A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

làscina lànsana

lascinàda , nf: lassinada Definitzione su lascinare Sinònimos e contràrios alliscinada, dissallida, fuzida, iscadriada, lassinzada, liscigada, líssiu / cdh. busciconi Frases s'ispuma naschet dae sa lascinada de s'undha chena pasu e contu, in su mare Ètimu srd. Tradutziones Frantzesu glissade Ingresu slide Ispagnolu resbalón Italianu scivolata Tedescu Gleiten.

lascinadítu , agt Definitzione nau de logu, chi no lassat firmare su pei, faet illascinare, est lisu Sinònimos e contràrios alliscinosu, lascinosu, linidu, liscighinosu Frases s'abba pióina faghet su terrinu lascinaditu Ètimu srd.

lascinàre , vrb: lasinare, lassinare Definitzione andhare, mòvere a trisinadura, a illascinadura, chentza pòdere pònnere su pei (o àteru) in firmu / fàchere su làssina làssina = zogare a fuzire Sinònimos e contràrios allescinai, cadriare, illiscigare, iscadriare, istrissinare, lassingiare Frases su locu est totu astragau e si làssinat ◊ bidio s'abba falandhe lassinandhe in sos bidros ◊ soe lassinandhe e no resesso a avantzare ◊ candho unu ndhe lassinaiat a terra dae s'àrvure de sa cucagna, sa zente istaiat totu rindhe ◊ tzeltas peràulas de unu imbreagu morint in sas laras, àteras essint istropiadas, illúscigant, làscinant Ètimu ltn. lapsare.

lascingiósu , agt Sinònimos e contràrios lascinaditu, alliscinosu, lascinosu, liscighinosu Ètimu srd.

lascíngiu , nm: lascinzu, lassinzu, liscíngiu, lissíngiu Definitzione su illascinare; cosa lascinosa; logu lascinosu, inue si podet illascinare e orrúere illascinandho Sinònimos e contràrios allescinu, fuzidura, liscinamentu / alliscinadroxu, fuzidorzu, liscinu Frases candho cudhos fint durmios, issu si nch'est issiu a lassinzu e fughiu 2. sa labia, comente bi amus fatu sa saba, est tota lascinzu ◊ s'abba fit riendhe in lascinzos e brinchitendhe in sas tzurumbas Ètimu srd.

lascinósu , agt: lassinosu Definitzione chi illascinat, chi faet a dhue illascinare Sinònimos e contràrios alliscinosu, illiscigaditu, lassinzosu, liscighinosu, lissiosu | ctr. arraspiosu, aspru Frases oh tempus, fis tandho e ses como chena acamu, debbadas ti apo pessighidu, ma tue, lascinosu che colora, ti ses grisadu intro de me! (F.Murtinu)◊ fit una casta de preda lassinosa Ètimu srd. Tradutziones Frantzesu glissant Ingresu slippery Ispagnolu resbaladizo, escurridizo Italianu scivolóso Tedescu glatt.

lascínzu lascíngiu

lascónzu , agt Definitzione chi est unu pagu lascu, pagu istrintu, postu a lascu Sinònimos e contràrios larghixi, sciagu | ctr. astrintonzu Ètimu srd.

làscu làschiu

lascúra , nf Definitzione idea de logu e de tempus: su èssere lascu, a tretos chentza nudha, a iscutas (o tempus prus longu) chentza fàere, fintzes abbisóngiu, farta de benes / àere l. = tènniri tempus Sinònimos e contràrios bacantinu, bàlliu, orada, orgosa, spratza / bisognu | ctr. calchesa, tipidura Frases in su buscu bi aiat lascuras 2. candho bi at lascura picat e leghet ◊ commo cullimus s'uliba: sas àteras fainas si fachent candho bi at lascura 3. in metas domos tanno bi aiat lascura e gana a chitzu! Ètimu srd. Tradutziones Frantzesu clairière Ingresu glade Ispagnolu claro Italianu radura Tedescu Lichtung.

lasédhu , nm Definitzione tira de orrobba cun prendha apicada Sinònimos e contràrios lasitu, lasu.

làsia , nf Definitzione in is orrodas prenas de su carru, donniuna de is duas mesas lunas a una parte e àtera de sa panga (chi est sa tàula de mesu) Sinònimos e contràrios cúcuru.

lasinàre lascinàre

lasinavénu lantzinavénu

lasinòre , nm Sinònimos e contràrios apódhiu, immajonu, lentesa, priesa, priura | ctr. lestesa, presse Ètimu srd.

làsinu , nm, agt Sinònimos e contràrios lascíngiu / lenu Ètimu srd.

lasítu , nm Definitzione lobu de cosa, tira de orrobba po apicare calecuna prendha Sinònimos e contràrios lasedhu, lasu.

lasòne , nm Definitzione alasoni*, genia de lóriga de pedhe crua inue intrat po arrèschere sa punta de s'iscala de su carru (o sa timona de s'arau) in su giuale Sinònimos e contràrios agione, bagione 1, cajone 1, giussòrgia, sesúgia.

laspàja , nf Definitzione its incambionada?, brínchidu? Frases setzeit a cadhu a tota fua e in pagas laspajas no tardeit a s'atopare cun cudhos (P.Deledda).