A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

batiài , vrb: batiare, batigiare, batijare, batisai, batisare, batisciare, batisiare, batixae, batixare, batizare, betiai Definition in sa religione cristiana, giare su sacramentu de su batísimu a unu; intebidare s'abba frida po bufare; batisare est fintzes nm. Synonyms e antonyms isbatijare / intebiai Sentences Cristos e Santu Giuanne si sunt batixados paribari ◊ a s'ora de batigiare, leant su pupitu e si aviant a chéjia ◊ mi so pessatu: Lu bàtijo e a númene li pontzo "Fulanu" ◊ sa criatura l'apo a batisciare in sa gapella de santu Giacu ◊ prus che "batizare" naramus "batiare"◊ como bàtiant is pipios faendho sa missa 2. no bufis mai àcua tropu frida: batiadha, innantis! 3. be fachent batisares, cojuvios e àteras festas ◊ in bidha vi naschiant tantos pitzinnos e gasi si fachiant tantos batisciares Etymon ltn. baptizare Translations French baptiser English to baptize Spanish bautizar Italian battezzare German taufen.

batiàle , nm: batiare 1, batiari, betiali, vatiari Definition su batiamentu, su batiare, sa funtzione de giare su batísimu; cosa (dinare, caramellas) chi is nonnos betant o giaent a is piciochedhos chi atóbiant a su batiare / su b. in conca e sa bussa in buciaca = andhat bene a bi àere s'ozusantu, cun ccn., ma a dare dinari no meda Synonyms e antonyms batígiamu, batióngiu, batísiu, bàtiu Sentences batiari asciutu, busciaca istampada! ◊ issu bi at cantadu in isposos e in batiares ◊ is nonnos de batiare faiant istrinas a chie ingolliat su pipiu a crésia ◊ a is pipios dhos portiant prima de is oto dies a fae su batiale (E.Madeddu)◊ sa die de su batiale antighedempus no prandhiant o cheniant impare coment'e oe Scientific Terminology sntz Etymon srd. Translations French baptème English baptism Spanish bautismo Italian battésimo German Taufe.

batiaméntu , nm Definition su batiare Synonyms e antonyms batiale Scientific Terminology prdc Etymon srd.

batiàre batiài

batiàre 1, batiàri batiàle

batiàtu , pps, agt, nm: batiau, batizadu Definition de batiare; chi o chie at arreciu su batísimu cristianu: si narat fintzes in su sensu de sacru, sagrau 2. no fachiat a bi colare nen cristianu batiatu e nen cane mortu e impicatu ◊ portaus ollusantu batiau.

batiàtu 1 batiàdu

batibàlu , nm Definition aina po cravare calecunu puntedhu o àteru in terra a acropadura Scientific Terminology ans Etymon srd.

bàtibi , nm: bàtile, bàtili Definition pígiu grussu de orrobba modhe chi si ponet a s'animale asuta de sa sedha, fintzes asuta de su giuale (a s'àinu de mola, in gatzile); istràciu béciu o cosa imbrutada e lègia che unu bàtile e fintzes su panneananti (fardita) chi si ponet a is mascos brebeghinos Synonyms e antonyms tramatzeta / cdh. bàtulu Idioms csn: fàgheresi a bàtile = nadu de cosa modhe chi si falat a pizu russu e tostu (lana, pilos, àteru); pònnere sos bàtiles a unu = pònnere sos corros (cun d-una parente); betare sos bàtiles a unu = incurpàrelu de carchi cosa; mòrrere a bàtiles = a cedhas, in medas, a trumas; ghetàresi su b. = imbrutàresi in su sensu de si leare sa responsabbilidade de fàghere cosa chi no piaghet Sentences apo sétzidu s'acheta sentza bàtile e ne sedha ◊ su bàtili de s'arresi ◊ ge ndi eis postu de bàtibis a trotu e a travessu!…◊ cussa bestimenta dèu dha pongu po bàtili a burrincu! 2. su bàtile de pretzebbos seculare est zusta s'ora de nos lu catzare! ◊ zughet sos pilos a unu bàtile, chentza si los samunare mai! ◊ fit imbussulatu in cudhu bàtile comporatu pro sa cumbénia de su preju baratu 3. in sas trintzeras sos zòvanos fint morindhe a bàtiles 4. ses tui su chi as traíxiu e bolis detai is bàtilis a is àturus! Etymon ltn. quactile Translations French tapis, coussin pour selle English undersaddle rug Spanish sudadero Italian tappetino sottosèlla German Woilach.

batibíngiu , nm Definition bestimentu béciu o totu andhau male Synonyms e antonyms istratzia 1 Etymon srd.

batibòrta , nm Definition genia de serru comente s'intrat in is crésias Etymon ctl. batiport Translations French narthex, vestibule English hall Spanish contrapuerta, cancel Italian antipòrta German Vortür.

bàtica , nf: abbàtica, vàtica Definition abbasciamentu in su terrenu, fossu in is errios mannos; terrenu in paris, de ortu, postu a melone Synonyms e antonyms cavora, isca, oltu / fògia 1, pógiu, trógliu Sentences no ti arrisches piús, mira: sinono ti che interro isconcadu in sas bàtigas de su Riu Mannu!◊ frade meu est in su trainu sétzidu in s'oru de sa bàtiga, piscandhe a lentza Scientific Terminology slg Etymon ltn. aquatica.

baticogliài, baticollài, baticollàre batacollàre

baticollósu , agt Definition chi o chie faet bacanu Synonyms e antonyms baraundheri, burdellosu, carraxeri Sentences innoghe si podet istare chena istrobbu de pitzinnos inzogatzaos e baticollosos ◊ istudachedhu cussu motore baticollosu! Etymon srd.

baticóllu , nm: batigollu Definition nau de persona, pegus malu, totu andhau male; matratamentu; a logos, boghes, baraundha a tropu, bacanu; faghevaghe, pelea Synonyms e antonyms abbasatu, zigotu / cumbata, matana 4. soe galu a batigollu chircandhe de sarvare custa cosa! Translations French casse-cou English daredevil Spanish desconsiderado Italian rompicòllo German Wagehals.

baticórru , nm: batigorru Definition becu a bàtoro corros; genia de tzintzigorru de mare; su dimóniu 2. su baticorru chi s'at fatu!… Scientific Terminology crp Etymon srd.

baticullàre batacollàre

baticúlu , nm Definition de una giacheta, su tretu chi ammontat is lumbos, is nàdigas, su tretu de is coedhas, su prus bàsciu.

bàtida , nf, nm: bàtidu Definition cropu, cropighedhu, mescamente su chi faet su coro Synonyms e antonyms atzàpidu, tàbbida, tochédhidu Etymon srd. Translations French battement English heartbeat Spanish latido Italian bàttito German Schlag.

batidòre, batidòri , nm Definition chi o chie cropat, faendho calecunu trebballu; màchina manna, iscavadore, chi portat sa punta po segare s'orroca; in sa trébbia, donniunu de is màgios chi pistant sa canna de su laore po ndhe iscutulare su granu; genia de lóriga po tocare in is portales; in cassa, chi o chie trubbat o faet essire sa fera Synonyms e antonyms trubbadore / tocadori 3. a su tochedhu sicu de su batidore at rispostu una boche dae intro 4. inue acanait intronante su batidore, su crabalzu rude, oe bi mériat sa zente che in logu de ispassu 5. a Mariedha Cortis dh'at bocia su batidori, ca dh'iant posta a piciochedha a iscapai is mànigas e nci fiat arruta aintru Translations French batteur English hitter Spanish batidor, trillador Italian battitóre German Schläger.