A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

arropàda , nf Definition su arropare Synonyms e antonyms addobbada, atripada, isciuta Etymon srd.

arropadòre, arropadòri , agt, nm Definition chi o chie costumat a atripare, a iscúdere Synonyms e antonyms iscudidore, zubbadori Etymon srd. Translations French cogneur English beater Spanish matón Italian picchiatóre German Schläger.

arropadúra , nf Definition su arropare, su iscúdere, fèrrere; is cropos chi si giaent, puru Synonyms e antonyms arropamentu, iscudidura / colpu, dobbe Sentences is certus e is arropaduras dèu dhus agatamu totus! Etymon srd.

arropài , vrb: arropare, orropai Definition giare cropos, surra / a. su ferru callenti in s'ancódina = mazare, triballare a martedhu Synonyms e antonyms abbanzare, aciociai, acorpai, addobbai, assurrare, atripai, cardare, carrubbare, isciúdere, magiare, sussare Sentences dh'at arropau a zirónia ◊ ant certau e si funt arropaus puru ◊ a su piciochedhu dh’at amaletzau de dh’arropai 2. toroju de puzones arropat su coro e su bentu sighit a alenare (G.Orgolesu) Translations French frapper, battre English to beat Spanish golpear, batir Italian picchiare, percuòtere German schlagen.

arropaméntu , nm Definition su arropare Synonyms e antonyms arropadura Etymon srd.

arropapanéri , nm Definition nau a befa, dutore malu, improdheri Etymon srd. Translations French mauvais médecin English bad doctor Spanish medicucho Italian medicónzolo German schlechter Arzt.

arropàre arropài

arrópu , nm: orropu Definition su arropare, is cropos chi si giaent iscudendho Synonyms e antonyms addobbu, banzu, dobbe, piritzofu Idioms csn: èssiri de a. (ómine, fémina de a.) = èssere de agguantu; fai arropu = in pischera, corpare a costazos de sas barcas, o fintzas subra de s'abba, pro che catzare su pische a un'ala 2. cussa est fémina sana, fémina de arropu Etymon srd.

arròra arròda

arrorànti arrodiànti

arròre, arròri , nm: orrore Definition male o dannu mannu, de tímere meda, ma nau agiummai solu coment'e una genia de frastimu, o a ispantu, a iscàndhalu / un'arrore de… = cantidade manna de… Synonyms e antonyms acíchidu, asciuconu, assàrtiu, assúmbridu, assústidu, ilgiru, isprama / arroria, dannu, dispiaghere, male Sentences arrori mannu tengat! arrori dhu cundat! arrori dhi calit! ◊ ancu tengat arrori: est unu furriotu de píbiri, cust'ómini! ◊ ite dispiaghere… at dadu arrore a totu ca est mortu su mere! ◊ drommi, fiore meu: mai tenzas arrore! 2. arrorixedhu, gei est nudha!…◊ it'arrore, Deus meu! ◊ allà un'arrori!… it'arrori!… labai it'arrori!… ◊ ohi, it'arrore, a inue mi che sezis leandhe!…◊ ohi, ite arrore, ite fàula mala! 3. tenet tantu arrore de linu ancora imballonadu Etymon ltn. horrore(m) Translations French horreur English horror Spanish horror Italian orróre German Schauder.

arroría , nf Synonyms e antonyms arrore, dannu Sentences istramu, setzidí ingunis, no fatzas arrorias! ◊ custu tempus est fendi arrorias Etymon srd.

arroriài , vrb Definition fàere arrores, dannu meda Synonyms e antonyms danneficai, destrui Sentences custu bentu est arroriendi su logu (S.D'Arco) Etymon srd.

arrorisài , vrb: orrorisai Definition fàere a tímere a meda Synonyms e antonyms asciustrare, aterrighinare, ilgirare, ispantamare, ispramai, ispreare, istrementire, isturdinare Etymon srd. Translations French terroriser English to terrorize Spanish horrorizar Italian terrorizzare German entsetzen.

arrorósu , agt: errorosu, orrorosu* Definition chi faet a tímere meda Synonyms e antonyms atudhosu, iscaramentosu, isprammosu, istremorosu, istremutu, treméntili.

arròsa , nf: orrosa, rosa* Definition genia de linna ispinosa agiummai che a s’orruo (est una calidade), a tupighedha, chi si prantat e faet unu frore pretziau meda po sa bisura e po su fragu; calidade de àghina (triga, rosa); su granu de su trigumoriscu crepau orrostindho; in cobertantza, e po delicadesa, si narat de una giovonedha bella, galana, a sa fémina istimada; nau de colore, unu pagu orrúbiu, craru Idioms csn: butoni de a. = su frore innantis de si abbèrrere; a. burda = rosa canina o aresti, rú cràbinu; a. de monti, o de margiani, de padenti = "Paeonia officinalis"; a. de porcu, pisciagani, putzinosa = atandha, papaule Sentences custa est un'arrosa centuvollas ◊ cantu arrosixedhas sentza de sbutonai iscavuadas in su ludu! 4. issa no est prus unu butoni de arrosa, immoi, ma un'arrosa ispannada! 5. sa domu est colori de arrosa Scientific Terminology frs Translations French rose English rose Spanish rosa Italian ròsa German Rose.

arròsa 1 , nf: rosa 1 Definition maladia apicigosa chi leat prus che àteru a is piciochedhos e faet a essiduras orrúbias de cara a totu sa carena, e a callentura Synonyms e antonyms ociada, orrosedhu, pigone, rusete, russeta Sentences lah ca po tui puru est tempus de fai cosa… s'arrosa ti essat! ◊ s'arrosa cun su pigoni mascu dhi essat!

arrosabbúrda , nf Definition una calidade de orruo, chi a logos narant rú cràbinu Synonyms e antonyms arrolàriu, badherinu, fusighitu, pibirillò, rosagadhina, rosagràbina, tutussi Scientific Terminology mt, Rosa canina.

arrosabiónica , nf Definition arrosa de coca, de margiani, de padenti, de monti, o ungra, franca de tzurruliu: una genia de erba, in montes, chi faet su frore coment'e un'orrosa Synonyms e antonyms peónica, rosabeónia Scientific Terminology frs, Paeonia officinalis Translations French pivoine English peony Spanish peonía Italian peònia German Pfingstrose.

arrosàda , nf Definition selentu mascinu, s'úmidu de su note chi si pasat arregortu a istidhighedhos in sa cosa Synonyms e antonyms arrosu, saurra, serenu Sentences e ita aspetat, chi cabit s'arrosada? ◊ no proit e mancu arrosada fait Etymon ctl. rosada.