A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

trinidàde, trinidàdi , nf Definitzione sa divinidade segundhu sa dotrina cristiana, una in tres personas: Deus Babbu, Fizu e Ispíridu Santu Terminologia iscientìfica prdc Tradutziones Frantzesu Trinité Ingresu trinity Ispagnolu trinidad Italianu trinità Tedescu Dreieinigkeit.

trinigàre trinicàre

triníre , vrb Definitzione coment'e sadhire, trèmere de assíchidu Sinònimos e contràrios ammudire, aterrighinare.

triníta , nf Definitzione genia de pigione chi assimbígiat a su trudu Sinònimos e contràrios trinedha Terminologia iscientìfica pzn Ètimu srd.

trinítu , agt Definitzione nau de ccn., chi est totu bene bestiu, totu bene postu, fintzes cun prendhas e àteru po bellesa, alleputzau Sinònimos e contràrios apomponissau, alleputziu, lussadu | ctr. isconfusu, malatrociau Tradutziones Frantzesu tiré à quatre épingles Ingresu dressed up Ispagnolu repulido Italianu azzimato Tedescu aufgeputzt.

triníu , pps, agt Definitzione de trinire; nau de ccn., chi est tristu, dispràxiu, mudu, assicau, malegontzu Sinònimos e contràrios dispiàchiu, triltu 2. cun is cífrinus abarraus de su coru, s'ànima s'isfait in pruini po si lassai andai, trinius po su tempus chi sèminat doloris ◊ is brebès chi si funt campadas de sa maladia funt abbarradas trinias.

trinnédhu , nm Definitzione sa sonàgia prus pitica chi si ponet a su bestiàmene (prus che àteru a is angiones) Sinònimos e contràrios chícula, tríchili, tringhitu, trinnitu Terminologia iscientìfica snl Ètimu srd.

trínnidu , nm: trínniu, trínniru Definitzione su trinnire, su sonu chi faent cosas chi si movent lestras o fatas po sonare Sinònimos e contràrios drínnida, intinnu 1, strinnitu, tínnulu Ètimu srd. Tradutziones Frantzesu tintement (s), tintillement (s) Ingresu tinkling Ispagnolu tintineo Italianu tintinnìo Tedescu Geklingel.

trinnidúra , nf: drinnidura* Definitzione su trinniri Sinònimos e contràrios trinnimentu.

trinnigàre trinicàre

trinnighínzu , nm Definitzione su trinnigare Sinònimos e contràrios assachítidu, sachedhonzu, sciaculamentu, trinnigonzu Frases sas àbbilas, pàsidas, chena trinnighinzu atraessant s'aera Ètimu srd.

trinnigónzu , nm Sinònimos e contràrios assachítidu, sachedhonzu, sciaculamentu, trinnighinzu Frases su trinnigonzu faghet male a sas màchinas, si no est bene imparisada s'istrada Ètimu srd.

trínnigu , nm Definitzione su si trinnigare, fintzes po arrennegu o àteru sentidu forte / t. de dentes = trementa de barras po frius o po timoria manna; t. de fritu = tidilia Sinònimos e contràrios ímpetu, trinnighinzu Frases bidendhe elveghes pitigadas tundhendhe bi benzeit unu trínnigu de ispreu! Ètimu srd. Tradutziones Frantzesu sursaut, tremblement Ingresu tremble, thrill Ispagnolu estremecimiento Italianu trèmito, frèmito Tedescu Zittern.

trinniméntu , nm Definitzione su trinniri Sinònimos e contràrios trinnidura Ètimu srd.

trinníre , vrb Definitzione tinnire; fintzes su cantare chi faent is pigionedhos Sinònimos e contràrios tinnire / cirolitare, ciulai, ciurulare 2. su passirillanti trinnit Ètimu srd.

trinníri , vrb: drinnire Definitzione su sonare chi faent is cosas, mescamente cudhas chi no funt propriamente fatas po sonare Sinònimos e contràrios drínniri, intinnire, sonai, tinnire*, tinnulare.

trínniri , vrb: drínniri Sinònimos e contràrios drinnire, intinnire, sonai, tinnulare Tradutziones Frantzesu tinter, tintiller Ingresu to tinkle Ispagnolu tintinear Italianu tintinnare Tedescu klingeln.

trínniru trínnidu

trinnitài , vrb Definitzione pònnere is trinnitus, is prendhas po bellesa Ètimu srd.

trinnitàu , pps, agt Definitzione de trinnitai; nau de animale, chi est postu de trinnitu, chi portat sonàgia Sinònimos e contràrios campanedhau.