A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

sbéliu , nm: ibéliu* Definitzione su no giacurare, su èssere pentzandho in àteru; cosa chi si faet a giogu, po alligria, divertimentu Sinònimos e contràrios desatinu, disabudesa, isagheradura / arrecreu, desogu, dirvagu, diveltimentu, giogu, irbelegu, ispàssiu 2. gei dhu sciu su chi fatzu, no apu tentu mai unu sbéliu, fatzu sempri su doveri miu ◊ ajaja, sétzia in d-unu furrungoni, curregiat is sbélius de is piciochedhus e regulàt sa faina de coxina Tradutziones Frantzesu inattention, distraction Ingresu recreation, absent-mindedness Ispagnolu distracción Italianu disattenzióne, distrazióne, svago Tedescu Unaufmerksam- keit, Zerstreuung, Zerstreuung, Zeitvertreib.

sbelliài sbeliài

sbelligiài , vrb Definitzione fàere furriare s'iscàtula a unu, fàere ammachiare Sinònimos e contràrios iscasciuletare, scatulai.

sbenatzài , vrb Definitzione essire de su benatzu, istesiare de logu ludosu Sinònimos e contràrios sludai Ètimu srd.

sbendonài sbandonài

sbentadúra , nf Definitzione su sbentai Ètimu srd.

sbentài , vrb: sventai Definitzione coment'e bogare bentu, apèrrere po ndhe bogare o fàere essire cosa (es. sàmbene) Maneras de nàrrere csn: s. una vena = sangrare; s. una mina o unu dissignu = rèndiri vanu s'efetu, fàghere a manera chi no andhet in bonu.

sbentiài , vrb: ibentiare* Definitzione coment'e pèrdere bentu o fragu, sa fortza, s'efetu de s'àrculu (nau de is imbriagos puru) o fintzes pèrdere su sabiore, s'arrennegu Sinònimos e contràrios iscoturare / bentiai / illeriare Frases chi s'imbriagat dhu poneus foras a sbentiai! 2. lassadhu sbentiai, ge dhi passat s'aragoni! ◊ lassadha inchietai e sbentiai puru!

sbentiàu , agt: irbentiadu Definitzione de sbentiai; si narat de binos e licores chi ant pérdiu s'àrculu; de gente, candho si narat illérios, ibbàmbios, o fintzes no si arregodat prus de nudha Sinònimos e contràrios abbambanau, abbaucadu, allabentau, ammodoinau, conchischeréscidu, disatinau, irmentigadu, laredhiau | ctr. atinadu, cabosu Frases issu arricit figu sicada e piriciolu sbentiau Tradutziones Frantzesu évaporé, évanoui Ingresu evaporated, not quite all there, flyghty Ispagnolu evaporado, despistado Italianu svaporato, svanito Tedescu verdunstet, verflüchtigt, verdummt.

sbentuài , vrb: ibentullae*, sbentulai, sbentuliai, sbentulliai Definitzione pigare bentu, tzantzigare o mòvere de is cosas po is bentos, fàere bentu Sinònimos e contràrios bolatzai / abentuai, afantallai, arrostai. Maneras de nàrrere csn: s. su trigu = bentulare, seberare su ranu de sa paza imbolendhe su laore triuladu in artu candho bi at bentu; s. cun ciuliru = bentulare su laore a chiliru, cun d-una móida de botu a manera chi su laore si ndhe peset in artu e torret a falare a intro netu, fora sa paza

sbentuladòri , agt Definitzione chi est móviu o tzantzigau a bentu Ètimu srd.

sbentuladúra , nf: irbentugliadura* Definitzione su sbentulai Sinònimos e contràrios sbentulamentu.

sbentulài sbentuài

sbentulaméntu , nm: isbentulamentu*, sbentuliamentu Definitzione su sbentulai Sinònimos e contràrios irbentugliadura Tradutziones Frantzesu flottement Ingresu waving Ispagnolu ondeo Italianu sventolìo Tedescu Winken, Flattern.

sbentuliàda , nf: isbentuliada* Definitzione su sbentuliai; cropu o puburedha de bentu.

sbentuliài sbentuài

sbentuliaméntu sbentulaméntu

sbentulliài sbentuài

sberritài sbarritài

sbertadòri , agt, nm Definitzione nau de ccn., manilestru chi ndhe furat su chi s'àteru portat in pitzu o si che dhu bogat de busciaca si dhi passat a tretu, prus che àteru a fura prana Sinònimos e contràrios furabbúscia, scabeciadori Tradutziones Frantzesu pickpocket Ingresu pickpocket Ispagnolu carterista Italianu borseggiatóre Tedescu Taschendieb.