sbagliài , vrb: ibbagliare*, sbalgiai, sballiai Definitzione pigai o fàere isbàgliu, fàere una cosa po un'àtera chentza dhu bòllere, in fadhina, po no ischire Sinònimos e contràrios fadhie, irbagiare, isdeinare Frases soi arrennéscia a iscriri duas errigas e mancai mi apu a sbalgiai oi puru (C.Carta).
sbàgliu , nm: imbàgliu*, sbàlliu Definitzione cosa fata male prus che àteru in fadhina, chentza dhu bòllere o fintzes po no ischire / pigai s. = ingannaisí, fadhíresi Sinònimos e contràrios aerru, arràntzia, fadhina, ilmarru.
sbainài , vrb: irbainare* Definitzione bogare (un’arma) de sa bàina.
sballadòri , agt, nm Definitzione chi sballat, chi istracat o immarrit meda; fintzes bastàsciu.
sballài , vrb: isballare* Definitzione su contràriu de imballare, coment'e isconciare; fintzes tratare male, fàere trebballare tropu, istrapaciare Sinònimos e contràrios frustatzare, isbancai, istrabatzare, stravaciai.
sballaméntu , nm Definitzione su sballai Sinònimos e contràrios cadha, cària, inzotu, istrabatzu, mugna, pelea, rabanada, sballu Ètimu srd.
sballàu , pps, agt: isballadu Definitzione de sballai; torrau de mancu in is benes, carrigau de dépidos Sinònimos e contràrios azommadu, isbaligiadu, istracu. Maneras de nàrrere csn: butega sballada = andhada male; cuadhu sballau = istrapatzadu
sballiài sbagliài
sbàlliu sbàgliu
sbàllu , nm Sinònimos e contràrios istrabatzu, mugna, sballamentu.
sbalossài , vrb Definitzione prnl., fàere su balossu, s'iscimpru, essire iscimpru Sinònimos e contràrios scimprai Frases gei fiat ora de dh'acabbai de ti sbalossai!
sbambiài , vrb: ilbambiare* Definitzione fàere bambu, fàere prus pagu saliu (fintzes aciunghendho àtera cosa), pèrdere sale Sinònimos e contràrios abbambiai, irbambissiare.
sbandíu , nm Sinònimos e contràrios bandhidu, foressidu, ibbanniu* Frases innòi giogaus a sbandius e a carabbineris.
sbandonài , vrb: irbandhonare*, sbendonai Definitzione lassare in abbandhonu, chentza contivigiau Sinònimos e contràrios abbandhonare, disamparai, discuidai, lassai, scabidai | ctr. contifizare.
sbangarrutàu , agt Definitzione nau de ccn., chi est fuliau peri su logu chentza fàere nudha Sinònimos e contràrios faghineri, fuliau Frases dhoi at giòvunus chi mellus abarrant sbangarrutaus a tota dí in pratza, intramus de si pònniri a fai calincunu trabballedhu.
sbaratài , vrb Definitzione pigare, fàere pigare o giare carda manna, pelea meda, istrapàciu Sinònimos e contràrios desbaratare*, frustatzare, isballare, istrabatzare, rabanare.
sbaratzài , vrb: irbarratzare* Sinònimos e contràrios ibboidare, ilbagantare, ilgavantare, illichidare, irbascaramenare.
sbarbài , vrb: irbarbare* Definitzione segare o fàere sa braba Sinònimos e contràrios afaitai.
sbarbàu , pps, agt Definitzione de sbarbai; nau de piciocu, chi ancora no dhi est creschendho pilu de braba Sinònimos e contràrios carilisu.
sbarcadróxu , nm Definitzione logu o passadórgiu po isbarcare Ètimu srd.