A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

muróngiu mudóngiu

muròni , nm Definitzione mura, muntonedhu de terra Ètimu spn. morón.

muròni 1 , nm Definitzione una calidade de murighessa.

muronínu mugronínu

murorrúa murarrú

murótulu morótulu

múrra , nf Definitzione giogu chi si faet in duos (o de prus, ma giogandho a duos a duos) bogandho pódhighes a s'ingrundha e naendho unu númeru: chie intzertat sa suma pigat unu puntu e si sighit deasi fintzes a séighi (o a úndighi sa bella, sa de tres pasias candho is primas duas funt patas, ca sinuncas binchet su giogadore chi at bintu duas bortas aifatu de pare): murra dhu narant fintzes po deghe, candho acontesset chi is duos giogadores bogant a cada chimbe pódhighes Frases lis barigaiat sa note gioghendhe a sa murra 2. alla it'ómini isciàpidu, oi tenit sa murra, comenti mi tzérriat! Sambenados e Provèrbios smb: Murra Terminologia iscientìfica ggs.

murràbi , nm: murrale, murrali, murriale Definitzione inghiriada o lobu de fune a murros po pigare a tira un'animale (àinu, cuadhu); ispétzia de crabistu chi si ponet a is canes bestiu in murros po no mossigare Sinònimos e contràrios brunchile, cabitza, cavessa, crabistu, doga 1, dogale, musale, musone / musarola Frases no mi ant a ponni mancu su murrali issus, no! ◊ bollu curri in is montis e in is ceas, sena de bendas, ne murralis ne trobeas ◊ gighet s'àinu sempre a camu e a murrale Sambenados e Provèrbios smb: Murrali Ètimu srd. Tradutziones Frantzesu licou, licol, bride, muserolle Ingresu halter Ispagnolu cabestro Italianu cavézza Tedescu Halfter.

murràda , nf Definitzione parte de merie iscurigandho, própriu candho cumènciat a no si bíere prus Sinònimos e contràrios irmurinada Ètimu srd.

murradòre Definitzione giogadore a sa murra Sinònimos e contràrios murrajolu Ètimu srd.

murrajólu , nm Definitzione giogadore a sa murra Sinònimos e contràrios murradore Frases calegunu de sos murrajolos fit ancora a raunzu, e su restu a chighígliu fatu cun càntigos e sonos e bentrinadas Ètimu srd.

murralàre , vrb: ammurralai* Definitzione pònnere su murrale a un'animale de pigare a fune; pònnere sa musarola a su cane / pps. murraladu nau coment'e agt. de cane = chi portat sa musarola.

murràle, murràli murràbi

murràntzia , nf Definitzione su èssere murru, canu, in parte o in totu Ètimu srd. Tradutziones Frantzesu cheveux blancs Ingresu hoariness Ispagnolu canicie Italianu canìzie Tedescu Ergrauen.

murrapàre , avb Definitzione prèndhere, pònnere o èssere a m. = a murru cun murru, murru contra a murru (fintzes primmaos, in malas).

murratínu, murratzínu , agt Definitzione chi de colore est unu pagu murru; nau de boe o baca, chi portat maga de colore biancu in murros Sinònimos e contràrios murratzu Frases est una craba bianca murratzina ◊ su boe murratinu ndh'est essiu bene dae su contipizu de Valériu Terminologia iscientìfica clr Ètimu srd.

murràtzu , agt, nm Definitzione chi est mesu canu, unu pagu murru Sinònimos e contràrios incespiau, murratinu Frases zughiat sa lana murratza Sambenados e Provèrbios smb: Murratzu, Murrazzu Terminologia iscientìfica clr Ètimu srd. Tradutziones Frantzesu grisonnant Ingresu greying, speckled Ispagnolu entrecano Italianu brizzolato Tedescu graumeliert, leicht ergraut.

murràtzu 1 , nm Definitzione genia de tzerra chi essit in murros Terminologia iscientìfica mld Ètimu srd.

murrèca , nf Definitzione papada, pichetada Frases custu mànnigu a calicunu nasimodhe e tastivine dhi at a pàrrere murreca ◊ cussu est de una murreca a s'àtera!

murrecàda , nf Definitzione ispuntinada, murreca etotu Sinònimos e contràrios pichetada.