A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

batiài , vrb: batiare, batigiare, batijare, batisai, batisare, batisciare, batisiare, batixae, batixare, batizare, betiai Definizione in sa religione cristiana, giare su sacramentu de su batísimu a unu; intebidare s'abba frida po bufare; batisare est fintzes nm. Sinonimi e contrari isbatijare / intebiai Frasi Cristos e Santu Giuanne si sunt batixados paribari ◊ a s'ora de batigiare, leant su pupitu e si aviant a chéjia ◊ mi so pessatu: Lu bàtijo e a númene li pontzo "Fulanu" ◊ sa criatura l'apo a batisciare in sa gapella de santu Giacu ◊ prus che "batizare" naramus "batiare"◊ como bàtiant is pipios faendho sa missa 2. no bufis mai àcua tropu frida: batiadha, innantis! 3. be fachent batisares, cojuvios e àteras festas ◊ in bidha vi naschiant tantos pitzinnos e gasi si fachiant tantos batisciares Etimo ltn. baptizare Traduzioni Francese baptiser Inglese to baptize Spagnolo bautizar Italiano battezzare Tedesco taufen.

batiàle , nm: batiare 1, batiari, betiali, vatiari Definizione su batiamentu, su batiare, sa funtzione de giare su batísimu; cosa (dinare, caramellas) chi is nonnos betant o giaent a is piciochedhos chi atóbiant a su batiare / su b. in conca e sa bussa in buciaca = andhat bene a bi àere s'ozusantu, cun ccn., ma a dare dinari no meda Sinonimi e contrari batígiamu, batióngiu, batísiu, bàtiu Frasi batiari asciutu, busciaca istampada! ◊ issu bi at cantadu in isposos e in batiares ◊ is nonnos de batiare faiant istrinas a chie ingolliat su pipiu a crésia ◊ a is pipios dhos portiant prima de is oto dies a fae su batiale (E.Madeddu)◊ sa die de su batiale antighedempus no prandhiant o cheniant impare coment'e oe Terminologia scientifica sntz Etimo srd. Traduzioni Francese baptème Inglese baptism Spagnolo bautismo Italiano battésimo Tedesco Taufe.

batiaméntu , nm Definizione su batiare Sinonimi e contrari batiale Terminologia scientifica prdc Etimo srd.

batiàre batiài

batiàre 1, batiàri batiàle

batiàtu , pps, agt, nm: batiau, batizadu Definizione de batiare; chi o chie at arreciu su batísimu cristianu: si narat fintzes in su sensu de sacru, sagrau 2. no fachiat a bi colare nen cristianu batiatu e nen cane mortu e impicatu ◊ portaus ollusantu batiau.

batiàtu 1 batiàdu

batibàlu , nm Definizione aina po cravare calecunu puntedhu o àteru in terra a acropadura Terminologia scientifica ans Etimo srd.

bàtibi , nm: bàtile, bàtili Definizione pígiu grussu de orrobba modhe chi si ponet a s'animale asuta de sa sedha, fintzes asuta de su giuale (a s'àinu de mola, in gatzile); istràciu béciu o cosa imbrutada e lègia che unu bàtile e fintzes su panneananti (fardita) chi si ponet a is mascos brebeghinos Sinonimi e contrari tramatzeta / cdh. bàtulu Modi di dire csn: fàgheresi a bàtile = nadu de cosa modhe chi si falat a pizu russu e tostu (lana, pilos, àteru); pònnere sos bàtiles a unu = pònnere sos corros (cun d-una parente); betare sos bàtiles a unu = incurpàrelu de carchi cosa; mòrrere a bàtiles = a cedhas, in medas, a trumas; ghetàresi su b. = imbrutàresi in su sensu de si leare sa responsabbilidade de fàghere cosa chi no piaghet Frasi apo sétzidu s'acheta sentza bàtile e ne sedha ◊ su bàtili de s'arresi ◊ ge ndi eis postu de bàtibis a trotu e a travessu!…◊ cussa bestimenta dèu dha pongu po bàtili a burrincu! 2. su bàtile de pretzebbos seculare est zusta s'ora de nos lu catzare! ◊ zughet sos pilos a unu bàtile, chentza si los samunare mai! ◊ fit imbussulatu in cudhu bàtile comporatu pro sa cumbénia de su preju baratu 3. in sas trintzeras sos zòvanos fint morindhe a bàtiles 4. ses tui su chi as traíxiu e bolis detai is bàtilis a is àturus! Etimo ltn. quactile Traduzioni Francese tapis, coussin pour selle Inglese undersaddle rug Spagnolo sudadero Italiano tappetino sottosèlla Tedesco Woilach.

