A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

cartàre caltàre

cartàru , nm Definition su giogadore chi, a borta a borta, ammesturat e giaet is cartas a is àteros giogadores Synonyms e antonyms carteri.

cartatúcia caltatúcia

cartavetràda , nf Definition genia de paperi fatu arrasposu a una parte po allisare linna passandhodhu a frigadura Translations French papier de verre English glasspaper Spanish papel de lija Italian carta vetrata German Glaspapier.

cartégiu , nm: cartéziu, cartezu Definition líteras chi si mandhant s'unu cun s'àteru; paperis Translations French correspondance English correspondence Spanish carteo Italian cartéggio German Briefswechsel.

cartèlla , nf Definition genia de paperi, mescamente de pagamentos; genia de paperi grussu, pinnigau de dhue pòdere chistire àteros paperis aintru Translations French feuille d'impôts, chemise English income tax form, folder Spanish carpeta Italian cartèlla German Steuerbogen, Aktenmappe.

cartellàu , agt Definition nau de su logu, chi est totu sinnalau cun cartellos Sentences sa foresta est totu cartellada Etymon srd.

cartéllu , nm Definition orrugu mannu de làuna, de cartone o de àteru cun cosa iscrita po inditu Synonyms e antonyms cdh. caltedhu Translations French pancarte English placard Spanish cartel, pancarta Italian cartèllo German Schild.

cartèra , nf Definition s'apertura, prus che àteru genna, po su sestu chi tenet de muros (o de linnàmene) a parte e àtera Synonyms e antonyms antalire, cantalire, cantargiare, cosciale, istantalire, trempai Sentences nemos ti pranghet sas carteras de granitu, s'arcu pintau, su portale mannu! Scientific Terminology dmo.

cartèra 1 , nf Definition genia de istugighedhu de pedhe, fatu de pòdere addopiare, po dhue pònnere dinare, calecunu documentu, e àteru, de portare in busciaca Synonyms e antonyms catafógliu, portafógliu Sentences apo bocau sa cartera pro li dare un'acontu, ma issu su dinare mancu lu pombiabat (T.Ledda).

cartéri , nm Definition chie in su giogu minat e giaet is cartas Etymon spn. cartero Translations French qui mêle les cartes English dealer Spanish quien baraja las cartas de juego Italian cartaro German Kartengeber.

cartéri 1 , nm Definition birada, parte de una bíngia in logu de monte, parte de unu terrenu Sentences si vidiat coment'e addedie, vidiavamus sos carteris de sas vinzas, su bestiàmine, sa vidha (G.Chironi)◊ in campusantu semus intraos a su carteri de sos ricos.

cartéziu, cartézu cartégiu

cartièra , nf Definition fràbbica ue faent su paperi Translations French papeterie English paper-mill Spanish fábrica de papel Italian cartièra German Papierfabrik.

cartíglia, cartíllia , nf: castíglia Definition iscritu de comente unu preide podet cunfessare; fintzes is paperis po isposare Synonyms e antonyms prubbicatas 2. una giovunedha iat donau fuedhu a unu fiuru e enta pubblicau fintzas is cartíllias candu, totu a una borta, maca isbrigungira, dh'at lassau po un'àturu Surnames and Proverbs smb: Castiglia Etymon ctl., spn. cartilla Translations French licence de confesser English confessor licence Spanish cartilla Italian patènte da confessóre German Befugnis, die Beichte abzuhnemen.

cartína , nf Definition genia de istrégiu, fintzes ue si ponet sa múrgia po salire su casu Synonyms e antonyms cóncula, ischiu 2, ischivedha, tavania, tina / mulgera Sentences cariados che atzua in sa cartina, comente che sunt rutos sunt firmados ◊ po iscubonae serbit sa cartina asuta de sa cubidina o de su cupone Scientific Terminology stz Translations French cuvette English basin Spanish palangana Italian catinèlla, mastèllo German Waschschüssel, Bottich.

cartína 1 , nf Definition paperedhu cun meighina o àteru; paperi mannu, grussitu, inue si rapresentat o figurat unu territóriu segundhu unu raportu istabbiliu (iscala) e segundhu unu tema o argumentu: cartina istradale, geológica e àteru Synonyms e antonyms calta Sentences pro male de pagu importu su dutore órdinat carchi cartina ◊ in s'iscàtula bi at duas cartinas de pastillas ◊ at comporau tabbacu e cartinas po fai is sigaretas 2. sa cartina de sa Sardigna in iscola est in iscala "unu a dughentos chimbanta miza" Translations French sachet, carte English dose, map Spanish sobre, mapa (m) Italian cartina German Dose, Landkarte.

cartíta , nf Definition min. de carta de giogu.

cartó , nm: cató Synonyms e antonyms gató* Sentences su cartó est unu druche fatu cun méndhula, mele e túcaru.

cartocéri , agt, nm: catoceri Definition chi o chie narat cartòcias, fàulas Synonyms e antonyms fauànciu Etymon srd.