trighíndele, trighíndia, trighíndille trigaíndiri
trighinédhu , agt Definitzione
chi in sa pedhe est totu a pintirighinos, a marchighedhos piticos in colore de castàngia, de trigu
Sinònimos e contràrios
apannugau,
gintillau,
iscacadu,
neadu,
pibirassu,
pibirinadu,
pibirinosu,
pigosu,
pintarinadu,
talaosu
Ètimu
srd.
Tradutziones
Frantzesu
lentigineux
Ingresu
freckled
Ispagnolu
pecoso
Italianu
lentigginóso
Tedescu
sommersprossig.
trighínnia trigaíndiri
trighinónzu , agt Definitzione de colore unu pagu tríghinu, iscurosu Frases custa luche est trighinonza Ètimu srd.
tríghinu , agt Definitzione in colore iscurosu, fintzes a marchighedhos Sinònimos e contràrios trigadu, trigassu, trinu / trúgliu Frases sas nues sunt tríghinas in s'àghera píchida ◊ barba tríghina ◊ ómine e animale pariant duas istatuedhas tríghinas de raichinas de chessa in su biancore de su nive Terminologia iscientìfica clr.
trighinzésu , agt Definitzione chi o chie istat in su trighinzu Sinònimos e contràrios trichinzarju Frases so campanaju de sa turre chi alta alta si pesat in mesu de s'aera, chei sos sonnos, chei sa chimera de dogni trighinzesu (F.Sechi) Ètimu srd.
trighínzu trechínzu
trighínzu 1 , agt Definitzione
coment'e calidade de gente o de animales, chi est de pagu contu, miseredhu, chi creschet pagu
Sinònimos e contràrios
anninnitau,
cioco,
enzosu,
míseru
Tradutziones
Frantzesu
rachitique,
maigre et débile
Ingresu
poor looks,
rachitic
Ispagnolu
raquítico
Italianu
di aspètto mìsero,
rachìtico
Tedescu
kümmerlich.
trighínzu 2 , nm Definitzione genia de linna chi faet a cannàile longu longu e fine e si che artzat a pitzu de is matas (in su cannàile sicau, surbandho a fortza passat s'ària de una parte a s'àtera in su sensu de sa longària) Sinònimos e contràrios atzara, auciada, bidichinzu*, bilichinzu, elighinzu, ertessu, filichinzu, inteltzu, lutzara, medichinzu Frases a pitzinnos fumaimis ratos de trighinzu sicu Terminologia iscientìfica rbl, Clematis vitalba.
trígia , nf Definitzione genia de àghina de colore asulu cotu (tricarosa).
trigiólu, trigióu tragiólu
trigiòta tragiòta
tríglia , nf: tríllia Definitzione
genia de pischighedhu de mare, a iscata larghita, orrubiastu, saboriu fatu a ischiscionera, de calidade diferente segundhu si est piscau in logu de orroca o in fundhu ludosu; in cobertantza, surra, cropos
Terminologia iscientìfica
psc, mullus surmuletus, m. barbatus
Ètimu
itl.
Tradutziones
Frantzesu
rouget
Ingresu
surmullet
Ispagnolu
salmonete
Italianu
trìglia
Tedescu
Meerbarbe.
trigosíndias trigaíndiri
trígu trícu
trígu 1 , agt, nm Definitzione nau de tempus, chi benit meda apustis, assassegus (a trighedempus)/ a trig'ora = a disora, in ora chi no andhat bene e podet istrobbare, giai passada; a trigu = tempus ainnanti meda Frases a trigu tempus Gesús e Santu Perdu capitant de torrai a passai in cussu logu ◊ dh'at tentu in annotu de memória po dhu connòsciri a trigu tempus (F.Onnis)◊ a trigu tempus gei dh'at fatu su doveri! 2. a trigu o a pressi, custu ti at a costai! Ètimu srd.
trigudémpus trighedémpus
triguíndia trigaíndiri
trígula trèba
trigulàre trauài