A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

cristianésimu , nm Definition su èssere e fàere cunforma a s'Evangéliu chi at predicau Cristos Sentences est Gesús, creu e no dúbbitu, pernu centrali de su Cristianésimu ◊ totu custu tzérriat sa Crésia de Deus in Sardigna a fàere una evangelizatzione noa, chi fatzat crèschere su cristianésimu in su pópulu nostu (CPS) Translations French christianisme English christianity Spanish cristianismo Italian cristianésimo German Christentum.

cristianía , nf Definition totu sa gente de fide cristiana chi andhat aifatu a sa dotrina de Cristos, is cristianos in sensu precisu Synonyms e antonyms cristianidade Sentences cun nosu bivis in mesu de sa cristiania Translations French chrétienté English christendom Spanish cristianidad Italian cristianità German Christenheit.

cristianidàde , nf Definition totu sa gente de fide cristiana, chi cundividit sa dotrina de Cristos Synonyms e antonyms cristiania.

cristianínu , agt Definition chi est de cristianu, de persona umana Synonyms e antonyms umanu Sentences at leatu fracu de peta cristianina ◊ fracu de annuscu cristianinu so leandhe! Etymon srd.

cristiànu criltiànu

cristionài, cristionàre chistionài

cristiòne, cristiòni chestiòne

Cristólu , nm Definition númene de ómine Translations French Christophe English Christopher Spanish Cristóbal Italian Cristòforo German Christoph.

Crístos, Crístu , nm: Cristus Definition (sing. fintzes in /s/) su untu, su Messia chi at mandhadu Deus Babbu, sa de duas Personas divinas de sa fide cristiana, númene chi si giaet a Gesús de Nàzareth chi at predicau sa Bona Noa o Evangéliu e ant incravau a sa grughe in su Calvàriu; si narat de unu marturiau, póveru e suferente. Sa naschia sua faet de làcana in s’ispartzidura de su tempus istóricu e deosi s’inditant is fatos coment’e innanti de C. (i.C.) o apustis de C. (a.C.)/ fàghere a unu che a C. in rughe = fàghere a bisera, pònnere istrópiu, pistare Synonyms e antonyms Segnore Sentences dogni màssima de Cristos giusta e santa no solu est trascurada, est petigada dae s'umanidade totaganta ◊ Tui ses su Cristus, su Fillu de Deus! 2. si lu ant cotadu suta e l'ant fatu che a Cristos in sa rughe ◊ ant sighiu a mi pigare in ziru, comente a su Cristu candho che dh'ant leau a su Calvàriu Etymon ltn.e Christus Translations French Christ English Christ Spanish Cristo Italian Cristo German Christus.

cristúdu , agt Definition chi portat cristas pilosas meda, mannas; nau de pudhu, chi portat crogorista meda, arta Etymon srd.

Crístus Crístos

crísu , nm Definition totu su chi si ndhe segat pudandho, ispatzandho o limpiandho unu terrenu; si narat fintzes in su sensu de àscamu, grisu, ischifu Synonyms e antonyms ispatadura.

crisúra, crisúri cesúra

criteriósu , agt Definition nau de ccn., chi in su fàere tenet critériu, régula; fintzes creitosu, chi si credet Synonyms e antonyms achistiadu, atoadu, cabosu, fundoriau, giudisciosu | ctr. isconsiderau Etymon srd.

critériu , nm Definition manera istabbilia e arrexonada de fàere, de cunsiderare is cosas Synonyms e antonyms fundhóriu, regla, sentessu Sentences megat de iscriri sa cantada cun bellu critériu e modu ◊ ses de valori mannu, o fogu, usau cun giustu critériu! Translations French critère English criterion Spanish criterio Italian critèrio German Maßstab.

crítica , nf, nm: críticu 1, crítiga Definition totu su chi si osservat e si narat de calecuna cosa, o fatu o de ccn.; su chi si narat fintzes chentza importu de s'unu e de s'àteru Synonyms e antonyms zúdigu Sentences si fato custa crítica niedha est ca sempre mi ant postu in arguai (A.F.Muredda)◊ candho ischint chi mi che so fuida, crítica manna at a fagher sa zente (Sotgiu)◊ candho in cara ti faghent su bellu poi apalas ti faghent sa crítiga!(Cugurra) Translations French critique English criticism Spanish crítica Italian crìtica German Kritik.

criticadòre, criticadòri , agt, nm: critigadore, critigadori Definition chi o chie istat sèmpere criticandho, a tropu Synonyms e antonyms ataciadori, criticagiolu, criticheri, critichete, strunciadori Sentences su critigadore est semper gai: de criticare no s'istracat mai Scientific Terminology ntl.

criticagiólu , agt Definition chi istat sèmpere criticandho a s'unu e a s'àteru, chi críticat meda Synonyms e antonyms criticadore, criticheri, critichete, giuricheri Sentences limba criticagiola Scientific Terminology ntl Etymon srd. Translations French critiqueur, hypercritique English fault-finder, hypercritical Spanish criticón, hipercrítico Italian criticóne, ipercritico German Krittler, übertrieben kritisch.

criticài, criticàre , vrb: critigare Definition istare sèmpere abbaidandho e naendho de is àteros cosas in contràriu o chi no parent bonas Synonyms e antonyms afoghilare, allicuterai, contularjare, crastulai, ispertocare, lorodhare, spidanciai, zudicare Sentences ista cagliada, ite ses nendhe: prite m'istas critichendhe si no ti apo criticadu?! ◊ cussas contularzas istant critichenne a s'unu e a s'àteru, ma a issas no bi ant mai abbaidadu! (G.Tilocca) Translations French censurer English to censure Spanish censurar Italian censurare German zensieren.

critichéri , agt Definition chi istat sèmpere criticandho a s'unu e a s'àteru Synonyms e antonyms criticadore, criticagiolu, critichete, giuricheri, porretànciu Sentences cussa fémina est una critichera mala, che píbara maladita ◊ ma lah ca seis criticheris, lah: po dónnia cosa agatais ita narri! Scientific Terminology ntl Etymon srd. Translations French critiqueur English fault-finder Spanish criticón Italian criticóne German Krittler.