A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

codinàtu, codinàtzu , nm, agt Definition logu de codina; chi paret codina, chi essit che codina Synonyms e antonyms orrochile, rocàgliu Etymon srd. Translations French rocheux English rocky Spanish rocoso Italian roccióso German felsig.

codínu , nm Definition genia de petonadura de féminas Synonyms e antonyms cacariolu, ciónciu, cocojoni, concajoni, cucale, cuchedha, cucurinu.

codisàgala, codisàghile, codisàlighe , nf Definition genia de pigione: segundhu s'arratza, in Sardigna est de passera in beranu, segundhu nidat puru (b. f. cinereocapilla) Synonyms e antonyms codilonga, coeta, coisàida, culisàida, culisaita, isposita, madisca, madiscedha, merreschedha, niacoa, tzantzigadita Scientific Terminology pzn, budytes flavus.

codísca , nf Definition cogólidu de erriu Synonyms e antonyms códua, dhidhia, lecucu. Etymon srd.

codíssia codícia

codissiósu codiciósu

códitze códice

códiu , nm: acódiu* Definition avantzu, cosa coigiada / a c. = a úrtimu Synonyms e antonyms abantzu, acógiu, sobra.

codivúlciula , nf Definition cugurra furcaxada, genia de bobboi pitichedhu e longhitu, in colore de castàngia, chi portat sa coa frochidhada coment'e tonàgias Synonyms e antonyms forchidhàdile, isparraguatza, melauridha Scientific Terminology crp.

códixi códice

codòbba , nm Synonyms e antonyms ballalloe, innóchidu.

codòcra , nf Definition s'ogu de sa segure, fintzes de s'agu.

codognàre codangiàre

codòja , nf Synonyms e antonyms cocina, coighina 1, mola, tzompa.

codóju cadógiu

codolàtzu , agt: codulatu, codulatzu Definition chi est tostau che pedra; nau de ccn., chi est tostorrudu, pertiatzu Synonyms e antonyms coteu, testarrudu Sentences custu cuadhu est codolatzu 2. tue poetedhu codolatzu betas apare dógnia imbarratzu! Etymon srd.

còdollo , agt Definition nau de unu, chi est pagu abbistu, fatu a sa grussera Synonyms e antonyms tontassu / gavàciu, grosseri.

còdolu , agt Definition de pedra, chi est che pedra, che code (no solu po sa duresa ma fintzes ca est arrasposu a dhu tocare) Etymon srd.

còdoma , nf: còndoma, cónduma, còntoma Definition chedha manna de gente, gente meda in cumpangia, o fintzes chedha manna de àteru; domo, sa gente de un'aréntzia: si narat fintzes de duos chi funt fastigiandho, po pesare famíglia, loba (e deasi fintzes de animales: una cónduma de picionis) Synonyms e antonyms aredeu, camarada, cumarca, famíllia, fiotu, grefa Idioms csn: andhare in cónduma = andhare in medas, in cumpanzia, in grefa; èssere de còndoma mala = de répula, de famíllia mala Sentences isciampitat intera sa cónduma e faint s'anchita e su passu torrau (A.Cannas)◊ onzi tantu che as a torrare in còndoma, a inoghe ◊ lis apo promintu de che picare peri a issos in carru, bastu chi no siant a còndoma ◊ una còndoma de fizos a rodeu fint ascurtendhe abbevelados 2. cussu est de còndoma de sos Atzenis 3. una cónduma de bobborissina Etymon ltn. *condoma Translations French troupe English gang Spanish pandilla Italian brigata, combrìccola, drappèllo German Schar.

codomidàde , nf: codumidade, comodidade, comodidadi, comoditate Definition cosa, fatu o trastu chi arrespràmiat pelea e faet su trebballu discantzosu; logu po istare fatu bene de dhue pòdere istare cun prus facilidade Synonyms e antonyms codumàntzia, comodesa, cumbénia, cumbeniéntzia Sentences sa samunadora, su frigoríferu, su gassu sunt totu bellas codomidades ◊ in domo bi tenet totu sas comodidades ◊ sa terratza est una codomidade, candho faghet a l'àere Translations French confort English comfort Spanish comodidad Italian comodità German Bequemlichkeit.