batibíngiu , nm Definizione bestimentu béciu o totu andhau male Sinonimi e contrari istratzia 1 Etimo srd.

batibòrta , nm Definizione genia de serru comente s'intrat in is crésias Etimo ctl. batiport Traduzioni Francese narthex, vestibule Inglese hall Spagnolo contrapuerta, cancel Italiano antipòrta Tedesco Vortür.

bàtica , nf: abbàtica, vàtica Definizione abbasciamentu in su terrenu, fossu in is errios mannos; terrenu in paris, de ortu, postu a melone Sinonimi e contrari cavora, isca, oltu / fògia 1, pógiu, trógliu Frasi no ti arrisches piús, mira: sinono ti che interro isconcadu in sas bàtigas de su Riu Mannu!◊ frade meu est in su trainu sétzidu in s'oru de sa bàtiga, piscandhe a lentza Terminologia scientifica slg Etimo ltn. aquatica.

baticogliài, baticollài, baticollàre batacollàre

baticollósu , agt Definizione chi o chie faet bacanu Sinonimi e contrari baraundheri, burdellosu, carraxeri Frasi innoghe si podet istare chena istrobbu de pitzinnos inzogatzaos e baticollosos ◊ istudachedhu cussu motore baticollosu! Etimo srd.

baticóllu , nm: batigollu Definizione nau de persona, pegus malu, totu andhau male; matratamentu; a logos, boghes, baraundha a tropu, bacanu; faghevaghe, pelea Sinonimi e contrari abbasatu, zigotu / cumbata, matana 4. soe galu a batigollu chircandhe de sarvare custa cosa! Traduzioni Francese casse-cou Inglese daredevil Spagnolo desconsiderado Italiano rompicòllo Tedesco Wagehals.

baticórru , nm: batigorru Definizione becu a bàtoro corros; genia de tzintzigorru de mare; su dimóniu 2. su baticorru chi s'at fatu!… Terminologia scientifica crp Etimo srd.

baticullàre batacollàre

baticúlu , nm Definizione de una giacheta, su tretu chi ammontat is lumbos, is nàdigas, su tretu de is coedhas, su prus bàsciu.

bàtida , nf, nm: bàtidu Definizione cropu, cropighedhu, mescamente su chi faet su coro Sinonimi e contrari atzàpidu, tàbbida, tochédhidu Etimo srd. Traduzioni Francese battement Inglese heartbeat Spagnolo latido Italiano bàttito Tedesco Schlag.

batidòre, batidòri , nm Definizione chi o chie cropat, faendho calecunu trebballu; màchina manna, iscavadore, chi portat sa punta po segare s'orroca; in sa trébbia, donniunu de is màgios chi pistant sa canna de su laore po ndhe iscutulare su granu; genia de lóriga po tocare in is portales; in cassa, chi o chie trubbat o faet essire sa fera Sinonimi e contrari trubbadore / tocadori 3. a su tochedhu sicu de su batidore at rispostu una boche dae intro 4. inue acanait intronante su batidore, su crabalzu rude, oe bi mériat sa zente che in logu de ispassu 5. a Mariedha Cortis dh'at bocia su batidori, ca dh'iant posta a piciochedha a iscapai is mànigas e nci fiat arruta aintru Traduzioni Francese batteur Inglese hitter Spagnolo batidor, trillador Italiano battitóre Tedesco Schläger.