A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

críspili, críspini , nm: críspiri Definition in su letu antigu, una genia de cabadhete de linna ue si isterrent is tàulas in contu de arretza po fàere su paris e pònnere su sacone o sa banita in pitzu: peis e tàulas si narant pampalonis; a logos si narat fintzes a su canapè Synonyms e antonyms istrípide / cabadhete Etymon itl. trespide.

crispiòla , nf Definition pértiga a usu de girónia po trubbare animale.

crispionàtzu , agt Definition chi est a bisura de crispione, totu intrau apare, atrotigau Synonyms e antonyms crispionosu Etymon srd.

crispiòne, crispiòni , nm Definition tupa o nae totu ispina, trobedhau Synonyms e antonyms berrisone, crisioni Sentences depiant illimpiai is campus de su crispioni e de su murdegu ◊ sas àrbures chentza tentas contu si sunt fatas a crispione Etymon srd.

crispionósu , agt Definition chi est a bisura de crispione, intrau apare, atrotigau Synonyms e antonyms crispionatzu Etymon srd.

críspiri críspili

crispisòne crespisòne

críspu , agt: grispu Definition nau de una cosa a su chi paret passandhodhi sa manu in pitzu, chi arreschet unu pagu, arrasigat, chi no est lisa o bene dereta; nau de su mòvere, o de su fàere, chi est lestru, cun fortza Synonyms e antonyms arraspinosu, arraspiosu, faratzosu, rafiganzosu, raspitzu / càdriu, chíbbalu, chídrinu, intrusciadu, lestru | ctr. lísiu / acalamau, lenu Idioms csn: dàrendhe una crispa una lena = donaindi una frida e una callenti, fai una cosa chi dispraxit e una chi praxit, una mala e una bona, una lègia e una bella; fai passu c. = cràdiu, lestru, andhare coitendhe; bentu crispu = forte; furru c. = budhiu, fogosu meda; isfrigatzare a crispu = a forte; boghe crispa = arta, forte; learesila a crispa = arrennegaisí, pigaisidha, ofendirisí, pigaisí disprexeri; leàrela crispa = leare carchi cosa in prenu; èssere a crispu (nadu de carchi cosa) = a meda, carcu Sentences sas manos distinghiant su modhe dae su tostu, su lutu dae sa preta, su crispu dae su lisu (M.Pira)◊ portas is manus crispas 2. si su forru est crispu, po coi bèni su pani si ghetat linna frisca po abbrandai sa tèmpera ◊ su càule a upu faghet a botza crispa ◊ s'àinu si ghindheit crispu e che lu iscudeit a marcas in altu 3. mi ndhe at dadu una crispa e una lena chirchendhe in rimas sa manera digna de mustrare satírica sa vena (P.Giudice Marras) 4. no ti la lees a crispa pro cussa imputassione, tantu chie at pasta faghet pane! ◊ no ti la lees a crispa si su sótziu andhat male: cadhu de cumone, narat su ditzu, ne sedha e ne crabistu (G.Ruju) 5. l'apo leada crispa, sa munza, chirchendhe unu fiadu! ◊ mi at leadu crispa sa frebba, no podia mancu ingullire 6. sos montes sunt carrarzados de àrvures a crispu ◊ no si bidiat a duos prammos, gai crispu fuit frocandhe! Surnames and Proverbs smb: Crispu Etymon ltn. crispus Translations French crêpé, rêche, hérissé, accéléré, intense English wrinkled, intense, bristly, quick Spanish crespo, intenso, rápido Italian créspo, rùvido, ìspido, accelerato, intènso German kraus, rauh, schnell, stark.

crispúdu , agt Definition nau de orrobba, de pedhe, chi est a tzirbisas, a pinnigas; nau de unu, chi est arrennegau, arrennegosu, físchidu Synonyms e antonyms arritzonidu, grisposu, ingruciupidu, strugnu Etymon srd. Translations French ridé, bourru English grumpy, wrinkled Spanish arrugado, rugoso, huraño Italian grinzóso, bùrbero German runzelig, mürrisch.

crispúra , nf Definition su èssere crispa, arrasposa tocandhodha, nau de una cosa Synonyms e antonyms raspidesa Sentences portàt pantalones de lana sarda ma pagu si ne incuràt de sa crispura (C.Sau).

crísta crílta

cristàgliu criltàllu

cristàle , nm Definition su tretu prus artu de una teulada a duas abbas (o apagnadas), totu de longu Synonyms e antonyms ischina, rundha Scientific Terminology dmo.

cristallína , nf Definition genia de erba grassa; a logos narant custu númene a sa birilla de imbidru Scientific Terminology rba, Mesembryanthemum cristallinum Translations French ficoïde glaciale English ice plant Spanish planta de hielo, planta cristalina, escarcha Italian mesembrïàntemo German Eiskraut.

cristallínu , agt, nm Definition chi est o chi si paret che cristallu; in s'ogu, genia de lente chi atóbiat sa lughe a sa rétina Synonyms e antonyms límpidu Sentences si che lampat in s'abba cristallina Scientific Terminology crn Etymon itl. Translations French cristallin English crystalline (lens) Spanish cristalino Italian cristallino German kristallen, Linse.

cristallizài, cristallizàre , vrb Definition torrare o fàere a cristallos, nau de lícuidos chi si càgiant (o apedrant) Synonyms e antonyms imbidriare Sentences sos minerales si cristallizant totugantos in formas cabales, onzuna diferente de s'unu a s'àteru Translations French cristalliser English to crystallize Spanish cristalizar Italian cristallizare German kristallisieren.

cristàllu criltàllu

cristàllu 1 , nm Definition erba de cristallu: genia de erba chi faet in oros de mare, in terra salamata, bona po fàere soda Synonyms e antonyms curamaridus, sassoini Scientific Terminology rba, Salsola kali, Salsola soda Translations French salicorne English glasswort Spanish salicor Italian rìscolo, sòda German Salzkraut, Sodapflanze.

cristèle, cristère , nm Definition samunóngiu chi si faet a is istentinas Synonyms e antonyms gàita, servissiale Sentences mi tenzat po iscujadu, ma a pònnere su cristele a unu runzinu sentensiadu mi paret boveria! Etymon spn. clistel, clister Translations French clystère English enema Spanish lavativa, clistel, cristel Italian clistère German Klistier.

cristéri , nm Definition genia de candheleri a tres candhelas po su sàpadu santu Synonyms e antonyms lumencristi, ristellu 1.