aggobbedhàu , agt Definitzione chi est a gobba, chi portat su giúmburu Sinònimos e contràrios abbajonadu, acorcoedhau, alabatzau, bàdulu, burrugnone, carcangiolu, corcobau, garropu, giumburudu, gobbu, grinci, paligrobedhatzu, rumbosu, tzumbosu Frases fit unu tziedhu betzu, a bàcalu, a taschedha, incucutau e aggobbedhau Ètimu srd. Tradutziones Frantzesu boussu Ingresu humpbacked Ispagnolu jorobado Italianu gòbbo Tedescu buckelig.

agionedhàdu , pps, agt: ajonedhadu Definitzione de agionedhare; chi est giumburudu che agionedha Sinònimos e contràrios abbajonadu, allachedhadu, atortiau | ctr. ladu, ténneru Tradutziones Frantzesu creusé (p.p.), creux (adj.), bossu, tordu Ingresu humpbacked, sunken, crooked Ispagnolu ahuecado Italianu incavato, gòbbo Tedescu ausgehölt, buckelig.

bàdulu , agt: bàtulu, pàdulu* Definitzione chi est a gobba, dortu Sinònimos e contràrios abbajonadu, aggobbedhau, burrugnone, carcangiolu, corcobau, fàlchinu, garropu, giumburudu, gobbu, grinci, paligrobedhatzu, rumbosu, tzumbosu / abbertu, largu Maneras de nàrrere csn: muru bàdulu = muru chi zughet gobba, comente a candho est a punta a ndhe rúere; corra bàdula = corros (de sos boes) abbertos meda e abbassiados a cara a dainanti; cuzolu bàdulu = cuadu Frases custos boes zughent sa corrimenta bàdula ◊ custa crica est bàdula ◊ custu tzapu est bàdulu: cheret cotadu Tradutziones Frantzesu courbe Ingresu bent Ispagnolu curvo, jorobado Italianu curvo, gòbbo Tedescu krumm, gebeugt.

capocínu , nm: capucinu 1, caputzinu Definitzione una genia de anade chi tzérriant deosi ca su mascu portat sa conca agiummai totu bianca Sinònimos e contràrios titillonaxu Terminologia iscientìfica pzn, erismatura leucocephala Ètimu itl. cappuccino Tradutziones Frantzesu érismature à tête blanche Ingresu white head duck (pigeon) Ispagnolu malvasía cabeciblanca Italianu gòbbo rugginóso Tedescu Ruderente.

corcobàu , pps, agt: corcovadu, corcovatu, corcovau, crocovau Definitzione de corcobare; chi est a gobba, aggobbedhau, incrubau, atrotigau Sinònimos e contràrios abbajonadu, aggobbedhau, bàdulu, còrcobe, garropu, giumburudu, gobbu, incorcovedhau, paligrobedhatzu, rumbosu, tzumbosu 2. recuit corcovadu e a sa lena irbautidu dae sa fadiga pro pasare sa pòvera carena! ◊ li ruet dae manos s'ispada, corcovada e priva de lampore Tradutziones Frantzesu voûté, courbé Ingresu bend Ispagnolu corcovado Italianu curvo, gòbbo Tedescu krumm, gebückt.

grínci , agt Definitzione nau de unu, chi est tontatzu, bonu a nudha; chi est cun is palas ingobbedhadas Sinònimos e contràrios ballalloe, balossu, gingiorre, mentzosu, tolondro / aggobbedhau, corcobau, giumburudu, paligrobedhatzu, tzumbosu Tradutziones Frantzesu imbécile, bossu Ingresu hunch-backed, imbecilic Ispagnolu imbécil, jorobado Italianu imbecille, gòbbo Tedescu dumm, buckelig.

paligrobedhàtzu , agt Definitzione chi portat is palas giumburudas Sinònimos e contràrios abbajonadu, aggobbedhau, bàdulu, corcobau, giumburudu, rumbosu, tzumbosu Terminologia iscientìfica zcrn Ètimu srd. Tradutziones Frantzesu bossu Ingresu humpbacked Ispagnolu jorobado, corcovado Italianu gòbbo Tedescu bucklig.

rumbósu , agt Definitzione chi est totu giúmburos, totu rumbas: nau de muru, chi est cedendho, orruendhondhe Sinònimos e contràrios abbajonadu, aggobbedhau, bàdulu, burrugnone, corcobau, giumburudu, tzumbosu Sambenados e Provèrbios smb: Rumbosu Ètimu srd. Tradutziones Frantzesu bossu Ingresu humpbacked Ispagnolu giboso, jorobado Italianu gòbbo Tedescu bucklig, höckerig.

titillonàxu , nm Definitzione una genia de pigione Sinònimos e contràrios capocinu Terminologia iscientìfica pzn, oxyura leucocephala Tradutziones Frantzesu érismature à tête blanche Ingresu white-headed duck Ispagnolu malvasía Italianu gòbbo rugginóso Tedescu Ruderente.

«« Torra a chircare