Legenda Incurtzaduras | Legenda Sìmbulos

afrènta , nf Definitzione genia de ofesa, fintzes disgràtzia, dannu, bisóngiu Sinònimos e contràrios afrontu, aggràbiu, aggrau, alloloju, innóriu, inzenza Frases sento s'afrenta piús de su dannu ◊ cantas penosas afrentas in sa vida! ◊ ndh'at agguantadu e paradu de peleas e afrentas, cussa cristiana!…◊ s’onorèvuli Rosàriu nci at calau is afrentas de s’aversàriu (F.Carlini) 2. no ti la les a crispa pro sas afrentas! ◊ petzi nos bidimus a sas afrentas Ètimu spn. Tradutziones Frantzesu affront Ingresu outrage Ispagnolu afrenta Italianu affrónto Tedescu Schimpf.

afróntu , nm Definitzione cosa chi si narat o chi si faet a disprétziu, a bregúngia de s'àteru, ofendhendho, ofesa manna fata a s'àteru ananti de gente; fintzes solu su parare coràgiu po fàere cosa difícile Sinònimos e contràrios afeu, afrenta, aggràbiu, aggrau, innóriu, inzenza Frases si mi traighet muzere mia non poto cuss'afrontu subbacare! (B.Longu) 2. cumportadi de ómine educau, poite si faes su male trassau ti fatzo afrontu mancari sia piciochedha! Ètimu itl. Tradutziones Frantzesu affront Ingresu insult Ispagnolu afrenta Italianu affrónto Tedescu Schimpf.

cavaníle, cavaníli , nm Definitzione dannu chi faet su bestiàmene in is laores; fachile chi poniant a is cundennaos a morte; dannu mannu, cosa fata a bregúngia / pònnere o fàghere cavanile a unu = fai a bregúngia, a befa Sinònimos e contràrios aggràviu, befa, bergugna, dannu, desdoru, gutipéria, irfàmiu, napile 2. frearzu portat in cara unu cavanile nou 3. ite cavanile, sa domo a porchile mi as fatu! ◊ irrocat che pidore e s'inchietat chi est unu cavanile! ◊ ti faghet birgonza e cavanile a che bogare a babbu tou dae domo! ◊ ite cavanile, cussu at solu istudiadu a fagher male! ◊ a mamma su contone li ant brutau, cada note li ponent cavanile! Ètimu srd. Tradutziones Frantzesu opprobre, injure Ingresu infamy Ispagnolu afrenta, injuria Italianu obbròbrio, infàmia, vitupério Tedescu Schande.

innóriu , nm Definitzione totu su chi si narat o chi si faet a dannu e a bregúngia de s'àteru, cosa dhi leat o podet leare s'onore Sinònimos e contràrios afrenta, afrontu, aggràbiu, aggrau, infamamentu, inzenza / discréditu, disdoru, ilbàntidu, sprannoru, tragàgiu Frases frades carrales no si dant innóriu Ètimu srd. Tradutziones Frantzesu outrage, dérision Ingresu scorn Ispagnolu vilipendio, afrenta Italianu vilipèndio, schérno, detrazióne, diffamazióne Tedescu Hohn, Verleumdung.

iscàranu , nm: iscàrenu, scarnu Definitzione una bregúngia, una befa manna Sinònimos e contràrios allera, arréula, befa, ciacota, cionfra, deleu, dellezu, gutipéria, iséria, mofa, napile, siera Frases cussu bestire est un'iscàranu Ètimu ctl. escarn Tradutziones Frantzesu honte, affront, injure Ingresu humiliation, insult Ispagnolu vergüenza, afrenta Italianu scòrno, vitupèrio Tedescu Schimpf, Beschimpfung.

ofènsa , nf: ofentza, ofesa Definitzione fata o nada mala a dannu de ccn. a tales de si ndhe primmare o dispràxere / campaniare un'o. = circai de si fai perdonai fendi calincuna cosa de bonu, pònniri arrimédiu a un'ofesa Sinònimos e contràrios aggràbiu, lesiadura, tàschilu | ctr. defensa Frases at domandau perdonu a Deus, a pobidha e connada po is ofesas fatas ◊ s'ofesa est menzus a la perdonare! ◊ cantu tui prus perdonas is aggràvius e is ofentzas prus merescis ◊ chi seo brentaghedu, no ndhe tengiais ofesa! Ètimu spn., ctl. Tradutziones Frantzesu offense Ingresu offence Ispagnolu ofensa, afrenta Italianu offésa Tedescu Beleidigung.

«« Torra a chircare