A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

batasàrru baltassàrru

batàta , nf Definizione patata americana, genia de patata, prus manna, prus druche e prus tostada de s'àtera (a./c. est "patata americana" fintzes sa Heliantus tuberosus, o napu tamburru, ma no est sa matessi cosa de sa Ipomoea batatas) Sinonimi e contrari tuveraitana Terminologia scientifica rbzc, Helianthus tuberosus, Ipomoea batatas Traduzioni Francese patate (douce) Inglese sweet potato Spagnolo patata dulce, boniato Italiano patata dólce Tedesco Batate, Süßkartoffel, Knollenwinde.

batavéllu , nm Definizione genia de arretza po piscare ambidha Terminologia scientifica pscd.

batàza batàglia

batazàre , vrb: abbatazare Definizione istare a gherra, a matana, fintzes giare ifadu Sinonimi e contrari batacollare, cumbatare / batallai Frasi est mortu e biutu, batazendhe sos males ◊ s'àinu chi tenia fit mossigajolu, no lu podia prus batazare ◊ bois batazaizis pro sa bentre die e note ◊ sa bistrale at batazadu tres dies po ndhe segare s'àrbure Etimo srd.

batàzu batàgliu

batellàda , nf Definizione su tanti chi podet pigare unu bateu; cosa meda Sinonimi e contrari barcada Etimo srd.

batellèa , iscl Definizione bati e lea = bai e circa!, toca e pone!

batènte, batènti , nm Definizione pei deretu de una porta, ue acostit e si firmat sa genna candho serrat Traduzioni Francese battant Inglese leaf Spagnolo batiente Italiano battènte Tedesco Türflügel.

bàtere , vrb: bàtiri Definizione giare cropos, prus che àteru faendho calecunu trebballu Sinonimi e contrari corpare Etimo ltn. batt(u)ere.

batería , nf Definizione istrègios de coghina; unas cantu pilas po fàere currente, o fintzes aparíciu chi chistit currente; cuncordu de ainas po sonare música a corpadura: tamburos, pratos Sinonimi e contrari cabidhada Traduzioni Francese batterie Inglese battery Spagnolo batería Italiano batterìa Tedesco Kochtöpfe, Batterie.

batériu , nm Definizione tenent custu númene una genia de organísimos pitichedhedhos (de una céllula) chi faet a bíere solu a microscópiu: po su prus faent dipèndhere maladias (produint velenu in su corpus de s'animale o de su matedu), si distinghent in duas genias, una chi campat solu si dhue at ària (aeróbbicos) e s'àtera solu chentza s'ària (anaeróbbicos) e funt de figura cale tundhos, genia de cocos a unos a unos o a duos a duos, cale longhitos coment'e gremes a berrinedha o coment'e tilingione, cale a cadenita, a gurdone, cale coment'e àstula.

bàtero , agt, nm: bàteru, bàtoro, batro, bàturu, cuàtero Definizione númeru, su fatante de su tres, duos e duos (in números àrabbos 4, in números romanos IV): nau de ora est sèmpere nf. plurale / fàghere pro b. = achipire meda, fàghere su tantu chi podent fàghere in bàtoro Frasi traballaiat, no timiat de s'imbrutare sas manos e faghiat pro bàtoro ◊ benit a innoghe a che ispèndhere cussos bàtero arreales! ◊ bàtoro ogos bient prus de duos! 2. - It'ora est? - Funt sas bàtero! Etimo ltn. quatt(u)or Traduzioni Francese quatre Inglese four Spagnolo cuatro Italiano quattro Tedesco vier.

bateroghèntos , agt, nm, prn: batoschentos, cuatrugentus Definizione bàtoro bortas chentu (in números àrabbos 400, in números romanos CD): coment'e agt. podet cuncordare cun sa genia de su nm. (su camp. no dhu faet) Frasi a sa cabertura bi at chérfidu batoschentas téulas ◊ cussu pastore tenet bateroghentas brebès Etimo srd. Traduzioni Francese quatre cents Inglese four hundred Spagnolo cuatrocientos as Italiano quattrocènto Tedesco vierhundert.

bàteru bàtero

batéu , nm Definizione genia de barca manna Frasi lassei andhare su bateu trasinadu in sa currente de su riu Terminologia scientifica trps Etimo ctl. bateu Traduzioni Francese bateau Inglese boat Spagnolo barco Italiano battèllo Tedesco Boot.

batía , nf, agt: vatia Definizione fémina cojuada chi dhi est mortu su pobidhu / b. a duas bias = chi che li est mortu su de duos maridos puru, imbatiada torra Sinonimi e contrari bida 1, biuda, gatia* Frasi li est mortu su maridu e lassada l'at batia ◊ disdiciada, so torra batia, chen'afianzu! Traduzioni Francese veuve Inglese widow Spagnolo viuda Italiano védova Tedesco Witwe, verwitwete.

bàtia , nf Definizione genia de giogu a betare dinare in muneda apresu de unu muru, a cumpàngios Frasi sos pitzinnos sunt zocandhe a sa bàtia.

batiadórzu , nm: batizadorju Sinonimi e contrari batistériu Etimo srd.

batiàdu , nm: batiatu 1 Definizione su abbarrare fiudos, su tempus chi unu est fiudu Sinonimi e contrari fiudali, fiudantza, fiuràmini, viudàgiu, viudesa Etimo srd. Traduzioni Francese veuvage Inglese widowhood Spagnolo viudez Italiano vedovanza Tedesco Witwertum.