A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

orroígu , nm Definitzione genia de tziringone, de bobboi longu; in cobertantza, persona de carena fine e longa, cannàile Terminologia iscientìfica crp Tradutziones Frantzesu nématodes Ingresu nematode Ispagnolu nematodo Italianu nematòde Tedescu Nematode, Fadenwurm.

orroína , nf, nm: arroina*, orruina, orruine, orruinu Definitzione s'óssidu de su ferru, ossígenu cun ferru Sinònimos e contràrios arruíngiu, arrúngia 1, orrúngiu Frases s'ebra at pigau colore de orruine.

orroinài , vrb: arrughinare*, orruinare, roghinare 1 Definitzione fàere a orruina Sinònimos e contràrios inferrinzare Frases cussu tubbu est totu orruinannosi 2. dh'at segau cun sa lepa orroinada.

orroínzu orroghínzu

orròiri , vrb: arròere* Sinònimos e contràrios arrosigai, conciumire.

orròja orròa

orrolài , nm: arrolàriu*, orrolari, orrolarju, orrularju, rollàriu Definitzione rosa de ladhérighe, de margiani, rosa canina o orrosa de gullari o de s'orruo cràbinu Sinònimos e contràrios arrosabburda, badherinu, cincirrollai, fusighitu, ninnieri, pibirillò, rosagadhina, rugurbinu, tutussi Terminologia iscientìfica mt, Rosa canina Tradutziones Frantzesu rose églantine Ingresu blamberose Ispagnolu rosal silvestre Italianu ròsa canina Tedescu Hundsrose.

orrolàre , vrb: orrollare Definitzione fàere o pònnere s'orrolu a unu bestimentu Sinònimos e contràrios orulare 1 | ctr. isorulare Frases mi orrollo su mantedhu totu a fita de orrosa.

orrolàri, orrolàrju orrolài

orròli orròali

orrollàre orrolàre

orrolliadúra , nf Definitzione su orrolliare, su pònnere cosa a inghíriu coment'e a fàere a rólliu, unu giru tundhu Frases is mànigas de su trigu si poniant a orrolliadura in s'argiola.

orrolliài, orrolliàre , vrb: arrogliai* Definitzione istare a rólliu, a inghíriu, a rodeu de calecuna cosa, de calecunu logu o fintzes de una chistione, andhare a inghírios Sinònimos e contràrios arrodeare, bagamundai, garronai, zirare.

orrolliàna , nf: arrolliana, rogliana* Definitzione genia de lóriga lada chi si ponet intremesu de un'orroda e sa crae chi intrat in su fusu (o fintzes asuta de unu dadu), a manera de fàere giogu tra unu e àteru (o de istrínghere méngius) Frases dhue at imbucau abba in mesu de is orrollianas e po cussu no funtzionat bèni.

orrollózu orellózu

orróllu , nm: órulu 1, uru Definitzione s'oru de s'orrobba comente si pinnigat (addópiat) e cosit a manera de no s'isconciare sa tessidura, o fintzes po bellesa; bículu de orrobba chi si ndhe segat in oros, faendho bestimentu; síngia tundha tundha / órulu sisiu = órulu de sa robba Sinònimos e contràrios avoreta, orivetu, orizu / mutzinadura / chílciu, tzirollu Frases sa túnica zuchet s'órulu recramau Ètimu srd. Tradutziones Frantzesu ourlet Ingresu hem Ispagnolu dobladillo, ruedo Italianu órlo Tedescu Saum.

orromadíu , nm: arramatia, ramadia* Sinònimos e contràrios afrenamentu, arresfriori, refreu.

orromasínu , nm: ramasinu* Sinònimos e contràrios arromaniu, cípari.

orromicàre, orromigài, orromigàre , vrb: arramigai, orrumigare, romigai* Definitzione istare matzigandho prus che àteru sa cosa ingurtia papandho, comente faent is animales chi ndhe dha torrant a buca a dha torrare a passare; papare cosa a tzàcurru, orrunchinare puru Sinònimos e contràrios arronnigae, gramunzare, ramunzare Frases incui ammériat s'arei paxiosa orromighendu sa pastura pàscia 2. beta s'ossu a su cane a dh'orrumigare!

orrómigu , nm Definitzione su orromigare; tzàcurru, matzigare cosa a tzàcurru, cosa àrrida, tostada meda Sinònimos e contràrios trachedhu, tzacàrridu Frases papaus castagna a orrómigu, a lissu, a orrostu Ètimu srd.