A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

brujòre , nm: abbrugiore, brusiore, brusore, bruxore, bruxori Definition coment'e cosa abbruxandho, chi ispirtit, siat ca dhue at fogu o fintzes ca, nau de cosa chi si papat o si bufat, in s'istògomo faet efetu chi giaet cuss'idea; in cobertantza, su diàulu Synonyms e antonyms budhiorza, bruju 1, pissiori, spultori / bundhone, diàbulu Idioms csn: b. de coro, de istògomo = coràssiu, zenia de efetu chi faghent cosas chi si mànigant o chi si bufant a chie sufrit a s'istògomo, o fintzas candho si ndhe mànigat o bufat a tropu; su cobadhu de brusore = su cabadhu de su diàulu (su parapunta o, pro àtere, sa sennoredha segadidus o secapedes) Sentences custa cosa est che a su ratinzu: piús ratas e piús as mandhighinzu e piús ti s'airat su brujore ◊ su binu mi est faghindhe a brujore a s'istògomo 2. sa saba mi at fatu a brusiore de coro Etymon srd. Translations French brûlure English burning Spanish ardor Italian brucióre German Brennen.

brujósu , agt Definition chi abbruxat, chi est coment'e fogu, chi dispraxet meda 2. li est brujosa, no crujat sa ferida ch'iscaminadu l'at in su deretu (F.Murtinu) Etymon srd. Translations French brûlant English burning Spanish quemante Italian bruciante German brennend.

brúju , nm Synonyms e antonyms brúsciu, maghiàgliu.

brúju 1 , nm Definition su abbruxare, cosa abbruxada; fintzes una genia de ispédhiu, de disígiu, de pistighíngiu Synonyms e antonyms brujore, brusiamentu / furighedha, schinitzu Idioms csn: fiagu de b. = fragu de cosa brusiada o brusiendhe; b. de coro = ispédhiu, disígiu mannu Sentences ses tucadu ca patias de bruju de coro pro sa domo de babbu tuo (N.Rubanu) 2. non mofas a nedhuve… o bruju tenes? ◊ como giai che lis at a passare su bruju, cojuvàndhesi! Etymon srd.

brúlla brúglia

brulladòre , nm Definition chie brullat, chie istat a brullas Synonyms e antonyms brullanu Scientific Terminology ntl Etymon srd.

brulladoría , nf Definition brulla, su brullare, su istare a brullas, su pigare sa cosa unu pagu brullandho po no dha fàere prus grave de su chi est Etymon srd.

brullagiólu , agt, nm: brullajolu Definition chi o chie brullat, chie istat a brullas (o cosa fata po brullare, de brulla) Synonyms e antonyms brullanu, brulleri, ciascheri / cdh. burruladori Etymon srd.

brullài brugliàre

brullajólu brullagiólu

brullànchinu , agt, nm Synonyms e antonyms brullanu.

brullànu , agt, nm: buglianu Definition chi est brulladore, chi o chie istat a brullas, faendho erríere Synonyms e antonyms anfaneri, bagliúgulu, brullagiolu, brulleri, brullosu, bugliante, buglista, ciascheri, cionfraderi / cdh. burruladori Sentences Tiu Mundhedhu fut brullanu e praghillosu Scientific Terminology ntl Etymon srd. Translations French farceur English teaser Spanish burlón, bromista Italian burlóne German spaßig, Spaßvogel.

brullàre, brullàri brugliàre

brullaría , nf Synonyms e antonyms brúglia, ciasca, coglionella Sentences at ispiegadu sa cosa mesu in seriedade e mesu in brullaria Etymon srd.

brulléri , agt, nm: buruleri Definition chi o chie istat sèmpere naendho o faendho brullas Synonyms e antonyms anfaneri, bagliúgulu, brullanu, brullosu, buglista, cinfroaderi Sentences cussu fit brulleri e robba de furca! ◊ candho si capitat in cumpannia est peri brulleri e befajolu Scientific Terminology ntl Etymon srd.

brullèta , nf Definition min. de brulla Synonyms e antonyms brullichedha, brullita.

brulletàre , vrb: buglitare, brullitare Definition istare a brullas, fàere brullas Synonyms e antonyms brugliare, brullutzare Sentences tantu de la disilviare, tenteit de la buglitare ◊ cun issu brullitiant meda ca fit brullanu e geniosu Etymon srd.

brulletéri , agt, nm Synonyms e antonyms brulleri Etymon srd.

brullichèdha , nf Definition min. de brulla Synonyms e antonyms brulleta, buglita.

brulligàre , vrb Definition mòvere, sidhire, nau cun nega Sentences su dutore li faghet un'innessione, ma sa pisedha non si brúlligat pro nudha, paret morta.