A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

fúga fúa

fugarésu fogarésu

fúghere fúere

fughía, fúghida , nf: fuida Definition su fuire; fintzes fuliesa / min. fuighedha Synonyms e antonyms fughinzu, fuina Sentences a sa zirada, in fúghida si pesat, ocros a chelu, ammachiau de sa currenta, s'astore (A.Mura)◊ s'àcua fait sa fuida cada de mari ◊ cussa fuida debressi dh'at salvau 2. brínchiat a supra de su muraglione e de sa fúghida che fit rughendhe a zosso Etymon srd. Translations French fuite, évasion English escape Spanish fuga, evasión Italian fuga, evasióne German Flucht.

fughidòre , agt: fuidore, fuidori Definition chi fuit, chi si fuit, chi tenet pagu firmesa, chi no si lassat mantènnere; chi andhat a tota fua, chi curret meda Synonyms e antonyms fughijolu, fuidissu / corridore Sentences est unu cuadhu fuidori ◊ su tempus est fuidori prus de su dinai ◊ su lunis est fuidori…◊ intendiat unu sentidu de discuntentu fuidori Etymon srd. Translations French fugitif English fugitive Spanish fugitivo Italian fuggitivo German flüchtend.

fughidórju , nm Definition logu o tretu adatu po fuire Etymon srd.

fughidósu , agt Synonyms e antonyms fúliu, fúrridu Sentences curret su sàmbene in sas benas, imberghendhe fughidosu, ispapatau, in su gurutu tortu de s'aorta Etymon srd.

fughidúra , nf: fuidura Definition su fuire, nau prus che àteru de sa manera de andhare Synonyms e antonyms fua, fughinzu Sentences ite dolore a ti bíere andhandhe a t'isposare a fughidura! ◊ ti pesso currendhe a fuidura in sas carrelas ◊ su ziminàriu no fit bucone pro isse e si nch'est fughiu a fughidura ◊ tronos e lampos ant fatu cúrrere s'ama a fuidura Etymon srd.

fughijólu , agt Definition chi si fuit, chi che passat impresse (nau de su tempus) Synonyms e antonyms fuidissu, fuzijolu Etymon srd. Translations French fugitif English fleeting Spanish fugaz Italian fuggévole German vergänglich.

fughínzu , nm Definition su fughire Synonyms e antonyms fughia Sentences in sas presses de su fughinzu su pipiu est rutu Etymon srd.

fughíre , vrb: fui, fuire, fuiri Definition andharesindhe currendho coment'e timendho ccn. cosa, istesiare impresse de unu perígulu e in calecunu logu signíficat fintzes solu cúrrere; essire de manos, nau de ccn. cosa chi si portat agguantada; nau de bestimentu, bènnere o arresurtare piticu comente unu creschet, cun su tempus / pps. fughitu; impr. futzassí!, fuassí! Synonyms e antonyms infrusai, fúere | ctr. abarrai, bènnere Idioms csn: fuendhe, fuindhe = currindhe a tota fua; fughire a labore de pedes = fuire a tota fua; fuire dae mente = iscarèsciri; avb. fughivughi, fuivui = coment'e fuindhe, impresse meda, chentza tènnere tempus de nàrrere nudha; fughire dae pódhiches che abba currenne (nadu de carchi cosa o chistione)= che cosa chi no faghet a la muntènnere Sentences sa pitzinna fughendhe trambucat e rughet ◊ si est fughita che gatu agreste ◊ si as boza chi duret s'allegria, fúilas sas profertas de su bundhu! ◊ nd'istuponat a foras e si fuit a s'ispentimada ◊ po ti cojai tocat a ti nci fuiri de domu ◊ no mi che fuas: tantu ti agato su matessi! ◊ no ti fuast de acanta mia! ◊ fui, odheu, no ti rughet sa màchina colendhe! ◊ cussus si furint fuius cun su dinai de su babbu ◊ su sartu fiat totu unu fui fui de lèpuris e conillus ◊ si ch’est fughidu a innedha 2. imbucheit a cadhu fuendhe e che la ponzeit in su tanchitu in paga ora ◊ chie at carchi sodhu si est fughindhe a labore de pedes ◊ su tempus passat a cadhu fuendhe 3. comente fia ifustu, cussa cosa mi est fuida dae manos ◊ mi est fuidu dae mente e no ti apo nadu su chi ti depia nàrrere ◊ in mesu a cosa meda, un'irballu ti podet fuire 4. si ti fuint, custas iscarpas, las lassas a sorre tua a si las finire ◊ sa bestimenta lis fuit a sos pisedhos creschindhe Etymon ltn. fugire Translations French s'enfuir, échapper English to escape Spanish huir, escapar, evitar Italian fuggire, scappare, sfuggire German fliehen, entgleiten.

fughisfúghis fuevúe

fughítu , pps, agt: fughiu, fuiu Definition de fughire, fuiri; nau de erbas e frutuàrios, fuiu est fintzes bolau, passau, tropu lómpiu / fogu fuidu = fogu chi, brusiendhe pro innetiare, s’isterret tropu e no si resessit a dominiare e faghet dannu Sentences at irmedhighinau sa guàrdia chin d-unu códule e s'est fughiu.

fughítu 1 , nm Synonyms e antonyms foritu Etymon srd.

fugifugédhu , avb Definition (camminai) a f. = illascinandho Sentences camminat solu in betada, a fugifugedhu.

fugimènta fogimènta

fuginài , vrb Definition camminare o mòvere chentza arrèschere Synonyms e antonyms fugire, illascinare.

fugíre, fugíri , vrb: fuzire Definition andhare illascinandho, mòveresi o mòvere a tragu, nau mescamente de cosa chi no est firma, chi est in cosa o logu lisu; fintzes trantzire, istesiare apostadamente / fàiri su fugivugi = andhare o mòeresi a fuzidura, alliscinendi; fugire una cosa = tasire una cosa, lassàrela a tempus addainanti Synonyms e antonyms allescinai, cadriare, illascinare, illiscigare, iscadriare, iscafuzire, istrissinare, lascinare, lassingiare, lissiniri, sfugiri / istregire Sentences at fuzidu e si at fatu male ◊ so fuzidu in s'astrau ◊ faghindhe s'isterzu mi ch'est fuzidu su piatu dae manos ◊ at fugiu e ist orrutu puru 2. o is de Cortigedha nci fugint sa diga a una parti, o cinono nci fugint s'erriu prus adhai! Etymon itl. (s)fuggire Translations French glisser English to slide Spanish resbalar, deslizar Italian scivolare German gleiten.

fúglia , nf Definition cosa chi si faet ingannandho s'àteru Synonyms e antonyms arrebbuseria, embusteria, fuglieria, macatreferia, fragnocoleria, ingannia, tramperia / fuglieri Etymon srd. Translations French escroquerie English swindle Spanish estafa, fraude Italian trufferìa German Betrug.

fugliàre foliài