A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cartàre caltàre

cartàru , nm Definitzione su giogadore chi, a borta a borta, ammesturat e giaet is cartas a is àteros giogadores Sinònimos e contràrios carteri.

cartatúcia caltatúcia

cartavetràda , nf Definitzione genia de paperi fatu arrasposu a una parte po allisare linna passandhodhu a frigadura Tradutziones Frantzesu papier de verre Ingresu glasspaper Ispagnolu papel de lija Italianu carta vetrata Tedescu Glaspapier.

cartégiu , nm: cartéziu, cartezu Definitzione líteras chi si mandhant s'unu cun s'àteru; paperis Tradutziones Frantzesu correspondance Ingresu correspondence Ispagnolu carteo Italianu cartéggio Tedescu Briefswechsel.

cartèlla , nf Definitzione genia de paperi, mescamente de pagamentos; genia de paperi grussu, pinnigau de dhue pòdere chistire àteros paperis aintru Tradutziones Frantzesu feuille d'impôts, chemise Ingresu income tax form, folder Ispagnolu carpeta Italianu cartèlla Tedescu Steuerbogen, Aktenmappe.

cartellàu , agt Definitzione nau de su logu, chi est totu sinnalau cun cartellos Frases sa foresta est totu cartellada Ètimu srd.

cartéllu , nm Definitzione orrugu mannu de làuna, de cartone o de àteru cun cosa iscrita po inditu Sinònimos e contràrios cdh. caltedhu Tradutziones Frantzesu pancarte Ingresu placard Ispagnolu cartel, pancarta Italianu cartèllo Tedescu Schild.

cartèra , nf Definitzione s'apertura, prus che àteru genna, po su sestu chi tenet de muros (o de linnàmene) a parte e àtera Sinònimos e contràrios antalire, cantalire, cantargiare, cosciale, istantalire, trempai Frases nemos ti pranghet sas carteras de granitu, s'arcu pintau, su portale mannu! Terminologia iscientìfica dmo.

cartèra 1 , nf Definitzione genia de istugighedhu de pedhe, fatu de pòdere addopiare, po dhue pònnere dinare, calecunu documentu, e àteru, de portare in busciaca Sinònimos e contràrios catafógliu, portafógliu Frases apo bocau sa cartera pro li dare un'acontu, ma issu su dinare mancu lu pombiabat (T.Ledda).

cartéri , nm Definitzione chie in su giogu minat e giaet is cartas Ètimu spn. cartero Tradutziones Frantzesu qui mêle les cartes Ingresu dealer Ispagnolu quien baraja las cartas de juego Italianu cartaro Tedescu Kartengeber.

cartéri 1 , nm Definitzione birada, parte de una bíngia in logu de monte, parte de unu terrenu Frases si vidiat coment'e addedie, vidiavamus sos carteris de sas vinzas, su bestiàmine, sa vidha (G.Chironi)◊ in campusantu semus intraos a su carteri de sos ricos.

cartéziu, cartézu cartégiu

cartièra , nf Definitzione fràbbica ue faent su paperi Tradutziones Frantzesu papeterie Ingresu paper-mill Ispagnolu fábrica de papel Italianu cartièra Tedescu Papierfabrik.

cartíglia, cartíllia , nf: castíglia Definitzione iscritu de comente unu preide podet cunfessare; fintzes is paperis po isposare Sinònimos e contràrios prubbicatas 2. una giovunedha iat donau fuedhu a unu fiuru e enta pubblicau fintzas is cartíllias candu, totu a una borta, maca isbrigungira, dh'at lassau po un'àturu Sambenados e Provèrbios smb: Castiglia Ètimu ctl., spn. cartilla Tradutziones Frantzesu licence de confesser Ingresu confessor licence Ispagnolu cartilla Italianu patènte da confessóre Tedescu Befugnis, die Beichte abzuhnemen.

cartína , nf Definitzione genia de istrégiu, fintzes ue si ponet sa múrgia po salire su casu Sinònimos e contràrios cóncula, ischiu 2, ischivedha, tavania, tina / mulgera Frases cariados che atzua in sa cartina, comente che sunt rutos sunt firmados ◊ po iscubonae serbit sa cartina asuta de sa cubidina o de su cupone Terminologia iscientìfica stz Tradutziones Frantzesu cuvette Ingresu basin Ispagnolu palangana Italianu catinèlla, mastèllo Tedescu Waschschüssel, Bottich.

cartína 1 , nf Definitzione paperedhu cun meighina o àteru; paperi mannu, grussitu, inue si rapresentat o figurat unu territóriu segundhu unu raportu istabbiliu (iscala) e segundhu unu tema o argumentu: cartina istradale, geológica e àteru Sinònimos e contràrios calta Frases pro male de pagu importu su dutore órdinat carchi cartina ◊ in s'iscàtula bi at duas cartinas de pastillas ◊ at comporau tabbacu e cartinas po fai is sigaretas 2. sa cartina de sa Sardigna in iscola est in iscala "unu a dughentos chimbanta miza" Tradutziones Frantzesu sachet, carte Ingresu dose, map Ispagnolu sobre, mapa (m) Italianu cartina Tedescu Dose, Landkarte.

cartíta , nf Definitzione min. de carta de giogu.

cartó , nm: cató Sinònimos e contràrios gató* Frases su cartó est unu druche fatu cun méndhula, mele e túcaru.

cartocéri , agt, nm: catoceri Definitzione chi o chie narat cartòcias, fàulas Sinònimos e contràrios fauànciu Ètimu srd.