A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

làu 1 làbara

làu 2 làdos

lauadhíni , nm Sinònimos e contràrios lauguadhinu Terminologia iscientìfica rba.

laucràpinu larugràbinu

laudaddéu , nf Definitzione genia de pigione, bellu meda, cun d-unu chirrionedhu de pilos in conca (pubusa) coment'e una crogorista: faet su niu in matas buidas, abbitat meda in Sardigna Sinònimos e contràrios mariapupusa, pubusa 1, pupusada, vuvusa Terminologia iscientìfica pzn, upupa epops.

laudài , vrb: allodare, laudare Definitzione giare lodes, bàntidos, nàrrere bene Sinònimos e contràrios abantai, alabai, alabantzai Frases laudemus a Deus cun passéntzia tantu sa vida nostra est mesurada (G.Fadda)◊ chi sies benedita e laudada in su tempus presente e benidore! ◊ laudemus a Babbu e Fizu e a s'Ispíridu Santu!

làudanu , nm Definitzione genia de meighina po abbrandhare o passare su dolore.

laudàre laudài

làude , nf: lode Definitzione bene chi si narat de unu, coment'e a bàntidu Sinònimos e contràrios alabansa, alabu, landra Frases a grória e làude de Deus e de sa Santa Vírgine Maria incumandhamos custu santu Rosàriu ◊ Salvadore Iscanu, nàschidu in su 1964, no at pótidu connòschere a tiu Remundhu cantendhe ma ndhe at intesu làudes e bàntidos (P.Pillonca)◊ si allegret su firmamentu, si allegrent montes e campedas, cantemus làudes a su chelu! Sambenados e Provèrbios smb: Lodes Tradutziones Frantzesu louange, éloge Ingresu praise Ispagnolu elogio, alabanza Italianu lòde Tedescu Lob.

lauédhu , nm Definitzione candhela de mucu Sinònimos e contràrios lobedha Ètimu srd.

lauéri, lauéru , nm Sinònimos e contràrios alaru, laberi, labru, làtiu, lau, loru 1 Frases in sa pratzita de domu tengu matas de aràngiu, de limoni, de tzípiri e laueri Ètimu srd.

laugràbinu larugràbinu

lauguadhínu , nm Definitzione erba sardónia o àpiu burdu de arriu o fenugu de àcua, genia de erba mala chi assimbígiat a s'àpiu areste ma chi faet mòrrere animales e gente Sinònimos e contràrios apiuareste, apiubburdu 1, lauadhini, pàrdinu, turgusone 1 Terminologia iscientìfica rba, Oenanthe crocata Ètimu srd. Tradutziones Frantzesu renoncule de Sardaigne Ingresu blister buttercup Ispagnolu nabo del diablo Italianu èrba sardònica Tedescu Wasserfenchel (giftig).

lauguadhínu 1 , nm Definitzione àtera genia de erba velenosa Sinònimos e contràrios bidhuri, búdharu, budhúrigu, gudhútulu, pisciaforru, pudimanu, údhuru Terminologia iscientìfica rba, Conium maculatum.

làuna , nf, nm: alàuna, làuni, làunu Definitzione prus che àteru materiale de metallu a pígiu fine, ma a logos fintzes istrégiu fatu cun custu materiale Sinònimos e contràrios lamiera, liànua*, olgiàuna / bote, murghijola Frases est una pipa de terra cun su covechedhu de làuna 2. mullia su lati a làuna a làuna e isbuidamu a su cradhaxu ◊ ti lassu unu làuni de pixarega.

launài , vrb: leonai, leonari, leunai, leurai, lionai, lionare, liunai Definitzione segare is leas mannas de terra chi essint arandho, in sa terra tostada, andhare a marra aifatu de s'arau faendho custa faina Sinònimos e contràrios illeurare, ischelviare, sleorai Frases si sa terra essit a léuras tocat a l'iscrevare o leurai ◊ si andhaiat a lionare, a marrare ◊ un'ómini comenti fiat lionendi sa terra at agatau una píbera ◊ seus leunendi a marra ◊ seu imbucau cun d-unu po marrai e leonai, po dhi assetiai sa terra Ètimu srd.

launàxa, launàxi, launàxu lannàxi

launèdha , nf, nm: launedhu Definitzione làuna, istrégiu de làuna Sinònimos e contràrios lamedha Frases sas tassas dhas samunaiant in d-una launedha prena de abba (F.Uselli)◊ at prenu unu launedhu de abba e si dh'at postu in benugos ◊ si est samunau in d-unu launedhu de abba Terminologia iscientìfica stz.

launèdhas , nf pl: leonedhas, leunedhas, lionedhas, liunedhas Definitzione genia de aina antiga meda a tres cannas po sonare a suladura; in cobertantza, genia de idea mala, cosa chi si timet, mémula / partes de is l.: tumbu, mancosa, mancosedha, cabitzinu (croba, loba: tumbu + mancosa); cuntzertu (su c.) = unu giogu, totu is tres cannas; launedha de forrani = pipiriolu de fenu Sinònimos e contràrios bísonas, bisones, bísosas, cannas, trubedhas / grima Frases sos pitzinnos andhabant a fàchere leonedhas a una tanca de trídicu ◊ su danesu Bentzon at fatu istúdiu abberu mannu subra de sas launedhas! ◊ tiu Frori fut su mellus sonadori de launedhas 2. zeo fia contrària po cudha leonedha chi mi aiat intrau in conca sa biada Terminologia iscientìfica sjl Ètimu ltn. ligulella Tradutziones Frantzesu instrument de musique à vent sard, à trois tuyau en roseau et la bouche comme réservoir d’air Ingresu launedhas (typical reed-pipe of Sardinia) Ispagnolu instrumento músico de trés tubos típico de Cerdeña Italianu spècie di zampógna tìpica sarda Tedescu sardische Hirtenflöte.

launédhu launèdha