A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

caràca , nf: carraca Definition ispétzia de bastimentu, màchina po bogare ludu de su fundhu in logos chi dhue at abba grussa; nau a disprétziu, ómine malandhau / giú de carracas = zú mannu, de boes mannos meda Surnames and Proverbs smb: Carraca Etymon itl. caracca Translations French drague aspiratrice English dredge Spanish draga Italian draga German Naßbagger.

caracàdha , nf: caragadha Definition genia de iscata chi faet in conca a is pipiedhos Synonyms e antonyms aragadha*.

caracòlos calagòrus

caracólu, caracúlu , nm: caragó, caragolu, caragou, carragolu Definition genia de aina, de linna o de ferru, de is fusteris e de is ferreris po mantènnere firma sa cosa po dha trebballare, nau fintzes de su fusu filetadu e sa filetadura puru (is vias); bucone de mare, àtera genia de gioga de mare (monodonta turbinata) e de terra, tzintzigorru / partis de unu c.: sa buca (= ue si ponet sa cosa a dha mantènnere), sa manuella o màniga, su mascu, sa fémina; is caragolus = a logos, una genia de macarrones curtzos Synonyms e antonyms cabagorru, mossa / botorinu / sicigorru, tzintzigorra Idioms csn: c. de prentza = su fusu cun is vias; c. perpétuu = cudhu chi, no tenendu sa fémina, tocat cun is vias is dentis de un'arroda e dhi donat su motu (itl. vite sènza fine); iscala a c. = iscala tundha, cun totu sas iscalinas chi zirant a inghíriu de unu pilastru o ororu de unu muru tundhu; su c. de s'origa = itl. còclea; fatu a c. = fatu a incrobadas chi no torrant a colare mai in su matessi tretu, itl. a spirale; andhare a c. = arrumbiai, cadhinare, andhare a trouladura; zocu de su c.: arrumbados cun sas palas a unu muru, unu fiotu de pisedhos ispinghent de un'ala, un'àteru de s'àtera, a chie agguantat de prus Sentences sa tentassione lu fit astringhendhe in d-unu caracolu chi fit milli bortas prus forte de issu ◊ su maistu de linna ponit sa tàula in su carragolu po dh'aguantari istrinta 2. est unu gurutu astrintu che caracolu 3. a caragolu a caragolu tambulamus a sa marina 4. a su vicàriu chi at fatu su ricóveru pro sos betzos sentza assusténiu no sunt istados bonos a l'intitulare unu caragolu! Scientific Terminology ans, ggs Etymon ctl. caragol Translations French étau English vice Spanish mordaza Italian mòrsa, strettóio German Schraubstock.

caracútza , nf Definition genia de bestiredhu, su matessi po piciochedhos mascos e féminas a pipios de pagos annos Synonyms e antonyms cabardina Scientific Terminology bst.

carafatàre calafatài

carafúndhula , nf, nm: caravúdhulu Definition farinu, orrughedhu de pane Synonyms e antonyms caravudhuca, chilivrida, palfaruza Sentences gighiat a manigare pagos caravúdhulos de casu Etymon cdh. caravúdhuli Translations French petit morceau, petit bout English bit Spanish pedazo Italian brìciolo, framménto German Stückchen.

caragàdha caracàdha

caragànciu, caragànsu, caragàntu cacarànciu

caragàntulu cacarànciulu

caragàntzu cacarànciu

caragàra , avb Definition in cara, ananti, a face manna Sentences mira ite atrivimentu su chi as tentu a mi abbèrrere su petus caragara! Etymon srd. Translations French effrontément English impudently Spanish descaradamente Italian con sfrontatézza German unverschämt.

caràgiu , nm Definition logu de orrocas, aperta o isperrada in is orrocas Synonyms e antonyms rocàgliu Sentences buscos de chercu e d'élighes umbrosos in sos caràgios piús calurosos isetant sa prima abba a crista in altu (G.Monzitta)◊ in custa funtana, àteros tempos, tribbulendhe sa vida in sos caràgios, sos massajos che faghiant sa fila pro pienare s'abba.

caragó caracólu

caragolàre , vrb Definition andhare o fàere camminos a caragolu, a inghírios; istare a rólliu, a rodeu de ccn. (fintzes inghiriare sa crésia cun is bandheras) Synonyms e antonyms arrodeare.

caragólu caracólu

caragòlus calagòrus

caragòsta cabagòsta

caragóu caracólu

caraíle, caràili, caraíli , nm Definition punta, bica de monte ue no faet a passare, a orrocas artas; in is orrocas a corona, tretighedhu de terra malu a dhue intrare ma unu pagu in paris a bisura de iscalitu; orroca manna / andai infatu a is c. = pònneresi in perígulos Sentences est unu caraili mannu ◊ unu tempus si aràt fintzes su caraile! Scientific Terminology slg Translations French vire (géogr.) English ledge Spanish repisa Italian céngia German Felsband.