A | B | C | D | E | F | G | H | I | J | L | M | N | O | P | R | S | T | TZ | U | V | X | Z

isciaculài, isciaculàre , vrb: iscioculare, isciuculare, issuculare, sciaculai Definitzione mòvere a iscutuladura, nau mescamente de abba aintru de istrégiu po giare una samunada; passare cosa in s'abba a forte de un'ala a s'àtera po dhi giare una samunada; pigare a iscutuladura / giúghere a ccn. isciúcula isciúcula = aguantai a unu sentz'e siguresa, de una cosa a s'àtera Sinònimos e contràrios assucare, igiucare, iscioriare, isciucare, sciampuinai / sachedhare Frases s'abba issúculat ◊ sa pobidha dhu tzérriat, dhu fúrriat brente a susu, dh'issúculat cricandho de dh'ischidare ◊ seo issuculanno is tassones 2. isciàculat su carru de su viagiadore ◊ che barigheit sa vida isciaculendhe in pojos de ludu Ètimu srd. Tradutziones Frantzesu clapoter Ingresu to paddle Ispagnolu mover agua en un recipiente para limpiarlo Italianu guazzare Tedescu planschen.

isciàda , nf: (i-sci-a-da) Definitzione su isciare.

isciadédhu , agt Definitzione min. de sciadau: siscuredhu!

isciadòre , nm: (i-sci-a-do-re) Definitzione chie isciat, est isciandho in su nie.

isciadrài ifridàre

isciaedúde , nf: isciaidude, isciaitúdine, iscravidúdine Definitzione su èssere isciau, iscraos, ma fintzes su dèpere fàere o sufrire cosa a tempos longos chentza si ndhe pòdere iscabbúllere Sinònimos e contràrios cativériu, scravidadi Frases sas Iscrituras sagradas contant s'iscravidúdine de sos Ebreos ◊ tocat a si libberare de s'isciaitúdine de sos víssios Tradutziones Frantzesu esclavage Ingresu slavery Ispagnolu esclavitud Italianu schiavitù Tedescu Sklaverei.

isciàere ifàghere

isciafetàda , nf Definitzione su isciafetai, cosa chi si narat a befa Sinònimos e contràrios botada, mofa Ètimu srd.

isciafetài , vrb Definitzione pigare a befa Sinònimos e contràrios botai.

isciafetéri , agt, nm Sinònimos e contràrios befajolu, beferi.

isciafitàre ilciafitàre

isciàfu , nm: ciafu* Definitzione cropu giau a trempas a manu isprata Frases a mimi mi ant donau isciafus po mi proibbiri de allegai su sardu, candu fui iscolanu!

isciagài , vrb Definitzione fàere sciagu, isvitare o illascare una cosa istrinta Sinònimos e contràrios illascare | ctr. istrígnere.

isciài , vrb: (i-sci-a-i) isciare Definitzione su andhare coment'e a illascindura in pitzu de su nie, po isporto.

isciài ifàghere

isciaidúde, isciaitúdine isciaedúde

isciàla insàla

iscialàda insalàda

iscialàda 1 , nf: issalada 1 Definitzione su iscialare, su fàere isciala Sinònimos e contràrios insala Ètimu itl. scialata.

iscialadòre , agt, nm Definitzione chi o chie faet isciala, costumat a perdimentare sa cosa, su dinare Sinònimos e contràrios ispedritziau, isperdisciadore, istrubberi Terminologia iscientìfica ntl.