istumbarinàre , vrb Definitzione sonare is tumbarinos, su tumborru Frases in sa festa sunt tota die istumbarinendhe.
istumbàta istumbàda
istumbídu , agt Definitzione in conchi istumbidu = chi est chentza pilos nudha, in conca.
istúmbidu , nm Sinònimos e contràrios abbóvidu, arrembumbu, arretumbu, intúmbida Frases a s'istúmbidu de sa múida sa tzega cumprendhet si bi at zente in prus o in mancu o si bi at cosa intramesu Ètimu srd.
istumbíre , vrb Definitzione pesare, fàere essire o mòvere a denanti (ma si narat fintzes de is sonos) Sinònimos e contràrios istumbare 1 Frases su campanile nostru istumbiat de prus ◊ su risu sou boche istumbiat intro de petus che música de òrganu aintro de crésia (Z.A.Cappai)◊ torrándhelu a bíere aia dassadu istumbire in s'àera su nòmene sou Ètimu srd.
istumbíri , vrb Sinònimos e contràrios atumbae, istumbai* Frases comenti dèu mi fracu a dhu cassai, su procu mi at istumbiu e fatu arrui (L.Maxia) 2. fatuvatu s'intendit de calincunu istumbiu de is màchinas.
istumbolàre , vrb: istumborare, istumbulare Sinònimos e contràrios atumbae, ispígnere, istumbai Frases "Fagher demus sa vida de su cane!", gridaiant sos betzos poveritos, istumbolados inoghe e adhane ◊ l'iscudet, l'istumbolat e la ruet coment'e iscudindhe unu cane ◊ unu riu che istumbolat in s'àteru ◊ est istumboladu dae su destinu Ètimu srd.
istumbonàda , nf Definitzione tzàcurru mannu de fosile, de isparu Ètimu srd.
istumbonàre , vrb Sinònimos e contràrios atumbae, istumbolare.
istumboràre istumbolàre
istúmbu, istúmbulu , nm Definitzione su istumbare / leare o fàchere a s'i. = a s'iscarada, a s'azustu Ètimu srd.
istumbulàda , nf Sinònimos e contràrios istumbada Ètimu srd.
istumbulàre istumbolàre
istumburinàda , nf Sinònimos e contràrios arrembumbu.
istumponài , vrb: stumponai Definitzione cuare, apartare a logu chi no si biet Sinònimos e contràrios abbuare, acuae, afufai, apatai, atrabentare, atracare, cuerrai, frànghere, impertusare, intuvedhare, intuzare, istichire, istugiai, tudai Frases sa tassa de su binu innoi nci dh'as istumponada? ◊ aundi s'est istumponau, cussu?! Ètimu srd.
istúndha , nf Definitzione orixedha, pagu pagu de tempus, pag'ora; fintze iscussura de abes (s'abe noa chi si bolat) Sinònimos e contràrios iscàmpiu, iscuta / cdh. stunda 2. che istundha de abes emigrantes lassendhe su casidhu mi parides (Gv.Piredda) Ètimu itl.t stonda.
istunigàre , vrb Sinònimos e contràrios distrúere, ispèldere Frases mi at istunigadu s'ortu cun sos fiados ◊ che at istunigadu su calarighe e su teti pro fàghere su terrinu a ortu ◊ cussas majarzas sunt fatendhe maias pro che istunigare sa bidha!
istúnigu iltóigu
istunniàre , vrb Sinònimos e contràrios ispèldere, ispeldisciare, perdimentare.
istunniéri , agt, nm Definitzione chi o chie perdimentat sa cosa Sinònimos e contràrios isperditziau, istrubberi, sperdicieri Ètimu srd.