A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

agiupàre , vrb Synonyms e antonyms agiuponare.

agiuponàre , vrb Definition bestire o abbutonare su giupone Synonyms e antonyms agiupare Etymon srd.

agiurài agiadài

agiuramentàdu , agt, nm: azuramentadu Definition chi o chie giurat su frassu Synonyms e antonyms addistimonzadu, giuradore, giurafalsu, irgiuramentadu, libbrone, zuramentone Etymon srd. Translations French parjure English perjured Spanish perjuro Italian spergiuro German meineidig.

agiuramentàre , vrb: azuramentare Definition giurare su frassu, fàere o nàrrere su contràriu de su chi s'est giurau Synonyms e antonyms isgiuramentare, ispreurare Sentences si sunt agiuramentados Etymon srd. Translations French se parjurer English to perjure oneself Spanish perjurar Italian spergiurare German falsch schwören.

agiúru agiúdu

agiustàda , nf: azustada Definition su agiustare; genia de cuntratu de fàere unu trebballu po unu tanti / fàghere un'a. = comporare a sa russa Synonyms e antonyms adderetada, istagilu, scarada Etymon srd. Translations French travail à la pièce (aux pièces) English job contract Spanish destajo Italian còttimo German Akkordarbeit.

agiustadòre , nm Definition medianeri, chie buscat o faet cuntratos po trebballos a s'agiustu Synonyms e antonyms medianeri Etymon srd.

agiustadúra , nf: azustadura Definition su azustare Synonyms e antonyms adderetada Etymon srd.

agiustài , vrb: agiustare, azustare Definition fàere giustu, pònnere o fàere bene, méngius, una cosa, pònnere de acórdiu, adatare una cosa a un'àtera; cuncordare sa paga de unu trebballu; rfl. parare fronte a una dificurtade comente si podet: a logos, nau de is frutos e laores, lòmpere de èssere a puntu giustu po papare o arregòllere Synonyms e antonyms achidare 1, acodomai, aconciai, adaretzai, adecuare, agghitire, arragnare, assantai, assetiai Idioms csn: agiustai sa coja = dare sa peràula, fàghere s'asseguronzu; agiustai cun su maistu de linna = ammanitzàresi a mòrrere Sentences azusta cussa cosa ca ndh'est ruindhe! ◊ bazi, za mi azusto mancari a sa sola! ◊ si nos azustamus in su prétziu ti la còmporo deo sa cosa! 2. coment'eis agiustau, meda ti donat su meri tuu? ◊ chi agiustaus, cust'annu torraus a tenni predicadori de lussu! (A.Garau)◊ agiustant po fai e po trigu ◊ beni a teraca po su chi amus agiustadu! 3. s'àgina non fut galu agiustada e no ndhe apo bodhiu Etymon srd. Translations French ajuster English to mend Spanish ajustar, arreglar Italian aggiustare German justieren.

agiustaméntu , nm Definition su agiustai / a. de coja = asseguronzu Synonyms e antonyms agiustadura, agiustu Etymon srd.

agiustàre agiustài

agiustàu , pps, nm Definition de agiustai; foedhandho de trebballu, sa paga cuncordada Synonyms e antonyms paca 2. s'agiustau est doxi mois de trigu.

agiustèra , nf Definition su si pònnere de acórdiu po calecuna diferéntzia Synonyms e antonyms agiustamentu, agiustu Etymon srd. Translations French accord, arrangement English to settle a quarrel Spanish arreglo, avenencia Italian accomodaménto di divergènze, accòrdo German Vergleich.

agiústu , nm: azustu Definition su agiustare; genia de cuntratu, de acórdiu Synonyms e antonyms acódriu, agiustamentu, agiustera, convéniu Idioms csn: leare o fàghere a s'agiustu = leare a iscarada; ómines de azustu = cussos chi períssiant carchi cosa pro istabbilire un'iscàmbiu, un'acordu 2. s'agiustu chi tenia cun cudhu dhu torru a fai cun tui ◊ si picant su messonzu a s'azustu ◊ candu femu acordau, po agiustu babbu cun su meri istabbiliat ca mi depiat mandai a domu una borta a sa cida ◊ tratant is agiustus e cuncordant su de fai Etymon srd. Translations French accord, convention English convention, agreement Spanish acuerdo Italian accòrdo, convenzióne German Übereinstimmung, Übereinkommen.

agiutóriu agitóriu!

agiutulàre agiotulàre 1

agiuventàre , vrb: azuventare Definition giare azuventu, agiudu, cambiare in méngius, ispínghere coment'e po fàere pigare su bólidu Synonyms e antonyms agiadai, ajuai, atuai, atzumentare / abboniare, ammellorai Sentences s'ómine, si est ómine, si picat su chi li benit, ma acatat sèmpere sa manera de si azuventare ◊ li at azuventau unu sacu a codhu ◊ su risu ammajaditu mi azuventat sos brios 2. zente atacada a terra, apustis de unu prioratu si est azuventada ◊ sos crapitos si poniant a súghere e candho si ndhe fint azuventaos si torrabant a pònnere in sos ediles ◊ po si azuventare in sas iscalas de sos ricos de Londra si fut postu in conca de cuare s'identidade sua.

àglia , nf: alza, àrgia, arza, arxa, àrxara Definition àrgia ispitzuladora o arza pinta, bobboi malu, arangiolu velenosu chi candho móssigat dolet meda e a tempus longu chi unu agiummai s’imbortighinat: cust'arangiolu faet su niu in terra, in mesu de s'erba, est iscuriosu de colore, portat tréighi marchighedhos orrúbios in sa parte de sa bentre (a parte de pitzu); in calecunu logu su matessi númene dhu narant a una genia de frommiga velenosa ma chi no faet deasi male; a logos narant àrgia a dónnia arangiolu e sa velenosa est ispitzuladora / s'àrgia est de tres arratzas: bagadia (froria, colore de orrosa), cojada (orrúbia), fiuda (niedha) Synonyms e antonyms acuasantera 1, assàrgia, bàrgia* Idioms csn: fàghere su ballu de s'arza a unu = fai su ballu pro unu chi dh'at ispitzuau s'àrgia; èssere ferenau che un'àrgia = crependhe de su fele Sentences arza niedha pinta fatesit fizos trinta ◊ mossu de arza, tocu de campana! ◊ s'est sadhiu pariat chi dh'iat puntu s'àrgia ◊ su spítzulu de s'àrgia fait bènni iscimíngius de conca ◊ sa puntura de s'àrgia mascu dolet de prus 2. su ballu de s'arza chi ti fetant! ◊ zai ses maseda… paret chi ti at mossigadu un'arza de ballos! Scientific Terminology crp, latrodectus tredecim-guttatus, myrmilla erythrocephala Translations French veuve noire méditerranéenne English Mediterranean black widow Spanish araña sangrienta, viuda negra europea Italian malmignatta German Mediterrane Schwarze Witwe.

agliagài , vrb: (a-gli-a-ga-i) alliagai gliagai*, liagai Definition fàere a freaduras, totu a liagas Synonyms e antonyms apiagare, apragastare, friai 2. dh'at fata flagellai ispollada po chi su corpus siat alliagau Translations French blesser, ulcérer English to wound, to ulcerate Spanish llagar, ulcerar Italian piagare, ulcerare German verwunden, ein Geschwür erzeugen in.