A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

leonèssa , nf Definitzione leone fémina.

leòni leòne

leonínu , agt Definitzione de leone, chi pertocat is leones: si narat mescamente de s'intina, de unu coro chene piedu Frases custos ossos ant inserradu coros chi faghiant trèmere su prus coro leoninu.

leoníre , vrb Definitzione ingendrare is oos Sinònimos e contràrios clocire, forcire, neulire, tzotzire.

leontzínu , nm Definitzione genia de càmiu piticu.

leopàrdu , nm Definitzione genia de animale mannu, areste, chi faet abbitu in logos de s'Àfrica e de s'Àsia Terminologia iscientìfica anar, panthera pardus.

leòri , nm: liori Sinònimos e contràrios grodhe, magliane, matzone Sambenados e Provèrbios smb: Leori, Liori Terminologia iscientìfica anar.

leòri 1 labòre

leorminósu , agt Definitzione de leorminu, nau de terramíngiu de lugiana: agguantat abba meda, ma asciuta essit tostada.

leormínu , nm Definitzione genia de terramíngiu, terra lugiana Frases li at imbrastiatu s'arva chin sa chera modhe che leorminu.

leósu , agt Definitzione nau de terra, chi est o essit totu a leas Sinònimos e contràrios leurosu Ètimu srd. Tradutziones Frantzesu motteux Ingresu cloddy Ispagnolu terregoso Italianu zollóso Tedescu schollig.

lèpa , nf Definitzione aina cun d-una lama puntuda e segante de atzàrgiu temperau, a màniga prus che àteru de corru cun isperradura in mesu po serrare sa lama cun s'atza aintru / min. lepedha, leputza, leputzedha; partes de sa l.: màniga (a duas perras cun s'ànima o alcu de ferru in mesu, ribbadinos, anedhu de otone), frama (punta, ata, tolu), collu o truncu (su tretu inue sa frama est intrada apare cun sa màniga); l. de innestare = itl. innestatóio Sinònimos e contràrios arrasoa, brotzu, lesòrgia, istuzu Maneras de nàrrere csn: segare, púnghere a l., acutare o arrodare sa l.; lepa a follu a brenti de isparedha o a folla de murta = lepa a frama larga meda; crezes de lepa: patadesa, guspinesa, arburesa; l. iscollada = lepa chi a fortza de l'impreare che abberit sa frama prus de comente depet, dorchíndhesi a daesegus; èssere una lepa (nadu de ccn.)= tramperi, fartzu, leperi; èssiri una mala lepa = prenus de rusas, de trampas Frases fiat una lepa lussurgesa, de cussas a mànigu de corru e lama de atzàrgiu bàtiu e temperau in s'ollu ◊ sa màniga de sa lepa est incircada cun anedhu po fortalesa ◊ pro mànigas de lepa sos menzus corros sunt sos de murone, ma sos piús impitados sunt sos de su màsciu de elveghe Sambenados e Provèrbios smb: Lepedda, Leppedda Terminologia iscientìfica ans Tradutziones Frantzesu couteau à cran d'arrêt Ingresu jack knife Ispagnolu navaja Italianu coltèllo a serramànico Tedescu Klappmesser.

lepèdha , nf: lipedha Definitzione min. de lepa, a logos lepa etotu Sinònimos e contràrios lepixedha, leputza Frases at pintau sa cannuga a punta de lipedha.

lepedhàe , vrb Definitzione segare, fàere intacas a lepa.

lepedhína , nf Definitzione is pipios, is piciochedhos Sinònimos e contràrios feduliu, levria, livredhina.

lepédhu , nm Definitzione genia de leputzedha pitica, ma a logos est su gurtedhu de coghina cun lama e màniga totu a unu de no serrare Sinònimos e contràrios brucitu, temperinu / boltedhu, gortedhu Tradutziones Frantzesu canif Ingresu small knife Ispagnolu cortaplumas Italianu coltellino Tedescu Messerchen, Taschenmesser.

leperàju , agt: leperaxu Definitzione chi cassat o papat lèperes / cane, astore l. Sinònimos e contràrios lepereri Ètimu srd.

leperangiólu , nm Definitzione genia de tela finedhedha chi faent is arangiolos Sinònimos e contràrios beluemuru, lanarràngiu, naparangiolu, napemuru, tadharanu, telaemuru, tirinnia.

lèpere , nm: lèperi, lèpiri, lèpore, lèpori, lèporo, lèpuri Definitzione genia de animale areste, prus mannitu de su conillu, de intina orrubiasta, a origas longas meda e cambas de apalas prus mannas: s'arratza l. c. europaeus est batia de fora e iscapada po cassa; in cobertantza si narat de sa natura de sa fémina / lèpore, lèpuri de argiola = piulaghe, pipiaghena, zenia de puzone chi paschet in sas arzolas; lèpere de sant'Antoni = porchedhu de sant'Antoni, itl. falèna; coa de lèpuri = Lagurus ovatus, zenia de erba chi narant finas mussimmussi o bafus de gatu Sinònimos e contràrios tèpui / cdh. lèparu Maneras de nàrrere csn: lestru che lèpere = lestru meda; tènnereche su cascu de su lèpere = sapíresi donzi cosighedha Frases li brincaiat su coro che lèpere pessighidu ◊ mai no sigas duus lèpuris paris! ◊ de s'assuconu zughiat su coro a brincos che lèpere in sachedhu ◊ su lèpuri currendi si aterrat po s'iscabbulli de is canis ◊ unu lepiredhu est atidhendu de una parti a s'atra ◊ nci seu pesau a una mata cument’e unu lèpiri ◊ b'aiat perdighes e lèperes 2. si cumponiant deretos candho intendhiant ifraschinzu ca sas teracas che teniant su cascu de su lèpere Sambenados e Provèrbios smb: Lepore, Leporeddu, Lèpori, Lèppori, Lepureddu, Lèpuri / prb: chini sighit duus lèpuris no ndi cassat manc'unu Terminologia iscientìfica anar, lepus capensis mediterraneus Tradutziones Frantzesu lièvre Ingresu brown hare Ispagnolu liebre Italianu lèpre comune Tedescu Feldhase.

leperédhu , nm: lepuredhu Definitzione min. de lèpere, lèpere piticu Sinònimos e contràrios matacana / cdh. leparedhu Tradutziones Frantzesu levraut Ingresu leveret Ispagnolu lebrato Italianu lepròtto Tedescu Häschen.