trinnítu , nm Definitzione
sa sonàgia prus pitica chi si ponet a su bestiàmene (prus che àteru a is angiones)
Sinònimos e contràrios
chícula,
tintinnu,
tríchili,
tringhitu,
trinnedhu
Terminologia iscientìfica
snl
Ètimu
srd.
Tradutziones
Frantzesu
petit grelot pour agneaux
Ingresu
lamb harness-bell
Ispagnolu
esquila
Italianu
sonaglino per agnèlli
Tedescu
kleine Schelle.
trínniu trínnidu
trinómiu , nm Definitzione in matemàtica, cantidade, summa algébrica cumposta de tres partes.
trinòne , nm Definitzione genia de pigione chi assimbígiat a su trudu, ma prus mannu de sa trinita Terminologia iscientìfica pzn Ètimu srd.
trínta , agt, nm Definitzione
su tanti de tres bortas deghe (in números àrabbos 30, in números romanos XXX)
Maneras de nàrrere
csn:
lassai a ccn. cun t. e cun coranta = lassai in campu e in crachi, lassare che macu, solu; su chi fait trinta fait coranta = trinta o baranta totu est su matessi…
2.
andau si ndi est…: dèu dh'ollu contai un'arrexoni chi fait mòrriri de s'arrisu e issu mi lassat cun trinta e cun coranta!
Ètimu
ltn.
triginta
Tradutziones
Frantzesu
trente
Ingresu
thirty
Ispagnolu
treinta
Italianu
trénta
Tedescu
dreißig.
trintamíla , agt Definitzione trinta bortas milli.
trintàrju , nm Definitzione tempus de trinta dies Frases su primu de santugabini comintzat su trintarju de sas ànimas Ètimu srd.
trintasès , nm Definitzione genia de cantzone totu a retrogas: is foedhos de sa retroga si portant a fúrriu de una pesada a s'àtera faendho totus rima.
trintèna, trintína , nf Definitzione
su tanti de trinta, tres deghinas; unos o unas trinta, unu tanti a fúrriu de trinta
Frases
bendu totu, brebeis e crabas, e mi fatzu una trintina de milionis ◊ su maridu est un'ómine de una trintina de annos
Ètimu
itl.
Tradutziones
Frantzesu
trentaine
Ingresu
about thirty
Ispagnolu
treintena
Italianu
trentina
Tedescu
etwa dreißig.
trintúnu , agt, nm Definitzione unu in prus de trinta.
tríntza tríncia
trintzadòre , agt, nm Definitzione chi o aina chi serbit a trinciare.
trintzàdu trinciàdu
trintzadúra trinciadúra
trintzàre trinciài
trintzàu trinciàdu
trintzèa trincèra
trintzédhu , nm Definitzione bestimentu de pònnere asuta de sa gunnedha, is féminas Sinònimos e contràrios cànsciu, trintza Terminologia iscientìfica bst.
trintzèra trincèra
trintzeraméntu trinceraméntu