gustu, una soddisfatzione Sinònimos e contràrios ischitionzu Maneras de nàrrere csn: i. de prantu = mata de prantu, a irfogu; i. de ballu = ballada manna, cun piaghere, fintzas a si ndhe mascare; i. de amore = infrusada de amore Ètimu srd.

ischitiàre ischitàre

ischitiàre 1 , vrb Definitzione murigare, mòvere sa terra o àteru coment'e cricandho cosa; in cobertantza, ammesturare is cartas Sinònimos e contràrios scarrovai, sciorroncinai Frases si sa pudhighina si fidat sola in sa pratza ischitiendhe, bides s'astore falendhe cun sas úngias che pugnale (C.Atzeni).

ischitída , nf Definitzione su ischitire, ischitire 1 / fàghere un'i. a unu = giare una briga, certai, refatzàreli cosa Sinònimos e contràrios ischítiu 2. addaghi lu bido li fato un'ischitida niedha! Ètimu srd.

ischitinàre , vrb: ischitzinare Definitzione mòvere sa cosa a forte, a cropos, mescamente po che dhi fàere orrúere àliga apicigada Sinònimos e contràrios irghinitare, iscotzinare, iscutuai, sachedhare, saidare Frases candho su boe ischítzinat s'anca marcat su temporale ◊ si m'ischítzinas supra de una pranedha no faco sonu! ◊ s'ischitzinavat pro si che dogare su nive dae supra ◊ candho at bistu su maridu rutu, sa muzere at chircau de l’ischidare mutíndhelu e ischitinàndhelu, ma fit mortu.

ischitiónzu , nm Sinònimos e contràrios ischitiada Ètimu srd.

ischitíre , vrb Definitzione pigare o seberare cucu o paris e bogare in duos a s'ingrundha donniunu unu tanti de pódhighes (chi faent a suma unu númeru cucu o paris) po bíere a chie tocat una cosa (binchet chie at intzertau sa categoria chi at isceberau), po cumenciare su giogu o àteru, decídere a chie tocat calecuna cosa Frases ischitimus a bídere a chie tocat a comintzare Ètimu srd. Tradutziones Frantzesu établir à qui est le tour dans un jeu Ingresu to make deciding game Ispagnolu sortear Italianu fare lo sparéggio Tedescu den Entscheidungskampf ausfechten.

ischitíre 1 irghitíre

ischítiu , nm: ischitu Definitzione pagamentu a sardu, ma fintzes parte chi si pagat de su chi si depet a unu Sinònimos e contràrios ischitonzu Maneras de nàrrere csn: fàghere s'i. = pagare totu, acabbai de pagai unu dépidu; pagai a i. = a ratas, a mese mese Frases cadaunu depet pacare s'ischitu de sa vida sua Ètimu spn. esquite.

ischitólzu , nm Definitzione genia de bartza o lacu po catzigare o istrecare s'àghina de fàere a binu.