A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

istàtu 1 istàdu

istàtua , nf Definitzione iscultura chi podet èssere fata de manera e de materiales diferentes (es. màrmuri, brunzu, ghisu, linna) Frases s'istàtua de su Redentore est in artu.

istatuària , nf Definitzione s'arte de s'iscultura, de fàere istàtuas.

istatuedhíu , agt Definitzione nau de ccn., chi est firmu o prantau coment'e istàtua Frases abetaus nosu e podit abetai issu puru: cosa de fai ge ndi teneus epuru seus innoxi istatuedhias!

istatúra , nf Definitzione sa carena, cunsiderada prus che àteru po sa mannària Sinònimos e contràrios carena, carenalzu.

istatútu , nm Definitzione una genia de lei, de regulamentu.

istàtza , nf Definitzione sa càbida de bastimentos, naves o àteru mezu.

istatzionàriu , agt Definitzione chi est firmu, chi no est in cambiamentu Sinònimos e contràrios istàticu.

istatziòne, istatziòni istassiòni

istàtzu , nm: stàciu Definitzione dominàriu in su sartu, fintzes prus de unu totu impare, agiummai unu merau Ètimu itl. stazzo.

istàtzu 1 iltàtu

istàu istàdu

istaulàda , nf Definitzione cropu forte giau cun calecuna cosa (iat a èssere cun tàula, ma fintzes cun àteru) Sinònimos e contràrios addobbada, colpu, stobaciada Ètimu srd.

istaulàre , vrb Sinònimos e contràrios corpare, isciúdere Ètimu srd.

istaulàu , nm Definitzione taulau, pomentu fatu a tàulas Sinònimos e contràrios intauladu*, tauada Frases tandho partoriaus in s'istaulau poite abbarriat menzus s'ischina, s'intendhiat prus pagu su dolore Ètimu srd.

istaulédhu , nm Definitzione istàulu piticu, ma mescamente parte de sa domo aperta coment'e a terratza, in artu, una genia de sutea, terratzedhu ammontau Frases mi ne issido, mi ne peso e m'incraro dae s'istauledhu a cardiare a fora.

istàulu , nm: stabi Definitzione parte de sa domo, in artu, po chistire cosa e mescamente provistas; a logos est fintzes su pomentu de linna, in sa domo, o fintzes una genia de barraca po fàere sa parada in is festas de su sartu, o segundhu inue po pònnere animale Sinònimos e contràrios isoltre, retàulu, sobàriu / tauada / lògia 2. is istàulos de sa crésia de santu Màuru de Sòrgono sunt a filera ◊ s'istàulu fut po aprigu de s'animale ◊ si proet at a èssere méngius chi mi arretire una pariga de fasches de linna asuta de s'istàulu! Terminologia iscientìfica dmo Ètimu ltn. stabulum.

istavacàre , vrb: istevacare, istovecare, istovocare Definitzione pigare e trantzire su crobecu o àteru de ammontu; fintzes furriare, orrúere / chircare una cosa a pedra istovecada, istovocada = a perda furriada, castiendi in dónnia furrungoni, ispostendi e furriendi totu; istovocàresi sos binugos = scroxaisí is genugus (es. arruendi) Sinònimos e contràrios furriai, iscavacare, iscopercare | ctr. cavacai Frases a pedra istavacada fuo dae me, peri su mundhu ◊ su bentu forte paret chi cheret istavacare sa cobertura ◊ ca poeta che Pedru no che ndh'at lu sunt chirchendhe a pedra istavacada ◊ s'oju calaiat piús a fundhu finas a istavacare sos sidhados de su coro ◊ ant istevacadu sa cobertura in su tretu de inue fit frimu Gesús 2. currinne in bitzicreta ch'est istovocadu in una furriada Ètimu srd.

istaxídu istasídu

istaxòne istagiòne