Ditzionàriu in línia
de sa limba e de sa cultura sarda

abbaticàda , nf: abbatigada Definitzione su abbatigare, su incracare fortzandho de pitzu / dare una a. Sinònimos e contràrios abbatzicadura, arrecracada, cracaxada, incarcada Ètimu srd. Tradutziones Frantzesu pression Ingresu pressure, crush Ispagnolu presión Italianu pressióne, pigiata Tedescu Druck, Drücken.

afíssa , nf Definitzione su afíere / min. afidedha Sinònimos e contràrios aggatada, astrinta, imprentzadura, incalcadura, strecada, supressura, trupiada | ctr. illargada, illascada Maneras de nàrrere csn: àere un'afissa = cosa in contràriu, àere dannu, istrobbu; dare un'a. = fàghere dannu, arruinare a unu, dare banzu Frases dare un'afissa a sos isportinos ◊ a s'ainata si li daet una bella afissa pro ndhe fàghere essire totu su mústiu 2. e chie no ndh'at, de afissas, in sa vida?!…◊ sa maladia li at dadu un'afissa!…◊ bella afissa at àpidu: che li ant furadu su bestiàmine! ◊ li ant dadu cuss'afissa ca istat sempre inchestendhe sa zente! ◊ si mi giogat suta li do un'afissa chi si ndhe ammentat pro cantu durat! Ètimu srd. Tradutziones Frantzesu compression, étreinte Ingresu compression, press Ispagnolu compresión, apretón Italianu compressióne, strétta Tedescu Druck.

aggafiàda , nf Definitzione su cassare e pistare ccn. cosa (es. pódhighe, bestimentu) in mesu de duas àteras Sinònimos e contràrios aggàfiu, giogioi, imprentzadura Ètimu srd. Tradutziones Frantzesu étreinte Ingresu press Ispagnolu apretón Italianu strétta Tedescu Druck.

astrínta , nf Definitzione su astrínghere; dificurtade manna Sinònimos e contràrios afissa, istrinta, supressura / astrintógliu, strintu / apretu Maneras de nàrrere csn: dare un'a. = dare un'afissa; bíderesi un'a. = agatàresi in apretu 2. arratza de astrinta, sa chi si at bidu!… Ètimu srd. Tradutziones Frantzesu étreinte Ingresu grip Ispagnolu apretón, aprieto Italianu strétta Tedescu Druck.

imprènta , nf Definitzione genia de marcu o singiale chi abbarrat ponendho calecuna cosa mescamente a incracadura; machinàrios e istabbilimentu po iscríere líbberos, giornales e àteru e fintzes s'iscritura de òperas a machinàriu / s'i. de sa muneda = zenia de mógliu pro imprentare dinari Sinònimos e contràrios arrastu, sémida / assempru, assimitzu, bisura / istamperia Frases preparo un'abbarzu cun s'intentu de dare a sa natura s'imprenta de sas manos mias ◊ at lassadu s'imprenta de su pè 2. isse cheriat assemitzare a sos cusinos e chircaiat de si dare imprentas e maneras de ómine vonu ◊ già giuches imprentas vonas!… 3. no eus pótziu passai a s'imprenta totus cudhas òperas dignas de èssiri pubblicadas Ètimu spn. emprenta Tradutziones Frantzesu empreinte, frappe, cachet, typographie Ingresu imprint, mint mark, seal, printing works Ispagnolu huella, imprenta, cuño Italianu imprónta, cònio, sigillo, tipografìa, stampa Tedescu Abdruck, Prägestempel, Siegel, Druckerei, Druck.

incalcadúra , nf Definitzione su incracare; giúmburu fatu incracandho forte Sinònimos e contràrios abbaticada, arricracada, incracada / abbugnadura, abburrutonada, ammaciugadura, buglione, burrugnone, ciumbone, tzulumbone / cdh. incalcatura Ètimu srd. Tradutziones Frantzesu compression, bosse Ingresu compression, dent Ispagnolu compresión, abolladura Italianu compressióne, ammaccatura Tedescu Druck, Beule.

incarcàda , nf: incracada Definitzione su incracare Sinònimos e contràrios abbaticada, arricracada, cracaxada, prémida Ètimu srd. Tradutziones Frantzesu compression Ingresu compression Ispagnolu compresión Italianu compressióne Tedescu Druck.

préntios, prèntos , nm pl: prentus Definitzione genia de isfortzu o istrinta de sa brente, ispinta de aintru chi benit fatuvatu desesi po andhare de su corpus candho unu est a iscurrentziadura e fintzes totu impare a dolore a bentre, coment'e a puntas; dhu narant fintzes po is istentinas, is longus Sinònimos e contràrios conos, iscussinos, isprémidos, prémidas, puntas / longus Frases est a prentos de dolore de mata ◊ torra allodhus is prentus cun ràfigas de bentu, súrbius e iscupetadas, iscórrius e isciarrocadas!◊ m'est pigau a prentus, bai e iscí si est po su chi apu papau! 2. is prentus dhus bendint in macellu Ètimu srd. Tradutziones Frantzesu épreintes Ingresu contractions Ispagnolu tenesmo, pujo Italianu prèmiti Tedescu Druck.

pressiòne, pressiòni , nf Definitzione pesu o fortza chi si faet apitzu o a betu contràriu de calecuna cosa / p. atomosférica = su pesu de s'ària; falare sa p. (de su sàmbene)= essire o èssere bàscia Frases bufade, bufade, chi boche àrtziat unu pagu sa pressione! ◊ che li est falada sa pressione azummai no si reziat ritzu Tradutziones Frantzesu pression Ingresu pression Ispagnolu presión Italianu pressióne Tedescu Druck.