A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lerdelèrde ledrelèdre

lerèdha, lerédhia larèdha

leredhiàre , vrb: loredhai Definitzione nàrrere lerédhias, isciolórios, abbarrare foedhandho tanti po foedhare Frases chie est leredhiandhe, chie giocandhe a sa murra ◊ loredhendhi ses, tui! Ètimu srd.

lerédhina larèdha

leredhiósu, leredhósu laredhósu

lerédhu larèdha

léria lèra

lériga , nf Definitzione tretu tundhu túndhiu in sa sedha de su cúcuru chi unu tempus giughiant is preedes Sinònimos e contràrios chérica*.

lerigòri , nm Definitzione marcu druchesau in sa carre, in sa pedhe, po pistadura Sinònimos e contràrios frincu, leidora, libidore, lidigori*, macru, pistadura, sambellutau.

leriléri , avb Definitzione pigai una cosa l. = a irmasionu, a illériu, chentza presse.

lérina , nf Definitzione cosa in posidura de longu, una aifatu de s'àtera totu a longu a longu; chistionu, moida chentza cabu, tanti po istare foedhandho, naendho / nàrrere, fàghere cosa totu a una l. = totu a una borta, chentza tasire Sinònimos e contràrios arrenghera, cordu, fibera, fila, filerina, giuali, órdine / ciaciarra, ciaramedha, illériu, issollóriu, laredha Frases una lérina de fae semenada ◊ ealla, como, tota custa zentória tuchendhe a lérina a sa festa ◊ babbu gighiat su cosse chin duas lérinas de butonedhos ◊ nareit una lérina longa de númenes chi ischiat (G.Addis) 2. lesset su piantu, ca si sighit cun cussa lérina campat pagu ◊ daghi intendho sa lérina de sos betzos, iscacàglios de risu de giovanedhas, tia chèrrere cantare in mesu insoro ◊ est a lérina che trainu Ètimu srd.

lerinósu , agt Definitzione nau de ccn., chi acostumat a istare a lérina foedhandho a irbéntiu, chi faet orròschere; fintzes chi est acasagiadore, chi erricit s'istràngiu Sinònimos e contràrios illeriadu, laredhosu Ètimu srd.

lerisónu , agt Definitzione chi acostumat a abbarrare totu brutu Sinònimos e contràrios cadhóciu, cadrangiosu, lorinosu*, mughedhosu, pingosu, sodrigosu | ctr. límpiu, netu.

lerógiu lellózu

lèrta , nf Definitzione genia de atentzione chi si giaet po calecuna cosa chi podet acontèssere / istare a sa l. = dendhe tentu, a origas allutas Sinònimos e contràrios abbiza Frases fustis totus a sa lerta e si ndi seus acataus! ◊ so, pro no ti pèrdere, a sa lerta e sempre a cantu poto ti difendho (I.Porcheddu)◊ fit sèmpere a sa lerta candho intendhiat lumenandhe carchi santu Ètimu itl. all'erta.

lertòne , nm Definitzione unu bonu a nudha e de cumportamentos metzanos Sinònimos e contràrios casticatu, iltrudhadu, indelvesu, innangaradu, isente, managu | ctr. àbbile, abbistu Frases ello no s'est frustau a mi mutiret a mi cumbidare, cussu lertone bombicosu, chene ischire sa terra chi lu zuchet?! (P.Pireddu)

lértzinu , agt, nm Definitzione chi o chie portat is ogos trotos, chi est lertzu de ogos Sinònimos e contràrios gheltzu, gréciu, ocrighertzu, ocritortu, màcinu, sghérciu Tradutziones Frantzesu strabique, atteint de strabisme, louche Ingresu squinting, squinter Ispagnolu estrábico Italianu stràbico Tedescu schielend.

lértzu, lérzu léltzu

lèsca , nf: gliesca, liesca Definitzione orrugu minore de calecuna cosa chi ndhe andhat o chi si ndhe segat e fintzes su pódhine prus grussu; a logos fintzes fita de pane / assutu che lesca = assutu che pilisca; min. leschigedha Sinònimos e contràrios alciuza, àstua, doladu, iscata, isciapa, schedra Frases po fai su sinnali "pitzu cavu" a is animalis, de s'origa ndi segant una lesca chi abarrat pendi pendi 2. tancat sos ogros finas a si bídere petzi una lesca de lutzigura ◊ cantu lescas ais fatu de crachina in cudhu forru!… Ètimu ctl. llesca Tradutziones Frantzesu éclat Ingresu sliver Ispagnolu astilla, esquirla Italianu schéggia Tedescu Splitter.

lescensciàre , vrb: licensiai, lissentziai, lissentziare Definitzione pònnere o giare fine a un'incàrrigu, a un'impreu; giare o pigare sa licentza o diproma a s'acabbada de is istúdios; andharesindhe, dispedire Sinònimos e contràrios dipaciare / dispedire Tradutziones Frantzesu renvoyer, débaucher, licencier, décerner un certificat d'études Ingresu to dismiss, to confer a diploma on Ispagnolu despedir, licenciar, irse Italianu licenziare Tedescu kündigen, entlassen (aus der Schule), verabschieden.