A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

orpéllu , nm Definitzione its Frases detzidint de pònnere su matzone in orpellu: a s'iscurigada leant unu fiadu anzadu, lu prendhent a una mata e armados de fusile si che ponent atesu ispetendhe.

orpilàre , vrb: arpilare, elpilare, urpilare* Definitzione atzutzudhire is pilos de s'assíchidu, de s'umidore Sinònimos e contràrios altudhare, assunciudhai, astriare, istriare Frases titilios de fritu mi orpilant sa carena (D.Murru).

orpilónzu , nm Definitzione timoria manna Sinònimos e contràrios apantàviu, arrore, ispreu Ètimu srd.

orrédhu , nm Definitzione deventale biancu de tela Sinònimos e contràrios barredhu* Terminologia iscientìfica bst.

òrrere , vrb Definitzione arregòllere, umprire; fintzes cumprèndhere / ind. pres. 1ˆ p. sing. òrgio; pps. ortu 1 Sinònimos e contràrios aferrare, cumprèndhere Frases primmu de torrare a fàere su fogu orindhe su cinisu! (M.Calia) 2. no dh'as ortu bene.

orrèschere , vrb Definitzione àere a orretzu, a ischifu, a crisu Sinònimos e contràrios arritzare 1, grisai 1, ischifare Ètimu ltn. horrescere.

orretzósu , agt Definitzione chi faet orretzu, crisu e ispantu totu impare Frases sa colovra est una tzerpe de aspetu malu, orretzosu (G.Albergoni) Ètimu srd. Tradutziones Frantzesu repoussant Ingresu repellent Ispagnolu repelente, repugnante Italianu repellènte Tedescu abstoßend.

orrétzu , nm Sinònimos e contràrios àscamu, grisu Frases cust’arrastu non mi fachet orretzu (A.Pau)◊ cantos bi ne det àere in custu munnu chi ant orretzu de sos àteros!…

orriadòre , agt, nm Definitzione chi o chie corrighinat: dhu narant pruschetotu de su dimóniu (s'àinu o.) Sinònimos e contràrios arroncadore, orriànculu, orrione / béstiu, demóniu Ètimu srd.

orriajòla , nf: furriajola* Sinònimos e contràrios forriarjola, fúrriga Terminologia iscientìfica sjl.

orriàju , nm Definitzione maistu chi faet órrios, lússias a pònnere laore Ètimu srd.

orriànculu , agt Definitzione chi órriat, chi istat a órrios, corrighinandho Sinònimos e contràrios orriadore Frases semus solu burricos orriànculos o semus zente? Ètimu srd.

orriàre , vrb Definitzione pesare a corrighinos, fàere sa boghe de s'àinu: nau a disprétziu, foedhare (e po cussu pigare o lassare a unu che burricu) Sinònimos e contràrios abborriare, barroinae, borrare, borrighinare, corrinai, irronchiare Ètimu srd. Tradutziones Frantzesu braire Ingresu to bray Ispagnolu rebuznar Italianu ragliare Tedescu iahen.

orriàre 1 , vrb Definitzione pònnere su trigu, su laore in is órrios Ètimu srd.

orriatzèdha , nf Definitzione farra de órgiu Sinònimos e contràrios ogliatzu*, ordàscia.

orriàtzu ogliàtzu

orriméntu , nm Sinònimos e contràrios odríngiu, ordidura, ordimentu* Frases sa burra de istràciu (fata cun robba bècia segara a tiras) si tessera cun s'orrimentu de cotoni ◊ s'orrimentu bandat ghetau in pícius de su súrbiu de apalas.

orriòla , nf Definitzione missu de o. = unu chi istat sèmpere foedhandho Ètimu srd.

orriòne , agt Sinònimos e contràrios orriadore, orriànculu Ètimu srd.

órriu , nm Definitzione sa boghe comente dha faet su molente Sinònimos e contràrios bórriu, corrinu, irrónchiu Frases ammèntadi bene de no ti girare si intendhes un'órriu de àinu! ◊ sos àinos sunt a órrios Sambenados e Provèrbios prb: órrios de àinu no intrant a chelu Terminologia iscientìfica bga Ètimu srd. Tradutziones Frantzesu braiment Ingresu bray Ispagnolu rebuzno Italianu ràglio Tedescu Iahen.