Legenda Incurtzaduras | Legenda Sìmbulos

créntia 1 , nf: créntzia Definitzione su crèdere, su giare fide / comporare a créntia = leare a dépidu, pigai a fidu Sinònimos e contràrios credéntzia 1*, créita Frases créntia bos ndhe dao canta cherides ◊ in su butighinu bufaiat a créntia Tradutziones Frantzesu crédit, créance Ingresu reputation Ispagnolu crédito Italianu crédito Tedescu Ansehen.

fàma , nf, nm: famu Definitzione cosa chi ischint o chi narant in medas de unu, siat in bonu e siat in malu Sinònimos e contràrios incionnu, lúmena, lumenada, nada, nemonada, noidesa, nomena, sonedhu Maneras de nàrrere csn: èssere giutu a fama = èssere fontomadu pro carchi cosa; bogare fama = parai fama; manciai sa fama a ccn. = leàreli sa fama, s'unore, innoriare; torrare sa fama a unu = nàrrerendhe torra cosas de bonu Frases sa fama est una roca sentza indísciu de iscalas e si bi pigat solu o che ae isparghendhe sas alas o che serpente a fortza de… istrísciu! (Bore)◊ a candho como, a prima iscapada pro duas festas, sa pudhedra at bogadu fama!… Sambenados e Provèrbios prb: para fama e crocadí Ètimu itl. fama Tradutziones Frantzesu notoriété Ingresu reputation Ispagnolu notoriedad Italianu notorietà Tedescu Bekanntheit.

inciónnu , nm: insóniu, insonu, issóniu, issonu Definitzione agiummai coment'e sonu, cosa chi ischint o chi narant in medas de unu, siat in bonu e siat in malu / sa bidha est a insonu = in bidha est essida sa boghe chi… Sinònimos e contràrios díciu / alleca, arviedhu, nova / incionada, lúmena, lumenada, nada, nemonada, nomena, sonedhu Frases cun istruendu e insóniu terrore inoghe isparghias! ◊ sa zente pessat chi de totu s'issóniu, de totu su machine de sa vida, arreat petzi su cherinzu vene ◊ abba passada no traet molinu, abba passada no faghet issonos (Cubeddu)◊ si azis issonu nàzinnos cosa! 2. custus funt dícius e incionnus de su Sulcis 3. a cussu malu issonu, su babbu lasseit andhare un'úrulu ◊ sunt tantos annos chi no ti apo bidu ne de te piús apo intesu insonu ◊ de candho at intesu cussu insonu, chi sa fura faghet cussu efetu, furat isse puru 4. no ailti de ladru cuss'insonu Ètimu srd. Tradutziones Frantzesu diction, nouvelle, bruit Ingresu saying, news, reputation Ispagnolu dicho, rumor, fama Italianu détto, notìzia, fama Tedescu Spruch, Nachricht, Gerücht.

nàda , nf: narada, narara Definitzione cosa chi si narat (mescamente a s'afaiu, de s'unu e de s'àteru), cosa chi s'ischit o chi si narat de unu, fintzes manera de nàrrere / essire de totuna narada = totus a una boghe, cuncordos Sinònimos e contràrios bodheta, contulàntzia, naravèglia, naratia, narinzu / fama, incionnu, lúmena, sonedhu Frases cussas nadas s'intendhent in bidha ◊ ite che fato inchesuradu a frazados impreos e a nadas cobertas de murgone? ◊ est essida sa narada de su tali…◊ ruiant solas solas sas naradas de babbu argumentosas ◊ su mundhu isperimenta, no cretas a is naradas! ◊ làstima po mei su èssiri crétiu is naradas tuas! ◊ si funt istorraus po is nararas allenas ◊ no pongais a menti a totu is naradas ch'intendeis! Ètimu srd. Tradutziones Frantzesu racontar, réputation Ingresu rumour, fame, reputation Ispagnolu habladuría, rumor, fama Italianu dicerìa, vóce, fama Tedescu Gerücht, Ruf.

nemonàda , nf: nomanada, nomenada, numenada, numenata Definitzione su nàrrere unu númene o numenare a ccn. o fintzes calecuna cosa; cosa chi ischint o chi narant in medas de unu, siat in bonu e siat in malu Sinònimos e contràrios incionada, lúmena, lumenada, nada, nomena, sonedhu Frases cussu tenit sa nemonada de una cunduta bona ◊ de trabballai no ndi boint intendi mancu sa nomanada! ◊ dae candho si est tucadu no si ndhe at intesu prus mancu numenada ◊ cun sa nomenada chi tenit, custa domu, no nci benit nemus! 2. cussa est genti de nomenada mala, lègia, bona Ètimu ctl. nomenada Tradutziones Frantzesu réputation Ingresu reputation Ispagnolu nombradía, fama, reputación Italianu nomèa Tedescu Ruf.

nomèna , nf Definitzione cosa chi ischint o chi narant in medas de unu, siat in bonu e siat in malu Sinònimos e contràrios incionnu, lúmena, lumenada, nada, nemonada, sonedhu Tradutziones Frantzesu réputation Ingresu reputation Ispagnolu reputación Italianu nomèa Tedescu Ruf.

sonédhu , nm Definitzione cosa chi ischint o chi narant in medas de unu, siat in bonu e siat in malu Sinònimos e contràrios incionada, incionnu, lúmena, lumenada, nada, nemonada, nomena Ètimu srd. Tradutziones Frantzesu renommée, réputation Ingresu reputation, notoriety Ispagnolu fama, reputación Italianu fama, nóme Tedescu Ruf, Name.

«« Torra a chircare